جاد شافها ركبات مع هذاك و كايضحكو طلع ليه الدم.. كسيرا. بالاطو حطها قدام دارو.. دخل معصب كثر من اي مرة.. عادي شاف الكره ف عينين البنت للي كايبغي.. اي حاجة جات قدامو كايهرسها اي حاجة حتى من التلفزة.. كان بحال شي وحش عنيييف و فاش سالا الغضب نزل على ركابيه. و طلق العنان لدموعو.. علاااش اسارة درتي هاكا تزوجتي وولدتي وانا للي 4 سنين كاملة كانفكر فيك غير نتي.. فالدقيقة كانموت الف موتة.. مشيت لاميركا واول حاجة درتها فاش وصلت تلااقيت بهيتم.. وصيتو عليها باش يبقا معاها ويتهلا فيها.. مراقبتهاش مابغيتش نشوفها ايلا شفتها غادي نرجع ليها بلاما نتاقم من هادوك للي بغاو يفرقونا.. لكن بقيت مراقب الحساب ديالها.. داز عام و انا كانقلب على الراس الكبير للي قتل ليا ختي.. لحقاش انا قتلت ليه بنتو بالغلط فواحد المهمة.. وهو بغا ينتاقم و قتل ختي.. رجع هددني ب سارة لكن علاش سارة بالضبط ماشي نسرين اذن شي ححد عارف علاقتي بها.. لقيت المكان ديالو.. كنت مسلح بقيت تانتسلت حتى دخلت المكان فين كاين من طبيعة الحال ماشي ساهل لكن عاوني راجل من رجالو.. دخلت و انا مصمم باش نقتلو.. و داكشي للي كان هو خرج من المكتب ووجهت سلاحي ليه قتلتو فالبلاصة.. ديك الساعة جاو رجالو ضربني واحد الكتف.. كانسمع صوت ديال البنت ماتقتلوووهش عفااكم لااا وتاتبكي هزيت عيني فيها لقيت هجر غريب اش كادير هي هنا عندو.. ضربوني ضربة خرى غيبت فقت من بعد عام وانا فغيبوبة تانحل عيني ونسد لقيت هجر قدامي عيطات الطبيب.. جاو كاملين فرحانين.. بقيت يوماين لكن تانحرك غير عينيا راسي ضهري ماقادرش نوض يد وحدة للي كاتحرك.. هجر : تهدن اجاد تهدن انا انعيط الطبيب يشرح ليك.. جا الطبيب و شرح ليا بلي عندي شلل نصفي و خاصني مدة طوييلة ديال العلاج..تعرضت الضرب بالقرطاس اكثر من مرة و انخضع لعملية للي نسبة النجاح ديالها قليلة.. طلبت من هجر باش ماتقول هادشي لتاحد والعائلة ايلا سولوها تقوليهم بيخير..تحولت لغرفة اخرى.... وبديت فالعلاج للي طال مدة عام ونص .. ماحاولتش نسول هجر علاش كانت عند البوس داك النهار لحقاش باينة هي ورا داكشي كامل.... افكار تديني و افكار تجيبني وخرجت بفكرة نرجع. المغرب و انفضحها قدامهم و من بعد تكون نهايتها على يدي.. وليت تانتعامل معاها مزياان باش تقدر تعتارف ليا.. علمتها باش نرجع المغرب مابقا عندي مايدار هنا انا انساحبت من خدمتي.. كانت ضد الفكرة و مصرة باش نبقا هنا.. الغد انا تانجمع فحوايجي باش نرجع نرجع عند حبيبتي اتكون توحشاتني خليتها بوحدها هجر للي فرقااتنا و انتاقم منها قدااامهم.. لكن اتفاجأت بالمدير ديالي مات مقتول وكلفوني بمهمة نلقا للي قتلو قلبت شحااال و لقيت شخص كلفاتو هجر باش يقتلو.. تشد داك الشخص و خليت هجر لحقاش باقي محتاجها تعتارف بكاع هادشي للي دارت باش تبعدني على سارة و شنو علاقتها بهذاك للي قتل ختي؟؟؟.. حسابي معاها ايكون خايب... فاش جيت نشوف شحال المدة باش ماشفتش سارة لقييت 4 سنييين 4 سنين ضاعت من عمري بلا بها.. و فاش جيت فرحااان نشوفها لقيتها مزوجة وعندها ولد علاااش اربي اشمن ذنب درت فحيااتي باش نتعاقب هاد العقاب لا و قالت لي كاتبغيه و انا غير مراهقة بالنسبة ليها... يااك. اسارة. نسيتي كاع . داكشي للي دوزنا.. نسيتي حبك. ليا. وقدرتي تخلي واحد اخر يقيسك!!! ... الله يقدرني على نسيانك عند سارة*** وصلت القصر دخلت ولدي دوشت ليه و لبستو حوايجو يالاه اماما خرج عند تاتي دلال تحط ليك غداك انا انتكا شويا واخة بيبي.. مشا.. و انا بقيت جالسة فبلااصتي اش هادشي طرا هاد الصباح تفكرت القبلة ديال قبيلة بديت تانمسح ففمي علااااش دارهااا علااااش راااجع ياااك صافي... ولفت حياتي بلا به... مشيت المرايا كانشوف فالضربة.. ماحملتوش.. الله يقطعهم ليه باقي هو هو ماتبدل فيه والو... دخلت الدوش صايبت الجاكوزي و استرخيت الله على راااحة.. خرجت ضربتها بنعسة حتى المغرب فقت لبست كسوة فالازرق.. فوق الركبة.. سميطات كاتبين صدري المشدود.. شعري خليتو مطلوق.. درت ماسكارا فالزرق و لون عينيا جا مع الكسوة درت ماكياج يخفي ليا ديك الجرحة عكر خفيف و هبطت.. تانتلاقا بهاجر.. دايرين بها و يعنقو فرحااااانين رجعات لهم بنتهم.. حياة : ولدي مجاش معاااك ؟!! هاجر : لا را جا الصباح.. عمي : ماشفناهش جدي : ايوا صافي را ماكناش.. كون راه جا و مالقاناش جدة : عااافاكم ابنتي تكون هادي الاخيرة لكم، راكم كاتخلعونا عليكم هجر : حبيبتي جدة هادي هي المرة اللخرا انا و جاد. انساحبناا من ديك الخدمة.. شافتني هجر: وااااش ساااارة هادي !!!! ؟ انا: لااا موووكة هجر : هههه دابا تأكدت راكي سارة.. امممم قفزة نوعية كلشي تبدل فيييك الزوااج ردك غزااالة .. دخل جاد هاز امير تاني فين كايتلاقاو الله واعلم.. امير: ماما ماما عمووو قاليا ايلعب معايا كووورة.. هجر و لدك هذاااا ويتوووو شحال غزااااال.. ناضو تايعنقو فجاد بابا : ايوا جلسو اتبقاو واقفين.. مشينا جلسنا فالصالون و جاد حاط امير فحجرو.. تايضحك معاه..
