❤من قصة اسيل ❤

طلعت امي وروحنا وخشيت لداري ع طوول قعمزت ع السرير ..

وبكيييييت بكيييت بعبرتيييي لين حسيت روحي نخنققت وع جية محمد خطام من داري يسمع فيا -_- وخش عليا ~~

محمد : خيرككك ؟؟ شن في ؟؟
وقعمز بحداي وانا مش قادرة نتكللللم مخنووققه :(

محمد : يمااااا تعاليييي
ايمان : اهوو جيت ~ شن فييي ؟؟؟ خيرك تبكي ؟؟
محمد : مش عارف نسمع فيهاا تبكيي خشيت ~ جيبلهاا مية .. داانياا تي يااسر بتقتلي رOحكككك خلاص اهدييي مافيش شئ يستاهل هدا كله
ايمان : هي اشربيي واهدي
محمد : الحوووش يشرين خلي نشوف منو
ايمان : خليك انت اقربلها مني !!!!! توا نشوف انا مرات تحكيلك لما نطلع
محمد : أوك
محمد : هي بطلي بكاء خيررر مانعطيك كف راه =D ~ حيي بنكحلها عميتهااا تي شن تبيني نقووووول
أنا : هههههه مشنااك خليتني نضحك في عزز بكااي أهئئئئئئئئئئئئ
ورجعت ع نفس الحاالة ~~

رانيا : خييييييير شن فييي ؟؟؟؟
محمد : وعليكم السلام والله خيرك خاشة هادة مافيش بقر قدامك تلقي السلام عليهم -_-

رانيا : مش وققتك برا انزل ايمن لوطا
محمد : دانيا راجعلك راه وبتحكيلييي !!
رانيا : خيررك شن في ؟؟؟ تعاركتي انتي وعلااء ؟؟ احكيي .. اهددي ياودي وفهميني انتي عرسك خلاص كم اسبوع ويجي مفروض تكوني فرحانة وتوتي في روحك بين مرااكز ومسكاات <3 يابنتي احكي فضفضي لوخيتك :( .. به فهمت مش قادرة تحكي أوكى منمشي شووية بس نشرب مية ونجي وبتحكيلييي رااه

مشت شوية وجت وقعمزتلي وكنت وقتها هديت شوي ~

رانيا : شوو في ؟؟؟
أنا : مسكرة في وجهي من كل الجهاات عمري ماتهنيت بحاجة اهووو توا قرب العععرس امه مرضت وانا لا حجزت في مزين ولاا شريت حاجات السهرية والنجمة وووو قدااششش منيي انا تي شن النحسسس هاادااا أنا في طرييييق والحظ في طريق والنحس في جيبي وين مانمشي لاحقني -_- تي شن هااداا أمه مريضة ووممكن تمشي في اي لحظة

رانيا : ربي يختبر فيك ويشوف في صبرك <3 احمدي ربك ع كل شئ لما تبكي توا بيتغير كل شئ ؟؟ يلي كاتبه ربي حيصير هادا قضاء وقدر .. من غدوة نطلع نكمل معاك الحاجات أنا حجزت في العشاء والحلو زي ماقتيلي خديت
أنا : لالا ميجيش امه مريضة وانا نمشي ناخد في حاجات العرسس لالا
رانيا : أسألي علاء قوليله بتأجل أو لا ؟ لو قال لا بري كملي الحاجات يلي ناقصة ولو قال ايه بري الغي الحجز !
أنا : بس مش وقته
رانيا : لا وقته لازم ماتعرفي راسك من ررجليك لو ماتبيش انا كلمه عادي علاء خوي وانتي تعرفي ~
انا : أوكى توا نحاول في الليل نكلمه ! ~
رانيا : كنتي طالعة ؟
أنا : حيي قاعدة بحوايجي نسييت -_- خلي نغيير ~
رانيا : هيي مروحة انا غير كان خاطمين قتله نزلني شوية ~
أنا : خليك الليله
رانيا : لالا فكينيي ياوخيتي متضايق نقدرش نخليه
أنا : ياااااي ~~ -_-
رانيا : هه توا نشوفوك انتي هي بسلامة ~~
أنا : سلام ~