اغتصاب شرعي - الكاتبتين إيمان المصري و منار العمدة

الفصل التاسع

عبدالمجيد : يابني انت امتى هاتعقل القتل ده مش سكتنا

احمد بملل : وايه الحل يعني

عبدالمجيد يرجع لورا : انا عندي طريقة تانية نكتفه بيها وبالقانون

احمد : وايه هي بقى الطريقة دي

ـــــــــــــــــــــــــــــــــــــــــــــــــــــــــــــــــــــ

في المستشفى

ادم : ايه كانوا باعتين واحد يقتله

الدكتور : الحمدلله الممرضه دخلت قبل مايعمل حاجة

ادم يقعد على الكرسي : طيب ومين هو

الدكتور : استاذ ادم خلينا نتكلم بصراحة كلنا عارفين مين المستفاد من قتل استاذ كريم هو حاليا اتحسن شوية وانا بانصحك كاخ كبير تحاول معاه يبعد عن الطريق اللي ماشي فيه لانه مش هايقدر يوقف قدامهم كتير

ادم بتنهيده : اووووف بس يقوم بالسلامة وربنا يستر

ـــــــــــــــــــــــــــــــــــــــــــــــــــــــــــــــــــــــــ

اروى بتكلم ايات في التليفون : مش عارفة يا ايات والله خايفة
حاسة انه مش ملتزم مش معقول يعني هايكون ملتزم وهايسيب اخته كده

ايات : يابنتي تفائلي بالخير انتي على طول شايله الدنيا على دماغك كده

اروى ماسكة دموعها : اللي ايده في المية مش زي اللي ايده في النار

ايات : وبعدين معاكي بقى في واحدة يبقى متقدملها عريس وتعيط

اروى : اه متقدملها عريس لا تعرف عنه حاجة ولا عمرها شافته والجوازة كلها رد معروف

ايات : لا حول ولا قوة الا بالله يابنتي انتي ليه متشاؤمة مش يمكن يكون كويس واكيد والدك مش هايوافق الا اذا كان شخص مناسب وهايريحك

اروى : ياااااااارب بس مش عارفة احساسي بيقولي عكس كده

ـــــــــــــــــــــــــــــــــــــــــــــــــــــــــــــــــــــــــــــــــــــــــــ
عامر : وشراح نعمل الحين

محمد : مفيش قدامنا غير اننا نشوف سكن تاني

عامر : وكيف بندبر سكن في 3 ايام

محمد : ربنا يسهل انا هانزل من بكرة ادور
ــــــــــــــــــــــــــــــــــــــــــــــــــــــــــــــــــــــــــــ

انطوان : ماذا ؟؟؟؟؟؟!!!!!!

جولي: هههههههه نعم اخبرت المستاجر اني اريد المنزل بسعر اعلى

انطوان : وماذا ستفعل ان دفعوا ؟

جولي : في كلا الحالتين انا المستفيد اما ان يتركوا السكن او يدفعون سعر اعلى

انطوان : ولما كل هذا

جولي بحقد : لما !!!! طردت من المعمل بسببه وتقول لي لما

انطوان : جولي لقد طردت بسبب افعالك

جولي يقوم بعصبية : كانك تدافع عنه ؟؟ حتى انت انطوان كنت اظن انك صديقي

انطوان : انا لم اقل شئ لكن ماتفعله خطا

جولي : ما فعلته !!! لم افعل شئ الى الان
ــــــــــــــــــــــــــــــــــــــــــــــــــــــــــــــــــــــــــــــــــــ

في الجامعة

نرمين : انتي مش هاتروحي

ندى : اوووف ادم بقى مشغول اوي وبينسى يعدي عليا

نرمين : خلاص اركبي تاكسي يعني هي سيرة

ندى : لا انا هاكلم السواق يجيلي

نرمين : طيب انا ماشية اشوفك بكرة

_ عادل واقف بعديد : ( اخيرااااااا مشيتي ) وراح لندى

عادل : هاي ازيك ياندى

ندى : اهلا عادل

عادل بيحاول يفتح معاها موضوع : هو ادم اخوكي مش جاي النهاردة ولا ايه

ندى بملل : لا اصله مشغول شوية

عادل : احم انتي والدك يبقى عبدالرحمن المنصوري

ندى : اه ليه

عادل ( اووووووف هي مالها بترد بالقطارة كده ليه شكلك هاتتعبيني ) : لا اصل بابا بيشكر فيه اوي من احسن التجار في اسكندرية

