ويبجي .... وطلع بره
حيدر شكو
دخلت جوه للحوش
طلع عمي .... لا حول ولا قوة الله بإلله
لاگتني عمه لميعه ... تصرخ
شكو
دخلت للصاله
امي وعلي وابوي وعماتي
يم سرير بيبي ويبچون ويصرخون وينحبون. .. بيبي شبيها
كانت مدده عالسرير..... ومتغطيه بالبطانيه وعلي مدنگ عليها
ويبجي حيل
لازمه... الباب ومااكدر اتحرك
بيبي شبيها
رفعت راسها امي
يمه حنينه تعالي يمه ..... بيبيتج راحت وقبل لاتروح رادت تشوفج وصار الها شهر تون عليج
بس محد يسمع كلامها
يمه ياعمه .....كنتي ام اليه ومافرگتي بيني وبين بناتج
وزاد الصراخ والبجي
تقربت
بيبي جميله ..... لاتعوفيني وحدي
انا اجيت الج .... اجيت اشوفج واشتم عطرج لاتخليني
محد يحبني مثلج
بيبي
تقربت يمها
باوعلي علي .... وگــام من مكانه
رحت مكانه بيبي حبيبتي
جريت البطانيه
طلع وجهها الي مثل الگمر ... ملاك ونايم
بيبي حبيبتي
نزلت عليها
وضليت اصرخ كل قوتي
واشم بيها
وعماتي يسحبوني وماكوو
ألطم علئ وجهي ... وأضرب علئ راسي كل قوتي
امي تلزم ايدي
الكل اجوو
والبيت نترس عماتي واقاربنه
وانا بس نايمه عليها
اجه ابوي .... عينه حمره
يلا گومي خل ناخدها
گمت اله ... لا ماتاخذها اليوم
خليها وياي
بيبي مريضه ومحد يگلي ليش ... ماراح تسامحك بيبي
وراحت غاضبه عليك دنيا واخره
ليش ماوديتو عليه
لو بس يوم جايه ورايحه
امسح بدموعي... بيبي ماراضيه عليك هسه وراحت غاضبه عليك
انت ماسمعت كلامها ولا طعتها
YOU ARE READING
بين الامس واليوم
ChickLitمنقوله للكاتبه ام زهراء .بيها كميه كبيره من الالم والانين وبنفس الوقت مراره الحب.... وراح اعبر بيها عن حياة هواي بمجتمعنه
جزء 35
Start from the beginning
