💙 أحلامي 💙(باللهجة الجزائرية)😍

||🌸 الحلقة 41🌸||

و جازو خمس سنين و تعداو يجريو احلام ولات تخدم فشركة كبيرة كانت تخدم نائبة مدير كانت مجتهدة برشا فخدمتها و لهذا كانت تترقى بسرعة ....
اكرم خمس سنين و هو يلوج عليها و هي مفماش كل يوم يتمناها هي وولدو ولا بنتو. اما مفقدش الامل باقي في بالو انو باش يلقاها....
عند احلام......
كانت راقدة هي و ولدها صونا الرفاي فاقت قعدت تخزر في ولدها قداش يشبه لبوه كانت كل يوم تقعد تخزر في ولدها لانها توحشاتو كانت كل يوم تفكر سير راه ولا عندو اولاد و اسس حياة جديدة و نساني..... ناظت نلقاتش نيهال فالدار سير راحت تخدم وجدت فطورها و فطور ولدها و راحت تنوضو ...
احلام :عماد يلا عيش ولدي قووووم باش يفطر ولدي و يروح يقرا في الروضة مع اصحابوووووو و يلعبو هيا قوم عيش ولدي .....
عماد:mmmm maman j'veux pas... chui très.... fatigué
احلام طلعلها العصب:عماااااد مش قتلك كي تبدا معايا متحكيش en français يله قوم هاني تغششت عليك
عماد بالرغم صغير اما ميحبش يغششها لانو فبالو الي هي ماعندها غيرو: ماما ثامحني هاني باث نقوم اما هات بوثه
احلام ولات تضحك:هاك بوثة نعمبو زين ولدي الي ميحبش امو تتغشش هايا نروحو نغسلو وجهنا و نفطرو و نروحو للروضة باهي
عماد :باه ماما
عند اكرم......
غير وصل للشركة عرف الي بوه مستدعيه لبيروه راح لعندو و هو يقول شبيه بابا مستدعيني على الصباح......راح لعندو دق الباب
سي كمال :ادخل
اكرم :صباح الخير بابا شفما خير نشاالله ؟!
سي كمال:خير اما فما مشكلة فالفرع متاعنا ففرنسا و لازمك تروح تحللنا المشكلة قبل ما يفلس الفرع و تتاثر الشركة هوني لازمك تروح باسرع وقت
اكرم: بابا انت تعرف اني مازالني نلوج على احلام و ولدي عبير منجمت تعمل شي؟؟!(عبير اختو لي متزوجة في فرانسا وشادة الفرع غادي)
سي كمال:يا ولدي لوكان نجمت راني استدعيتك رانا خسرنا سفقة تسوا مليارات و الشركة لي معانا قررت تنسحب و لوكان تنسحب راح تسببلنا خسارة كبيرة
اكرم: باهي  وقتاه نروح ؟!
سي كمال :باه نحجزلك اليوم تروح لاه غدوة تكون فالشركة
اكرم :اوك انا نروح نوجد روحي