عبط المراهقه

البارت الخامس والعشرين

السلاااممم عليكم ورحمة الله وبركاته
---------------------------------
ليوم الثاني الصباح الساعه 9
صحو البنات على صوت ازعاج بمطبخ الجناح اصوات اشياء تتسكر وتنرفع وتنحط ومويه وصراخ
صحوا مفجووعيين راحوا يركضون بجهة المطبع بكششهم وبجايمهم واروبتهم وانصدموا لما ما شافوا احد لكن المطبخ محيوس امه
ترفه : عنبوو شكلكن صادزين لمن قلتن ان جناحكن مسكون
انوار : بسم الله الرحمن الرحيم من فيه !!
طاحت صفريه (طنجره) وصارلها صدى بالمكان وكل وحده تشبثت بالثانيه
جود بصراخ : يممههه وانا ليش بروحي محد معي نوير وسعي لي
البنات ضحكوا عليها: تعال تعالي
شرعه : تعالوا نقرب نشوف وش فيه
مها : ايه يلا
شرعه : مو معقوله كذا لمن نذكر الله مفروض يروحون !!
سلام : يمكن مسلمين!!!
قربوا البنات وشافوا مدى متربعه عند الدولاب(خزانه او درج) حق الصفاري
البنات بصوت واحد : ممدددىى !!!
مدى ناظرتهم وابتسمت : ي صببااححوو
البنات علامة استفهام فوقهم !؟؟؟؟
رولى : مددوو وش تسوين؟؟
مدى تركت اللي بيدها وقامت غسلت ونشفت يدها وراحت يم رولى وضمتها على جنب وهي تمشي : ابد صحيت وانا نشيطه قلت ارتب الدواليب ! -ورسمت على وجهها ابتسامه-
مها : مدى انتي طيبه !
مدى رفعت كتوفها وحركت يدينها بالهوا: ايه طيبه الحمدلله حتى شوفيني -ودارت على نفسها بعدين راحت يم مها وقرصت خدوها : وانتي بخير !!
سلام شافت ان مدى مافيها شي حبت تتأكد اذا هذي مدى ولا وقالت بصراخ : يا**** طيب ليش مصحيتنا على ازعاج!!
مدى ردت عليها بصراخ : والله محد قالك اصحي !!
سلام تأكدت وابتسمت ابتسامه محد لاحظها غير مها: مخرعتنا وتقولين محد قالك اصحي تبين ادوس ببطنك!!!
مدى : لا والله هذا جزاي قلت بنظف المطبخ لا يطلع لنا فار
مها : طيب في خددمم
انوار : ما حلا لك تنظفين الا وحنا نايمين
مدى : طيروا ... عميماتشي حبيباتشي وشلوننكم
ترفه : ازرق ماتشوفين !! وراتس مخرعتنا واحنا بنومنا
مدى : اوفف اصلا لو درت جدتي انكم ماقمتوا وقت الضحى لتخلي عصاتها تلعب على ظهوركم
شرعه : اقول بس ااشش .. -واشرت لمدى بأصبعها-وانتي عقابك سويلنا فطور
البنات : اييووهه
مدى : مب عقاب ذا ياعنوني .. روحوا الصاله وتلقون الفطور عالطاوله
سلام : يعننني ساحره بدقيقه اسوي الفطور
مها : لا جد ي هبله تعالي شوفي الفطور عالطاوله
مدى ابتسمت : سويته لما صحيت قلت اكيد بتصحون وانتو جوعانين .
سلام : تؤبريني شو زوء
مدى ضحكت بعربجه وصرخت : ررووييلل تعالي خذي الخبز والفطاير من المايكرويف اللي هناك صار يابس
شرعه صرخت: جييبييهه اننتي
مدى : يا الله عونك
شالتهم وراحت الصاله : خذو .. انا رايحه اغير ملابسي وانزل يم حممودي قبل يروح المزرعه
ترفه وهي تاكل : امم امبوي موشوء ؟
جود: الله يقرفك قفلي فمك ولا تتكلمين وانتي تاكلين
مدى : هههههههههههههههههههههههه ايوه موشوء
انوار : يخي ابي اروح المزرعه
سلام : والله فكره ورا مانقول لجدي ياخذنا معه !!
البنات : فككررهه
مدى : طيب يلا
وراحت تبدل ملابسها
مها : بسم الله شصار فيها
ترفه: ما كأنها اللي امس !
انوار : منجد
شرعه تدق انوار على جنب وتناجيها(تقولها سر يعني): اشك ان طبيبها مخربط اي اكتئاب حاد
انوار بهمس : منجد شلون يقول اكتئاب حاد وراح وتغيرت نفسيتها للاحسن !!
