لحقنا للدار اناغير ندخل وتجيني لبليغة فوجهي🌵 لا يا حليش ونشوف فماما جاية تجري وسيهام تجري 😐 لحقت سيهام دات لبوخنونة لي كنت رافداتو وقالتلي بالزربة ɭɷųtį👑
-سهام: ربي معاك 😐😐
-ماما: هكذا ربيتك يا بنت الزنق هكذا تدخليلي فهاذ تلوقت ياك واش نقولو ضرك لمصطفى انا ااا واش نقول لباباك ....(تجبد مالشعر والتشنشف وتزيد لبليغة كلش )،
أنا غير ساكتة 😕 ماذا عساي افعل 😑
-ماما: ماليوم ماليوم العتبة تع البتب متفوتيهاش😤
رحت لبيتي بدلت قشي 😕 حطيت تيليفون يتشترجا 🔌
او رحت للكوزنة نحوس كاش ما ناكل🐸
غير ندخل ويقابلني بابا كيشغول غلطت فالطريق تسرسبت او وليت لشمبرتي😎
الجوع ياكل فيا ماكلة قاعدة فامان الله حتا نسمع الباب تحلت وتزدم يما رفدت التيليفون وخباتو🐸
-يما: ماليوم مكاش رحيم مكاش تيليفون مكاش خرجات مكاش مخطوبة😒
-انا:(بالخلعة)راح تفسخو لخوطوبة؟؟؟؟؟
-ماما: داك ما خص غير نجيبو لعار الدار تخرجي تزنقي معاه وخد منذاك تفسخي الخطوبة ياك جاتك نورمال حسبتلك فلامات تع الترك😒فيقي لعمرك قليل واش علمتلك 😤
هي خرجت انا رقدت 🐸 حتي لحداش باش نظت 😳
جازو يامات غير لعياط او مام مقلقة تقول حابة تتهني مني جاز شهر يما وبابا راحو للعمرة او قعدت معا خويا ربيعة وسيهام كانو مرة علا مرة يجيو انا قعدت هاكذاك بلا تيليفون رحيم كان كول سمانة يجي ويجيبلي الشيكولا لي قلتلو عليها😂 منساش ياه 😍 كان دايما يحللني نخرج معاه بصح دايما مخلاونيش بعد ما راحت ماما وبابا للعمرة نسرحت شوية الحالة
كنا بالجمعة خويا راح للجامع انا غسلت لماعن تع لفطور ورحت لبيتي جوايه الزوج كي كملو تع الجامع طليت مالتاقة حتا نشوف فراحيم لابس عباية بيضة ومشمخ كامل خاطرش كانت الشتا😂😂😂 كان يڨصر معا خويا حتا نشوفهوم طالعين 😱 درت نسوف روحي فالمرايا يا لاطييفف نخلعع
مشطت شعري بالزربة و لبست جبة ماشي مطاشية بالجافال،😂 نحيت لبلايغ تع خويا ورحت نجري نحوس علا البليغة تاعي الزاوجة😱
انا غير لبستها ويتحل الباب،😨
-خويا: وساام!!!
-أنا: (بصوت رقييق😂 شفتو الجعفر كي يسي يرقق حسو هكذاك كان صوتي) انعم؟
-هو: البسي خيمارك او جيبي القهوة فالصالون😑غاولي
رحت لبست خيماري او وجدت القهوة از السنيوة مع العلم انو خويا ما يشربش القهوة جاتني خطة جهنمية😁 خطيت ربع كيسان بتش ميفيقليش خويا بلي علابالي شكون جا😌وشحال من واحد جا فتحت التاغموس تع القهوة وبديت نفتح فالعقاقير😂
زوج مغارف قرفة في خاطر هواري منار مغرف كمون فهاطر الشيخ نانو لي يتيري علا عديانو واربع مغارف بياسوغ صون اوبلي هواري الدوفان🐬
رحت حطيت السنيوة بعد ما حركت القهوة مليح مليح مليح كي دخلت للثالون نشوف رحيم او زوج صحال خويا😱😨😨 مذا فعلت يا الله اليوم الموت تاعي ..... شفت فخويا يخزر هاذيك الخزرة تع حطي واش فيدك وسرحي للهيك😒
حطيت السنيوة ونشوف فراحيم يتبسم رحت جبت سربيتة لراجلي الجميل بصح مقدرتش نمدهالو قاعدة نطل مالباب تع الكوزينة ونشوفهم يساربيو فالقهوة حتي نسمع خ يا يعيطلي
رحت لعندو والسربيتة مزالها فيدي انا حسبتلي علا جال القهوة مالخلعة رميتلو السربيتة علا وجهو😶
-انا: سمحلي تعكلت!!
-هو: وينو السكر؟؟
-انا: حااضر شاف ... قصددي ضرك نجيبلك 😐
صحابو مالحشمة وجهم ولا طوماطيشة🍅
رحيم قاعد ساكت مبعد حطيتلهم السكر وطبسي تع الحلوة 🙈
جيت مولية لبيتي نسمع فيهم يسعلو 😨اخلايا شربو القهوة شربووهاا
قاعدة نشوف فيهم يدافعو علا الباب تع الصال دو بان 😂
خويا واقف ورايا او حاير فيهم
-خويا: واشبيهم هاذو واش درتي فالقهوة؟؟
-انا: القهوة والو هاذي قهوة اروما معلاباليش علاش معجبتهمش 🐸
-هو: امشي لبيتك يزيك مالجياحة😒
جا رحيم او وجهو خضر🐸
-رحيم: وسام نتي طيبتي القهوة؟؟
-انا: انعم هيه علاش؟
-رحيم : يا خو ختك حابة تقتلنا القهوة متعرفش طيبها😧 حبت تقتلنا
-خوبا: وسام واش درتي😤😤😤
....يتبع......
_____________________
ɭɷųtį👑
.بنات سامحوني والله مكانتش عندي كونكسيون 😢
أنت تقرأ
رحيم 💍 باللهجة الجزائرية 🇩🇿
Romanceحكاية بالاهجة الجزائرية تحكي علا طفلة عايشة فاميلية محكومة 😕ويززجو بناتهم بالطريقة التقليدية بطلة لحكاية طفلة اسمها ويسام راح تتزوج كي هي كي خاوتها بالطريقة التقليدية لكن هاذ المرة زهرها وقف معاها وتبدلت حياتها 😍 رومنسية تع هنودا ممنوع علي ذوي...
