طوق الياسمين
همس القوارير
البارت ١٣
زينب
ايهاب اليوم حجى وياي وگالي اتمنى تكونين من نصيبي
شهد
اي يارب خير وشنو گلتيله
زينب
گتله انطيني مهله افكر لان القرار صعب
ياسمين
تفكرين بشنو معوده اتكلي على الله
زينب
چنكم نسيتوا قصتي واني شنو وامجد شلون
ياسمين
امجد مگدور عليه لان هو اصلا ميريد يتزوجج وبعدين لازم تتزوجين وحالتج هذه اكو دكتورات تگدر تسويلج حل
زينب
وگلبي الي متعلق بأمجد شلون الگاله حل
فاطمه
خلاص فاتحي امجد وشوفي شنو ردت فعله
زينب
هسه راح اروح اخابره واگوله واشوف شنو رده
وفعلا نزلت حجت وياه واحنا ننتضر عالدرج على احر من الجمر اجت وعيونها مليانه دموع وحزينه
دخلت للغرفه واحنا وحده تباع للخ
ياسمين
شنو زنوبه شكو احجي
فاطمه
ردي يمعوده والله متنا
زينب
دگيت عليه وحجيت وياه گتله امجد اجاني شخص خطبني من الكليه هو سكت محجى شي كملت كلامي وگتله انت شنو رايك انت شنو تريد اني اسوي والقرار الك
امجد
ترفضين وما توافقين
زينب
وابقى طول عمري هيج وحيده
امجد
اني ما اعوفج طول عمري
زينب
بصفتك شنو نبقى هيج لا من عائله ولا من اطفال
احجي وياه واني ابجي
امجد
زينب ما أگدر اتقبل ترحين لغيري ولا اگدر اخذج واريدج واحبج
زينب
والحل شنو
امجد
خليني افكر يومين وانه ادگ عليج وابلغج
سديته منه واجيت
ياسمين
اوووف راح ننتضر يومين ان شاءالله خير ياربي ويفرحج حبيبتي
مرت اليومين واحنا بتوتر مو طبيعي وكل ساعه وحده تنطي راي وفكره يمكن مفكر بيها امجد او اقتراح بقينا على نار وزنوبه خطيه كلش ما مرتاحه كل شويه تنزل محد دگ عليه وماكو جواب الى عدن اربع ايام بس مو اربع ايام اربع سنوات واجوي على زينب گلولها يردونج وكلنا طفرنا يلا حبي نزلي بسرعه وبقينا ننتضر ورى نص ساعه اجتي زينب وطايره من الفرحه
زينب
لحگوني ما راح اتحمل الفرحه
ياسمين
الله عليج احجي راح نموت
زينب
اول مشلته گالي
امجد
هلا وغلا بحبيت روحي
زينب
اتاخرت هوايه وين جنت
امجد
القرار صعب بس اتخذته وخلاص
زينب
احجي الله يخليك لان اعصابي متدمره
امجد
خلاص راح نتزوج
زينب
ودموعي تصب شلون
امجد
راح اصفي شغلي ونروح لغير محافضه محد يعرفنا بيها ونتزوج الى ان الناس تنسانا
زينب
مراح تتندم لقرارك
امجد
احسن قرار اخذته بحياتي وخلاص زواجنا بالعطله
وشنو تردون حالي اسعد مخلوقه بالدنيا واخيرا تحقق حلمي وتزوجت حبيبي
كلش فرحنالها وبقينا الليل كله نرگص ونضحك ونغني وبهالاثناء قررت انطي مجال لفهد اني همين اريد افرح مثل البنات وهنا نختمت قصة زينب بعدها نرجع لفطومه خابرها ابوها وگالها جواد ابن خالتج يريدج على سنة الله ورسوله هذه الوحيده الي بينا كان زواجها تقليدي والسبب زوجة ابوها الي حاكرتهم وفهد تقدم لخطبتي وجنا حيل سعداء بهالشي
وقررنا كلنا نتزوج بيوم واحد وتبقى خوتنا وصداقتنا طول العمر وفعلا بالعطله اتفقنا ويه ازواجنا على يوم وتزوجنا كلنا بغداد وبيوم واحد كان اسعد يوم بحياتنا مخبوصين حيل والكل تنتضرنا رحنا للصالون وجهزنا بدلاتنا وطلعنا كلنا احلى شي بالدنيا وازواجنا ويانا والناس حوالينا واحنا الفرحه ما سعتنا رگصنا وغنينا وكل وحده منا راحت لغرفه بنفس الفندق وعشنا احلى ايام عمرنا كملنا دراستنا وتخرجنا وبقينا مع بعض لليوم زينب صار عدها بنات اثنين وامجد يعشقها لليوم هي وبناتها وشهد صار عدها ولد ٣ وحياتها مستقره واني صار عندي سمير وفرحه وحياتي سعيده وفهد مددلني اني وجهالي الحمدلله اله فاطمه لحد الان ماكو وقررو يسوون طفل انابيب بلبنان ولحد الان نتواصل وننجمع احنا واطفالنا ونتشارك الاحزان والافراح سوى الى هنا انتهت قصتي اتمنى ان تنال رضاكم واستحسانكم
ودمتم سالمين