شرعه : تتوقعين فيها شي !!
انوار : لا بسم الله عليها نسألها ونتأكد
سلام بصراخ: شتقولون انتي وياها !!
انوار وشرعه طنشوها وكملوا اكل
رولى : يياررببي امووتت واعرف وشفيها
جود : الييوم لازم لازم نسألها
سلام : ونعرف شفيها
كملوا فطورهم
---------------------------------------------------------
عند العيال
ناأيييممميييننن الا سلطان صحى من بدري وراح قضى شغله ورجعه لهم
سلطان بصراخ يدخل : السسسللااااااااممممم علللليييككمممم....... يااععررربببب
مايسمع الا صوته !!
سلطان : شالسالفه وينهم فيه !! معقوله مابعد يقومون
دخل عندهم في الغرف لقى انواع واشكال السدحات
اللي نصه بالارض والنص الثاني عالفراش واللي متقلب راسه عند رجوله واللي لحافه(بطانيته ..غطاه) طايح واللي رجل داخل اللحاف ورجل برا وهكذا يعني
راح اخذ سماعات الدي جي وحطهم عند باب الغرف وعلا عالصوت وشبك
وشغلها اول ماشغلها ماشتغلت
سلطان : هاه شفيها ذي ورا ماتشغل هذا وانا شابكه .. انا المساعه (من شوي ) شغلتها واشتغلت- لف وراه بيروح للفيش لقاه مفصول وركبه : غريبه من فصله!
رجع بيشغل ولا اشتغل حاول مره ثانيه مافيه فايده راح للفيش لقاه مركب : سماعتهم مرريضهه
رجع بيشغل ماشتغل وهكذا يطفي ويشغل لمن اشتغلت فجأة وطاح جواله من الخرشه حاول يمسكه لكن مافاد
سلطان : هههئئة بسم الله عليي .. جواللي .. والله ان سماعتهم ذي منفسه -سمع صوت ضحك وراه التفت شاف وليد -
وليد يضحك: ههههههههههههههههههههههههههههههههبمووتتتهههههههههههههههههههههههههه احسن عليك من حفر حفرة لاخيه وقع فيها
سلطان : ياللل مدري شقول خررشتتنننيي طاح جوالي وانكسرت الشاشه
شوي الا يشوفون باقي العيال واقفين عند الباب ووجيهم صصفففرره من الخرشه وبنفس الوقت معصبين
سلطان ووليد بلعو ريقهم
فؤاد : يا*** انت وياه
جواد : احد يشغل اغاني من صباح الله خير !
سامي ووجهه مفقع نوومم فرك عيونه وتثاوب ورجع ينام : خنشوف احد يصحين يويله
بسام اخذ اقرب كرسي وحذفه عليهم وراح ينام
فؤاد جلس عالكنب وهو يفرك عيونه: كم الساعه ؟
سلطان : عشر الصبح
فؤاد عطاه ننظره : ادري الصبح يعني بشوف نور الشمس واقول اوه ليل !!
جواد انسدح عالكنب وحط يده على عيونه
وليد : حسستوني محد ينام غيركم ترا حتى انا كنت نايم بس سمعت ازعاج هالتعبان وقمت خربت عليه
سلطان : شسوي فيكم بعد صحيتكم ماقمتوا
جواد : اشششش .. خلني اريح شوي
سلطان يقلده : خلني اريح شوي .. اقول ياعمي طييرر
جواد : سليطين انطم
سلطان : جوادوه انطم
جواد ناظر سلطان وقام : بروح الغرفه احسن لي
وليد : اشببممهه ذاا !!!
فؤاد : جدي موجود!!
سلطان : ايه قبل ماجيكم كنت عنده
وليد : خنروح نسلم عليه
فؤاد : انتظروني بتروش واجي معكم ... وليد روح شوف خيش النوم اذا بيجون معنا
راح فؤاد يتروش والباقي صاروا يستنونه
.........................
عند البنات
نزلوا عند الجد
مدى : ققووننااييددنن
الجده : وجعاه وشهو قداين اسمه السلاام عليكم يالماصله
مدى سلمت عالجده وقرصت قدودها : ولايهمس يا عجوزنا السلام عليكم
الجده معطت شعرها : عجوز انت يالررمهه
مدى : اااييي ااييي جددييددههه!! من قال انس عجوز انا اقول شايبتنا
الجده وهي ماسكه شعرها وتضربها بعصاتها : بعد شايبه انا اراويتس
مدى:: احححح جددييدهه خلااص توبه والله توبه انتي بعدك صغيره حتى انك اصغر مني بس فكي شعري تكفين بس تقطع
الجده ضربتها بالعصا: يلا تقلعي عني
مدى بس فكتها الجده هجت عند الجد: هلا بحموودي هلا بكل الغلا والحلا كله وشلونك يا نظر عيني
الجد بضحكه: هلابس ياعيني انا بخير يومني عينتس انتي وشلونتس عساتس احسن !
