اغتصاب شرعي - الكاتبتين إيمان المصري و منار العمدة

الفصل السابع

اروى ومحمود وصلوا المتشفى ودخلت اروى لوالدها
شافت الاجهزة على صدرة وشكله تعبان اوي نزلت دموعها وقربت منه ومسكت ايده
محمود : انا هاروح اشوف الدكتور
_راح محمود للدكتور وساله عن حالة والده
الدكتور : بصراحة انا مش هاكدب عليك الجلطة اثرت على اعصاب الرجل وهايبقى صعب انه يتحرك الفترة الجاية
بس مع العلاج الطبيعي ان شاء الله الحالة تتحسن
محمود حط ايده على وشه وبتنهيده : ان شاء الله
الام وهي حاضنة اروى : خلاص بقى يا حبيبتي بابا كويس وان شاء الله هايقوم ويبقى زي الفل
اروى تمسح دموعها : يارب
دخل محمود
اروى : الدكتور قالك ايه
محمود سكت شوية : قال انه مش هايقدر يمشي بس مع الاعلاج الطبيعي هايتحسن
اروى : اللهم اجرنا في مصيبتنا واخلفنا خيرا منها
ــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم جديد في اميريكا
في معمل الكيميا العضوية
محمد : عذرا سيدي هل استطيع الاستئذان قليلا
ابتسم جاك فهو يعلم ان محمد لا يستئذن الا لاداء الصلاة : تفضل
جولي : انطوان اترى ها هو يذهب
انطوان : ماذا تنوي
جولي : سترى
_ استغل جولي انشغال الدكتور جاك بالشرح واتجه الى مكان محمد ووضع شيئا في ملفاته
_ التفت جاك ليرى جولي راجع الى مكانه ولكنه لم يعلق على الامر
_ رجع محمد وبداوا في اجاراء التجارب
الدكتور جاك بصدمة : ما هذا هناك كمية كبيرة من اليورانيوم مختفية
انطوان : كيف هذا
جولي بحقد : لابد ان هذا الارهابي هو من سرقها اكيد انه ينوي القيام بعمليه ارهابية ويحتاج لها
جاك يحب محمد كثيرا : جولي ما هذا الحديث وسكت شوية وافتكر ان جولي كان موجود في مكان محمد يبقى اكيد اللي حصل مقصود
ثواني واتجه جاك الى مكان محمد
محمد مصدوم : ( معقولة دكتور جاك صدق كلامه وشك فيا )
جاك فتش المكان واخرج كمية اليورانيوم المختفية
جاك بسخرية : اذا جولي فقد كنت محقا
محمد هايتكلم لكن جاك اشار له بان يصمت
جاك يكمل كلامه : ولكن اخبرني اولا جولي ماذا كنت تفعل بمكان محمد اثناء غيابه
جولي بارتباك : ماذا لم افعل شئ هل تريد ان تبرئه وتلقي بالتهمة على
جاك بعصبية : جولي لا داعي لانكارك لقد رايتك وانت دائما تثير المشاكل ومحمد كلنا نعرفه ونعرف انه على خلق
جولي : اذا فانت تقف مع هذا الارهابي ضدي
جاك : تفضل الى الخارج ولا اريد ان اراك في المعمل مرة ثانية
خرج جولي وهو يتوعد محمد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عادل : اهلا نرمين فينك محدش شايفك ليه
نرمين : ياااااااه عادل ذات نفسه بيسال عني اكيد جاي تسال عن حبيبة القلب
عادل بخبث : لا انا اقتنعت بكلامك هي ماتستاهلش اني افكر فيها
نرمين بفرح : بجد يا عادل
عادل : ايوه طبعا بجد ( مانا لازم اسايرك لحد ماعرف الحقيقة )
نرمين بملل : وناوي على مين غيرها
عادل : ههههههههه احبك وانت فاهمني
نرمين : حرام عليك يا عادل بقالنا سنتين نعرف بعض وكل مرة اقول هايلف يلف ويرجعلي وانت ولا انت هنا
عادل لنفسه : ( ارجعلك ههههه عشم ابليس في الجنة ) طيب اهه انتي قولتيها بنفسك بالف الف وارجعلك يعني انتي الاساس
نرمين : ايوه بس انا تعبت كل شوية ماشي مع واحدة وانا كمان اللي باعرفك عليهم عشان ترضي فضولك
عادل : وبعدين بقى احنا هانرغي في الموضوع ده كتير انتي عارفة من الاول ان انا لا ليا في الحب ولا الجواز
فخلينا حلوين احسن
نرمين : اووووووف
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ادم في الشركة مطبق يومين ورا بعض
السكرتير : يافندم حضرتك مانمتش من امبارح اتفضل وانا هتابع مع العمال لما نخلص
ادم بتعب : لا لا قولهم يعملولي قهوة وشوفلي المشرف على المشروع الجديد وابعتهولي
دخل المشرف : السلام عليكم
ادم : وعليكم السلام ورحمة الله وبركاته اتفضل يا بشمهندس
عايز اعرف المشروع فضله قد ايه ويخلص
المشرف معانا اسبوعين بالكتير ان شاء الله
ادم : لا لا اسبوعين كتير معاك 3 ايام لو محتاج عمال ابعت طلب
المشروع لازم يتسلم عشان مصاريفه تغطي خسارة الشركة
المشرف : احنا كده هانبقى محتاجين عمال كتير اوي
ادم : ولا يهمك كل اللي تطلبه هاوفرهولك المهم المشروع يتسلم
