الخذلان

البارت الرابع عشر

البارت الرابع عشر
#الخذلان…
#بقلمي_شمس

قيصر يتغزل واني بعالم ثاني وياه .. ويقرألي شعر واقراله وماحسيت الا الباب ندفرت ..

اني طفرت من مكاني ..

شفت نهله دخلت وبعينها الشرار ..

هله هله ام الحب .. تستغفلينا وامج نايمه ولاتدري شتسري بنتها .. #شمس

امي گعدت شكو ياستار شكو

بنتج تتغزل وتحجي وي الولد بتوالي الليل .

ميار .. انتي شدتحجين هاي ابتهال

ههههه ابتهال .. لج صار ساعه اتنصت بالباب وتگليله خجلتني حبيبي .. وتتمسكن وتتدلع وتنزل راس اخوانها ..

اني وجهي گام ينطي الوان .. #شمس

التفتت ع امي .. وانتي نايمه ورجليج بالشمس بنتج يمج وماتراقبيها .. واختي ماخليتن شي ماطلعتنه عليها

امي اتأدبي .. لاتقارنين بنتي بأختج .

مااقارنها تعالي اراويج .. رادت تسحب الموبايل مني اني طبعا بسرعه غلقته من دخلت نهله .. #شمس

هي تسحب واني مااخليها ..
اذا اخذته معناها يذبحوني رسائلنا وغزلنا كله بيها محتفظه بيهن وماخذه كم صوره سلفي اني وياه بالجامعه ..
يعني نهايتي ..😲😲

بدون وعي وتفكير بسرعه سحبت الجهاز ورگعته بالحايط تفلشت الشاشه والجهاز كله راح ..
صح ضجت عليه .. بس احسن مايكشفوني وخاصة هي گامت تعيط ..

نزل امير وعلي يركضون ..
گالوا شكو ..

هاي اختج الشريفه .. والمصونه تتغزل وي واحد بتوالي الليل ومن كشفتها فلشت الجهاز ..

اني اذا يذبحوني ميلگون بيه نقطه دم ..

لزمني امير من شعري گال منو هذا ولج ..

وعلي ضربني بوكس .. احس ايدي انشلت .. حتى دموعي مانزلت من الخوف ..
گلتلهم ماعندي شي .. هاي جذابه جنت احجي وي ابتهال

امي گامت تحجي ..
گالت تصدگون بهاي الحيه وتجذبوني .. اني گاعده يمها وهي تحجي وي صديقتها ..
ومرت دخلت تتعارك ورادت تسحب الموبايل وگع وانكسر ..
ماعندكم ثقه بأختكم .. اني عندي ثقه ببنتي وانتو ماتدخلون بيها عليكم بنسوانكم .. #شمس

اذا عندكم غيره هيج حاسبوا نسوانكم من يغلطن عليه ومايحترمني .. مسوياتكم محبس بأيدهن ..

امير .. اها بدينا بالاسطوانه مالتج ..

نهله .. طبعا تبدي حتى تستر على بنتها ..

امي .. شوف شلون تحجي وي امك وانت ساكت .. لو ابوك هنا ماصار هيج ..
ياريت متت وماشفت هيج يوم ..

علي سحب امير ومرته وطلعهم .. امي ارتفع ضغطها .. رحت اجيب مي واجي ..
اجه علي وراي .. اسمعي لج .. مو عبالج سكتنا .. بس اذا طلع اكو هيج شي صدگ محد يخلصج مني ..