مدى : وانا بخير يومني شفت مبسمك
الجد : ياعسى دوم ياوردة حياتي
شرعه : الله الله هالحين كل ذا المديح لذي اجل شباقي لنا !!
الجد ضحك : انتمم هنيا من متى !!! اعذروني يا بناتي معلوم من شاف القمر عاف النجوم
انوار : ترا النجوم احلا من القمر
مدى : وش تبييينن انتي !!
مها : يممهه
الجده : وصمهه تصم عدونا وش تبين
مها تغمز : ماتغارين يومن شيبتس يتغزل بغيرس !!
الجده : ويه دامني عارفه غلاتي عنده ماله داعي الغيره
البنات يصفقون ويصفرون : اوووهههه شالحركات ذي
سلام : ماعرفتها هالعجيز ذي
جود : من متى وانتي تقولين درر يا جده !!
الجده صغرت عيونها : من قبل لا تجين على الدنيا يالرمه
البنات ضحكوا : ههههههههههههههههههههههههههههههههههههههههههههههههههههههه
جود : افا ياجده تراني عطيتك مدحه غير مباشره
الجده : انزين انزين بس انطمن خلوني اسمع الشيخ
ترفه : اقول يببهه البنات يقولن انك رايح للمزرعه !!
الجد : اييه يابنيتي ... الا وشراكم اخذكم معي !
البنات بحماس وصراخ: اييييهه
الجده : وققصص
البنات ضحكوا عليها
رولى وترفه بحماس : وناااسسهه عاد كنا جايين نقول لك تاخذنا معك
مها : اليوم ماراح يجونك رجاجيل بالمزرعه !
الجد : لا .. اللي مسافر واللي رايحن لعزبته
مدى : اططلقق شيي
انوار : ييااااوووكككيالللحمماااسس
الجده : قطع حسس اهجدي
انوار : هههههههههههههههههههههههه
مها تغني : ياااراااححيينن المزرعه .... خذذوو قلبي معي .....عجوزنا وحدها خذوها م عنا
سلام تقوم ترقص رقص عجايز وحاطه الحجتب على راسه وماسكه الطرف حاطته ع خشمها وترقص..
البنات قامو يعززون وهم يضحكون والجد يضحك والجده تضحك بس ماسكه ضحكتها عشان ماتخربها قدامهم سوت نفسها معصبه : يااببنتت استحي على وجهتس
سلام مطنشتها وتضحك
....: احم احم (يتنحنح مدري يتحنحن)
الجده : هش هشش اسكتن اسكتن ...
رولى : وش يا جده شايفتنا غنم تقولين لنا هش هش !!
الجده : اقول انطمي والبسوا ملافعكم ..... تعالوا يا عيالي
مدى : ههيييي جددييدهه باقي مالبسنا
الجده : تهلهلوا عظامس اقول بس قومن قومن داخل
جود : تطردينن يا جده !
الجده: اطردكن واطردكن بعد يا تلبسن بسرعه يا تتقلعن
مدى : هييينن هييينن يام سالم مردك لنا
انوار بصراخ : هييي انتوو تعااللووا
الجده : وقص يقص لسانس ورا حسس عالي يالمقصوفه استحي
سلام : اووحح عطتك بالمدفع
البنات ضحكوا
سلطان من ورا الباب : خلصتوا !! ندخل ولا !!
وليد : شكلنا مطولين
فؤاد : مها جيبي لنا شاي وقهوه
الجده : تعالوا تعالوا
دخلوا
جواد : اوووفف بسم الله كلنا الحر برا
مدى : يالتسذووب اولا مانطرتوا كثير ثانيا البيت مكيف
جواد : طيب كيفي انا ما اتحمل الحر اخاف اذوب انتي شدخلك!!
مها ومدى : وووووععععع
مها : وش تحسب نفسك شولاته
جواد : واذا قلت ايه !!
