وصارت مشكله الا اقتنعت
طلعنه ب11 اخذتنه سياره قديمه ...حيل اسمها بيكم
وصلتنه للكراج مالت الناصريه
وصعدنه نفرات لبغداد ..... الطريق كلش طويل والسياره قديمه وبالگوه تمشي
عبالك قطار
خلصت الطريق دموعي تجري ..... وطيبه تسكت بيه
خلص احس كلبي بيه نغزه قويه حيل وحته ضاع عني الهوئ
بيبي بيها شئ
عمه كلبي يوجعني حيل
واحس سجين تطعن بيه
ماكو شئ يمه يتوهملج مابيهاش شئ اكيد سكرها صعد نفس ذيج المره ويستقر حالها ويطلعوها انشاءالله
انشاءالله عمه .... إنشاءالله
بيدي ساعه
وكلساع اتباوع للساعه ... ماتتحرك ....
بيبي
لاتخليني وحدي
الكل تخلئ عني ..... انا محتاجتك
اريد احجيلج
منو يسمعني
دخلنه لسيطره بغداد.? اخذ الشرطي الهويات مالت الزلم
وضل يستجوب وي السايق
وازدحام
بقينه يمكن ساعه
بالسيطره
طلعنه منها ..... دخلنه للمحافضه... الازدحامات والطريق... خلص عمري بذني للساعات
نزلنه السايق يم كراج بغداد
ومنا صعدنه تكسي..... اباوع رايحين لبيتنه
قيس
احنه وين رايحين
غير نروح للمستشفئ
حنين احنع مانعرف هم يامستشفئ غير نتاكد اول شئ
وبعدين نروح اصبري
وصلنه لشارعنه .... نزلنه التكسي براس الفرع ونزلت
امشي بسرعتي
لگيت باب اهل طاهر مفتوح
ومتعوب يريد يسده ويحجي
منهو منكم فتح الباب بهالضهريه هاي
باوعت اله
متعوب
بس مو وكتك احاجيك ... باوعلي هو وضل صافن بيه
يمكن تفاجئ من جيتي او مشيتي
او يمكن توقع اني مسافره
امشي كل سرعتي وصلت الباب ردت ادفع الباب
لأگاني. حيدر
حيدر
ضل ينحب
YOU ARE READING
بين الامس واليوم
ChickLitمنقوله للكاتبه ام زهراء .بيها كميه كبيره من الالم والانين وبنفس الوقت مراره الحب.... وراح اعبر بيها عن حياة هواي بمجتمعنه
جزء 35
Start from the beginning