ندى بابتسامة : متشكرة ده من زوقك

عادل : طب ممكن اعزمك على عصير لحد ماعربيتك تيجي

ندى : لا معلش مش هاينفع حضرتك تقدر تمشي ماتتعبش نفسك كلها شوية والسواق يجي

عادل : لا طبعا ازاي اسيبك لوحدك في الوقت ده

ــــــــــــــــــــــــــــــــــــــــــــــــــــــــــــــــــــــــــــ
_ بعد يومين
كريم قام وحالته في تحسن

م. عبدالله خرج من المستشفى وبدا في العلاج الطبيعي

ادم مشغول في الشركة وكل تفكيره في البنت اللي شافها
ندى واروى علاقتهم زادت وبقوا اصحاب
ــــــــــــــــــــــــــــــــــــــــــــــــــــــــــــــــــــــــــــــ

اروى : خلاص هاضيفك عندي على الواتس

ندى : تمام عارفة والله يا اروى انا كنت باتمنى ان يبقى لي اخت بس انتي
دلوقتي اكتر من اختي مع اني مبعرفش اصاحب ناس جديدة بس انتي دخلتي قلبي على طول يابخت ام بيكي

اروى لنفسها ( ربنا يستر من ادم ده ) : وانتي والله زي اختي واكتر انا بعتلك اضافة

_ بعتت اروى الاضافة واتفاجات ان ندى حاطة صورة ممثله : ياربي طب اقولها ان ده غلط ممكن تضايق طب اعمل ايه امممم ابعتلها الرساله اللي عندي كانها رسالة دعوية وخلاص
( لكل بنوته عسوله كده انا بحبها ف الله heart رمز تعبيري heart رمز تعبيري
في حاجه كده الاغلب بيعملها بتشحن عداد السيئات ومش بناخد بالنا منها
هي حاجه بسيطه الكل بيستهان بيها
زي ايه
صورة البروفايل بتاعك سواء فيس؛ واتس؛ فايبر؛ انستجرام؛ لاين؛ الخ
ودي فيها ايه بقى دي مجرد صورة ازاي تشحن عداد السيئات

طيب هي الصورة دي مش لبنت بشعرها ومتبرجة
ايوه بس دي هي اللي هتاخد الذنب مش انا
ومش انتي اللي حاطاها على صفحتك وكد بتساهمي في نشرها
يبقى مين هيشيل الذنب وكمان مش بتساعدي الشباب انهم يغضوا بصرهم
يبقى ليه كل ده لما ممكن احط صورة عليها ذكر واخد بيها حسنات بدل ماتبقى عداد للسيئات )

_ قرت ندى الرسالة وابتسمت وبعتت لاروى : متشكرة اوي مكنتش اعرف والله بس هاغيرها

اروى : الحمدلله انها مازعلتش ربنا يهدي الجميع

نزلت ندى وكان ادم لسه راجع من الشركة

ندى : حمدالله على السلامة ياعريس

ادم : الله يسلمك

ندى : هو انت يابني مش ناوي تعمل خطوبة ده انت حتى ماتعرفش خطيبتك ولا شوفتها

ادم : اه ان شاء الله بعدين

ندى : بعدين !!! ادم مالك شكلك كده مش مريحني

ادم : ندى انا راجع تعبان من الشركة ومش ناقص

ندى قعدت جنبه : انتي متضايق عشان اروى صح ؟

ادم : اووووف انتي مش هاتبطلي زن

ندى : لا مش هابطل زن ده انت ربنا بعتلك كنز وانت ولا همك لا تكون مش عجباك

ادم بتنهيده : الموضوع مش كده بس مش عارف والله يا ندى في نفس اليوم اللي خطبتها فيه قابلت واحدة قلبت كياني هي مش حلوة اوي بس فيها قبول وتحسيها
هادية وعلى طبيعتها ودي اكتر حاجة شدتني ليها ومبقتش عارف انا اللي عملته ده صح ولا غلط