مدى : حتى لو كنت شوكلاته بتكون دارك محد يحبها
البنات : صصحح
شرعه : انا احب الدارك
مها : انتي سكتي
الكل ضحك
الجده : شعندكم على وليدي
مها : عاد ولدس صاير دلوع ياخوفي يقلب خكري
كان تجيها مخده سرعة الفين تلفها و تبطحها عالكنب
مها : هههئئئ
الكل يضحك عليها
مها : يا****" خربت نقابي
جواد : عشان اعلمك من الخكري
مها : خلاص والله عرفت انك رجاله
البنات والعيال : رجااللهه ههههههههههههههههههههههههههههههههه
سامي وبسام توههم داخلين : السلامم علليككمم
سلام : يياااههللااا وممررححببااااا بتوووأااممميي اسففررت وانورت -وراحت ضمته -
مها ومدى : الله واككببرر
سامي يضحكك ويضمها : هللافييكك ادري اشتقتي لي ههههههههههههههههههههه
سلام : ايهه فقدتتكك هههههههههههههههه
بسام : وانا ليش محد يستقبلني مثله ! يا ليت عندي توأم ....
الكل ضحك عليه
الجده : تعال يانظر عيني انا استقبلك احسن استقبال
بسام راح لجدته وضمها
جود : اييهه لناا الله ..
رولى : احنا ماغير تجعم فينا وتسكتنا وتهاوش
مها : وهم انواع الدلع والغزل
الجده : الاولاد غير عن البنات
مدى : وشفيهم غير !!
الجده خزتها : كلشي غير البنات ما يتقارنون بالعيال
جود : اصلا احنا بعهد بن سلمان عهد قوة المرأه
الجد : انتم غاليين عندي يابعد عيني
مدى : بعد شبدي والله بو سالم لا خلا ولا عدم
مها ترسل بوسات لجدها
رولى : ماتنفع بوسات من بعيد لازم توصل -وقامت راحت للجد وباست خدينه
ترفه : ههييي بعددووو عن اببوويي
مها: طيري بسس
ترفه قامت من مكانها ووخرت رولى عن ابوها : بعددي مناك وضمت ابوها
جود : يووه بدينا شغل الغيره عاد ... جدتي ما غارت انتي تغارين شوضعك !
ترفه : كيفي ابوويي
البنات : ككييففنااا جددنناا
ترفه : بس ابوي
هالمره العيال والبنات : جددننااا
انوار : المثل يقول ما اغلا من الولد ...
البنات : الا ولد الولد ..
مها: يعني الاحفاد اغلا من العيال
ترفه : بس المثل قال الولد وولد الولد ما قال البنت وبنت البنت
فؤاد : ييووهه خلاص من الاخر احنا اغلا
مدى : تككففىى انطم هذا نقاش انثوي
وليد : اي انثوي ياشيخه استني شوي يقومون يتهاوشون
مدى : عادي بس اهم شي لا تتدخلون !
سلطان : انزين خلاص
كان سلطان وجنبه جواد ويتهامسون
جواد : هذي فيها اكتئاب حاد !!!
سلطان : والله نفسك مستغرب بس اهم شي انها رجعت نفس اول
جواد : اي والله الحمدلله
الجد قام : يلا يا بناتي قومن عشان يمدي نرجع نلحق عالغداء
بسام : على ويينن !
رولى : اتز نوت يور بزنس اوكي!
بسام يناظرها بقهر : بلابلابلا
البنات : يلا يلا
وقاموا جابوا اغراضهم وطلعوا للسياره
وليد : ييمهه وين رايحين البنات!؟ .
الجده: ابوك قال بيروح المزرعه وتعلقوه
فؤاد : ياشينهم نشبه
الجده : وانت الصادق بس زيين انهم راحوا معه فكوني منهم راحوا معه قعدوا عندي نص ساعه وصجوا راسي الله يهيدهن
العيال ضحكوا
الجده : قوم يمه سامي شوف الخدامه لينت ايدام !
سامي حك رقبته ولف لبسام وقال بهمس: بديناا
بسام ضحك بصوت عالي والكل ناظره: احم
قام سامي يشوف الخدامه والباقي يسولفون بعدين كل واحد راح لهله
..................................................................
عند البنات
بالسياره مع جدهم
مها : شروع اول مره تجون المزرعه صح !؟
شرعه: اييهه
الجد : وان شاء الله مهي اخر مره
البنات : ان شاءالله
مدى : جدوو اللحين عمال المزرعه فيه!
الجد : والله مابه علم .. بس ان كانوا فيه اخليهم يروحون غرفهم
سلام : جدييي المزرعه اللي جنب مزرعتنا باقي يفتحون بابهم على المزرعه ؟!
الجد : ايوه باقي بس مهو بذا الوقت !
