روايه نبض قلبي / دانة الحمادي

الجزء الواحد والعشرين

بغرفة هلا وجمايل
هلا: لا تتضايقين منه
جمايل: لا عادي
هلا: خالد طول عمره رجال والنعم فيه ما ادري ايش صاير له اليوم
جمايل: عادي لاتهتمي
هلا: من جد عادي ولا بخاطرك شي؟
جمايل: طنشي تعودت اني اطنش .. الموضوع مايستاهل .. انا اساسا ما اعرف اتعامل مع الرجال .. ولا في المواقف الي كذا .. تلقيني اطنش على طول
هلا: بس هو غلطان
جمايل: مايهمني .. المهم انو انا مالي علاقه فيه .. يعمل الي يبيه
هلا: انتي غريبه
جمايل: وايش الغريب؟
هلا: اول مره اسمع وحده تقول ما اعرف اتعامل وما اعرف ارد
جمايل: ما اعرف.. اكذب يعني
هلا: هو صاير بينكم شي غير الان
جمايل: اليوم وانا طالعه مع يحيى كان هو قاعد مع الرجال .. وقت الي درا اننا طالعين مع يحيا قال " عمي يحيى وحنا متى بتفرجون عننا يعني .. نبي نشوف الشارع عمي" .. ضحكني اسلوبه وجلست اضحك عليه
هلا: قدامهم
جمايل: بصراحه ما مسكت نفسي
هلا: وبعدين
جمايل تبتسم: وبعدين بس
هلا: لا في شي .. اكيد صار شي .. ابتسامتك ذي تقول انه صار شي
جمايل: ماني قايله
هلا: حرام عليكي قولي
جمايل: ماصار شي صدقيني
هلا: تراكي غشيمه لا تعرفي تتصرفي ولا تعرفي تكذبي بعد
جمايل: مبين علي اني اكذب
هلا: ههههههههههههه الا مكتوب على جبينك بعد
جمايل: هي هي هي هي خفيفه
هلا: قولي طيب
جمايل: طيب بقولك بس لاتقولي للبنات تراهم بيتريقو علي
هلا: خليهم يتريقو وانتي بعد اتريقي عليهم
جمايل: لا استحي
هلا: هذي الي بذبحها .. ياربي عادي عيشي حياتك عادي .. معنا حنا البنات محد بيزعل منك كلنا نحب بعضنا ومافي وحده فينا تزعل من الثانيه
جمايل: الله لا يفرقكم عن بعض
هلا: ولا يفرقك عنا .. قولي طيب
جمايل: ايش اقول
هلا: ياحبيبتي قولي ماراح اقول لاحد
جمايل: طيب وقت الي ضحكت عليك .. قال " ياقلبييييييييييييييييييييييييييييي"
هلا: هههههههههههههههه كذا؟
جمايل: ايواااااا
هلا: وليه كل هالخجل ذا
جمايل: ما ادري.. اول مره اسمع راجال يقول لي كذا .. تصوري طول الطريق مع يحيى وانا عايشه مع هالكلمه
هلا: دخلت قلبك؟
جمايل: ما ادري
هلا: انتي حبيتي من قبل؟
جمايل: مين انااااااااااا؟؟؟؟؟؟؟؟ انتي ايش قاعده تقولي .. حنا ممنوعين من الطلعه
هلا: ليه بس؟
جمايل: ما ادري كذا حياتنا انا واختي .. كذا عشنا
هلا: يلا الحمدلله الي طلعتو من الشر
جمايل: الحمدلله
هلا: طيف اكبر منك بكثير؟
جمايل: هي الكبيره فينا كلنا
هلا: والله؟ اكبرمن يحيى
جمايل: ايوا هي الاولى وبعديها يحيى
هلا: ماشا الله عليها تصدقي مايبين عليها
جمايل: الله يرجعها لي بالسلامه
هلا: امين
جمايل: ودي انها تجي الليله هنا .. انا عارفه انها بترجع زي الاول واحسن .. هنا غير .. هنا الامان الي ماحسيناه بحياتنا .. عارفه البارح اول مره انام فيها مرتاحه .. من غير ما اخاف انهم بيدخلو علي ويضربوني ويبهدلوني
هلا: انسي ياروحي .. الله يهديهم بس
جمايل: سما وين انا ما شفتها؟
هلا: وين تضنيها .. مع حبيب القلب
جمايل: الله يخليها له.. يحيى ماذاق يوم حلو بحياته ابد .. انا بحياتي مشفته فرحان كذا
هلا: اعوذو بالله ليه ابوكي يعمل فيكو كذا انتو منتو عياله؟
جمايل: هذا الشي الوحيد الي اعرفه .. اننا عياله .. غير كذا ما اعرف أي شي
هلا: انسي ياروحي .. ارمي كل شي وراكي .. عارفه .. عمي بومشعل بيعوضك عن كل الي شفتيه اوعدك .. هالرجال قالب من الطيبه .. ماتتخيلي سالم يشكر فيه ليل ونهار .. لو تعرفي العيال قد ايش متعلقين فيه
جمايل: الله يخليه لهم .. بس انا ما ابيه يعوضني .. يمكن انتو كلكم فقدتو الاب من حياتكم .. انا ابوي عايش .. ودي بحنانه بس ما بي اكثر من كذا
هلا: الله بحنن قلبه عليكم .. وانتي من جدك بتنامي؟
جمايل: تبين الصراحه ما ودي انام بس ما بي اقعد تحت معاهم
هلا: قصدك مع خالد
جمايل: ماقلت كذا .. حنا عايشين مع بعض غصب علينا ماهو بكيفنا .. يعني اذا ماشفته اليوم اكيد بشوفه بكره بس انا ابي ابتعد حتى ما اترك فرصه لهالمواقف تتكرر