#محمد
احنه عدنا وراثه حدس يعني مجرد اعاين على البشر احذره من شغلات وبفعل وارادت الله تصير صح اني صغير بالعمر بس ماندرسها ولانتعلمها هاي الشغله بالفطره بطبيعتنا
جنت دائمآ من اعاين على نجمه اشوف روحي بيها لكن هذا الشي ماافتهمته وخجلت من ابوي اكله
نجمه عدها جمال سبحان الخلقها
وهي غير عن بنات السلف حتى كلامها يختلف
دخلت لبيت نجمه لان امها مريضه
اول ماعيني جت بعينها اعاين نفسي نزلت راسي استغفر الله صح صغير بالعمر بس اعرف العيب والعادات
دخلنه على ام نجمه
عاينت المره شفت جاهل بيدها
محمد: ام نجمه انتِ حبله
حسنه: 😱يمه محمد بخت جدك اني ايست من هل الحلم صدك تحجي
محمد: اي خاله هو بيد الله بس اني اشوف عندج طفل
حسنه:😭😭😭😭
ولج يمه نجمه حيلي باد صيحي ابوج
نجمه رحت اني والجهال نركض :
بويه بويه امي رايتك
عبد الله: نجمه شبيها امج بيها شي صار عليها شي
نجمه: امي تعبانه وتريدك
#عبد الله ماظل حيل بيه 🏃🏻♂️🏃🏻♂️
عبدالله : شخيرج يبعد طوايفي شيوجعج
حسنه حجيت السالفه لعبد الله
عبد الله : محمد بعده صغير امشن اخذكم لبيت السيد نتاكد من كلامه
رحنه البيت السيد بيت مليان حنه على الحياطين
نجمه: يمه شني هاي
حسنه: سكتي😡
كعدنه يم زلمه وجهه نوراني
عاين على امي
رد عينه على ابوي
السيد:تفضل ابني
عبد الله: سيد ام نجمه
بعده ما كمل
السيد : مرتك خلي ترتاح حبله وجايك خير
عبد الله: اللهم صل على محمد واله محمد
حسنه ماعت روحي 😭 بوست نجمه: يمه ياوجه الخير
نجمه: الله😍راح يصير عندي اخ واصير مثل جهال السلف عندي اخوان ☺️☺️☺️
حسنه: ابو نجمه خذني للمستشفى نتاكد
عبد الله: ليش ماصدكه حجي السيد😡
حسنه: مو مامصدكه بس نتاكد
وصلنه للمستشفى
عبد الله: دخلتها للطبيبه تعاينها ونتاكد
دزتنا للتحاليل
وصدك حسنه حبله
فرحتنا ماتشيلها كاع
#نجمه
مرت ايام والشارع نسيته
امي حسنه نداريها اني وابوي ونخاف عليها
#حسنه
مرت الاشهر وبطني كبرت مااكدر اكوم واكعد الا احد يعيني
وبعد عيني نجمه نادره كايمتلي بصلوات
نجمه جاي انظف البيت وامي حسنه تريد تكوم ركضت اعينها
حسنه صرخت: لحكيني نجمه 😭عندي طلوك
ركضت 🏃🏼♀️🏃🏼♀️🏃🏼♀️🏃🏼♀️🏃🏼♀️🏃🏼♀️🏃🏼♀️
نجمه:بويه بويه الحك امي عدها ولاده
عبد الله: روحي نجمه للبيت يم امج واني اجيب الجده واجيج
عبد الله: دكيت باب ام كاطع
ام كاطع:جايه جايه
ها ابو نجمه خير
عبدالله:ام نجمه عدها ولاده
ام كاطع:انتظر البس عباتي واجيك
وصلنه البيت وصياح حسنه طالع برى
عبد الله : ذكري الله يامره اجت ام كاطع
#ام كاطع
فحصتها
يمه حضرو ماي حار بسرعه خلي نلحك على المره
#نجمه
ايدي ترجف حطيت الجدريه على النار وكلبي يخفك منه خايفه على امي ومنه فرحانه يصير عندنه جاهل نلعب عليه
وديت الماي
ام كاطع: طلعي برى بعدج جاهله
ظلينه انا وابوي ننتظر 😢😢
وامي تبجي بوجعها
ورى شوي صوت طفل يبجي
😊😊😊😊
ام كاطع : ابو نجمه ابو نجمه ادخل
اريد البشاره