البنات : حسسااففهه
الجد صغر عيونه ولف لهم : لييهه ناوين تخشونها ؟
البنات ضحكوا : هههههههههههههههههههههههههههههههه
مدى بضحكه وهي تعدل نقابها : يعني هو يعني فكرناا نخشها بس تسكرت في ويوهنا
الجد : هههههههههههههه اعقلوا اعقلوا ...... -يدق هرن للعامل عشان يفتح الباب - يلا انزلوا
البنات نزلوا وهم يضحكون
اول ما نزلوا
مدى فصخت جزماتها وانتم بكرامه: يلا سباق !
البنات قدام وسوو مثلها
سلام : جدي جدي عد لنا
الجد : طيب يلا ... واااححددد ...اثثنننييينن...ثلاااججهه
البنات راحوا يركضون الا مها وشرعه
شرعه : ههيييي ترا قالل ثلاجه
البنات رجعوا : اما عاد
شرعه ومها والجد قاموا يضحكون
مدى : جدي يلا عاد
الجد : يلا يلا نوبه ثانيه
البنات : يلا
رولى : بسس هااا جدي لا تجحفلنا
الجد : هههههههههههههههههه صفي بس
..... وااححدد ..اثننييينن ... ثثثعععلللببب
مدى ورولى وشرعه انطلقوا ..
الباقي فقعوا ضحك : ههييي تعاالللووااهههههههههههههههههههههههههههههههههههههه
مدى ورولى رجعوا : ااهههه تعبت .. جدديييي
الجد : ههههههههههههههههههه خلاص خلاص اخر مره
البنات:: اخخخخررر ممررهه
الجد : هيه هيه اخر مره ...... وااااححدد ثننييييننن ثلااااثثثههه
البنات باقي ما تحركوا
الجد : ترا عديت عدل روحوا !!
البنات انطلقوا وهم يضحكون
مدى : ااخخرررر ووححددهه امم عييالل
وراحوا يركضضونن البنات لحد المبنى
سلام لفت عليهم : تتررريييففههه يالسلحفاا اااههههه- تكرفست وطاحت
البنات يضحكون وهم يركضون
انوار بصرااخخ : ههههلللوووهههه
مدى وهي تركض : هههئئئ يهب عليها الارنب
شرعه : تف تف
وصلت انوار اول وحده طبعا واخر وحده هي سلام لانها طاحت
رولى وهي تلهث من الركض: ما شاء ااههه ما شاء الله عليييكك هوووفف
مها: تقل كنقر لا اله الا الله
انوار : تف تف تف " قل اعوذ برب الفلق "
جود : لان سليم هي اللي خسرت نخليها تجيب لنا اغراضنا و عزبتنا نعوض الطاقه اللي بذلناها
سلام : ههييي على كيفك هو
جود : ايه ايه
سلام : ليه ماقلتوا الكلام من البدايه كان ما طحت
شرعه : يلا يلا حبيبتي قومي قوومميي
مدى حطت يدها على خشمها وصارت تهز: ققومميي اررققصصييللييي
البنات كملوا لهت
مدى : ايييواااا
البنات : هههههههههههههههههههههههههههههه
جود : يلايلا يلا سليم قومي
سلام : امرنا لله - وقامت
سلام وهي جايه : هاكمم .. فيه جوال يدق شوفوا حق مين - وتربعت معهم في الارض
البنات وزعوا شناطهم
رولى : خلصوواا كل وحده تشوف شنطتها
مها : انا الحمدلله ماجبت شنطه مالي خلق عفش وعوار راس
مدى : موب جوالي
انوار : ولا جوالي
مها : بس الصوت من شنطتك مديا
مدى تدور فشنطتها طلعت جوال وحذفته على مها: جوالك يا ***
مها : احح .. جوالي!! من جابه
مدى تطق جبهتها : يارببيي عالغباء انتي عطيتيني احطه بشنطتي
مها : صصحح نسييتت
ترفه : اقول اخلصي ردي
مها : طيب
قامت بعد ما شافت الاسم وردت
مها : الوو هلا ؟
................!!!!
رجعت بعد ماخلصت المكالمه
جود : شفييكك
سلام : شنوو منووو
شرعه : مهوويي وس فيس ؟
ترفه : من ذا اللي داق عليس!؟
انوار : مهاا شقال لك ؟
رولى: مين ووش قالك
مدى هزتها : هييي مهاااا
مها : هاه هاه شفيكم
البنات : ميينن ؟
مها نزلت راسها : #######!!!
^-^-^-^-^-^-^-^-^-^-^؛^؛^؛^؛^؛^؛^؛^؛^؛^؛^؛^؛^؛^

سؤال البارت::
"' تفضلون تعيشون في ^الريف؛القرى-المدن^ ؟؟'"
.. انا ؛ بصراحه احب الريف هدووءء والمدن لان كل شي بيكون قريب يعني ماعندي خيار محدد😇 ..