المشرف : تمام
ـــــــــــــــــــــــــــــــــــــــــــــــــــــــــــــــــــــــــ
ادم رجع البيت ونام شوية وبعدها راح للمهندس عبدالله المستشفى
ادم دخل للدكتور : طمني يادكتور المهندس عبدالله هايفوق امتى
الدكتور : دي حاجة مانقدرش نحددها دلوقتي لان حالته لسه ماستقرتش
دخلت الممرضة بسرعة : دكتور المريض اللي في اوضة 7 فاق
الدكتور ابتسم : تمام وشك حلو عليه يا بش مهندس
ادم : طلع مع الدكتور وراحوا لغرفة المهندس عبدالله
الدكتور : الف سلامة عليك يا بشمهندس
عبالله بتعب : الله يسلمك
ادم بفرحة : سلامتك ياعمي الف سلامة
عبدالله : ادم الشركة
ادم يقاطعه : ماتقلقش الشغل ماشي تمام
وخلال ايام ان شاء الله هانعوض الخسارة
عبدالله : ربنا يباركلك يابني انا خايف على الولاد اوي
ادم : ليه بس ماهم كويسين وانا هاكلم محمود ويجوا عشان تشوفهم
عبدالله بتعب : خايف يحصلي حاجة و محمود صغير لسه مش حمل الشغل ولا يقدر ياخد باله من اخته
ادم : ايه الكلام ده يا عمي وانا مش ابنك ولا ايه
عبدالله بالم : اااه ربنا العالم معزتك عندي اد ايه بس شايل هم اروى لو كانت متجوزة كنت ارتحت شوية وكل اللي اتقدمولها
كانوا طمعانين فيها لانها بنت عبدالله عبدالهادي خايف اموت وتتبهدا من بعدي
ادم يتنهد : ارتاح انت بس وكل حاجة هاتتحل وربنا يطولنا في عمرك يارب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كريم يضحك بسخرية وهو ماسك المجلة : هههههههه خلينا نشوف مين اللي هايتحرق بالنار دلوقتي
ادم رجع البيت وهو بيفكر في كلام عبدالله : ( نفسي ارد جمايله عليا انا واختي هو اللي اهتم بينا على الرغم من انه صاحب بابا بس انا كنت باحس انه بيخاف علينا اكتر منه
اووووف بس الموضوع ده صعب ده جواز يعني حياة تانية
وايه يعني مانت كده كده مسيرك تتجوز وهتلاقي واحدة احسن من بنت المهندس عبدالله
طب افرض طلعت شايفة نفسها ومقضية حياتها خروجات وسهر وتخلف اطفال وتسيب الخدامين هما اللي يربوهم وتتكرر حكايتي انا وندى
لا انا مش هاسمحلها تعمل كده .. وبعدين بقى انا هاكلم المهندس عبدالله بكرة وبعدها نشوف ايه اللي هايحصل )
ومسك المجلة وقرا اول مقال
ادم بصدمة : ايه ده ده اتجنن رسمي الواد ده ناوي يتقتل انا عارف ومسط تليفونه ورن عليه
كريم : الو
ادم بعصبية : يابني انت ايه مبتخفش انت ايه اللي مهببة ده
كريم : هههههههه على صوتك يابني انا في العربية ومش سامعك
ادم : مين اللي وافقلك تنشر المقال ده
كريم بابتسامة : ههه صاحب المجلة شخصيا
ــــــــــــــــــــــــــــــــــــــــــــــــــــــــــــــ
في المجلة
رئيس التحرير : يا عبدالمجيد بيه انا ماليش ذنب صاحب المجلة هو اللي وافق على النشر
رئيس التحرير : طيب انا اعمل ايه هو دماغه ناشفة ومبيخفش من التهديدات
ــــــــــــــــــــــــــــــــــــــــــــــــــــــــــــــــــــــــــــــــــــــــــ
كريم : طب سلام دلوقتي ولما اوصل هاكلمك
قفل كريم وشاف عربيه وراه بتنور
اداه فلاش عشان يعدي بس اتفاجا ان العربية ماشية جنبه وبتخبط فيه
كريم : ايه ده ده مجنون
وبيحاول يعديه عشان يتفادى الخبطات
كريم قدم شوية لكن العربيه خبطته من ورا
كريم مش عارف يتحكم في العربيه
واتفاجا بعربية تانية
قدامه وفجاة طااااااااااااااااااااااااخ
العربية اتقلبت مرة واتنين وتلاتة ورجعت استقرت زي ماكانت
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ايات : خالتي خليكي بايتة عندنا النهاردة انتي وحشاني اوي
ام كريم : ههههه يا بكاشة ولما انا وحشاكي مش بتيجي تزوريني ليه
ايات : يا حبيبتي انا لما باجي عندك بافضل قاعده في الاوضة مبخرجش عشان ابنك ده
ام كريم وقعت الكباية من ايدها : اعوذ بالله من الشيطان الرجيم
ايات بخوف : مالك يا خالتي في ايه
ام كريم : مش عارفة حسيت قلبي اتقبض فجاة ربنا يستر
ام ايات : قومي يا ايات هاتي لخالتك كوباية ميه
اهدى يا حبيبتي ان شاء الله خير
ـــــــــــــــــــــــــــــــــــــــــــــــــــــــــــــــــــــــ
....: لا حول ولا قوة الا بالله حد يكلم الاسعاف
...: ده باينه مات
_ جت الاسعاف ونقلوا كريم للمستشفى