روايه مايجي من بعد الكره الا المحبه

النهايه

عـنـــد ســـــاره والشـــله المـــــرحه*

بعد م اغمى عليهن سمعت وحده من الطالبات اصوات الصراخ والطق،،راحت بلغت الاداره والمعلمات ،وانصدمن يوم شافن الحريق والبنات حالتهن حاله ثم نقلوهن للمستشفى.
في المستشفى صحيت ساره قعدت تناظر اللي حولها وتلمس نفسها.
ساره : وهه اشكرك ياربي اني على قيد الحياه لين الحين بس وينهن ريه وسكينه لا يكون ماتن ،،ثم تنهدت وقالت : اييه هذا يومهن بعد وش نسوي.
شوي الا علبه الماء جايه عليها.
غاده بعصبيه : وجعع ان شاءالله تبين الفكه منا يالعجوز.
ساره :يوجعك ان شاءالله بغيتي تخليني افقد الذاكره بعدين يالله اذا فقدت الذاكره من بيربيكن.
شوي إلا نغم حذفت عليها علبه الماء من جهتها.
نغم : كان زين تفقدين الذاكره وبعدين تعالي اهلنا متبرين منا واحنا م ندري،،قال ايش اربيكن.
ساره : بس بس حشا انتن لين الحين م متن قطوات بسبع ارواح.
غاده : لا ننتظرك تموتين.
ساره : وجع انتن وش جايبكن عندي ،،ضغطت على الزر حق الممرضات.
دقيقه الا درزن ممرضات عندها.
ساره بضحكه جهنميه :هههه م دريت اني غاليه هالكثر.
نغم : واااه لحقوني بموت من سخافه هالعجوز هذي.
غاده : يألاهي ارحمني انقلوني من هالغرفه ذي.
ساره : عجوز بعينگ يالقرده،،حسبي الله عليكن طيحتن البرستيجي عند الممرضات،،ثم ناظرت الممرضات وقالت : معليش هذول شكلهن من هول الحريق انجنن انقلوهن لقسم المجانين .
الممرضات سكرن الستاير اللي تفصل بينهن.
شوي الا دخل الدكتور واللي سمع حوارهن من اول شئ.
الدكتور وهو كاتم ضحكته : كيفك ساره،، واخذ دفتر الكشف.
ساره بعد م تحجبت رفعت راسها وناظرته وقالت بتفكير : امم انا شايفتگ بس مدري وين ثم حطت يدها على ذقنها بتفكير ،،وين وين شفتيه ياسويره. هالعيون مو غريبات عليه.
الدكتور بتوتر : هااه لا لا م اعتقد تقابلنا يمكن مضيعه.
شهقت ساره : انا مضيعه لا لا انا شايفه هالعيون الزرق بس مدري وين ومصيري اعرف.
الدكتور : يصير خير ترا كتبنا ليك خروج واهلك ينتظرونك بالخارج.
وطلع الدكتور بعد م كشف على نغم وغاده وكتب لهن خروج.
اما ساره جهزت وطلعت الا احمد بوجهها.
احمد : سلامات سلامات تخفيف ذنوب ان شاء الله.
ساره بملل : وش قالولگ كيس ذنوب ماشي ،اقول بلا كثره حكي ابوي وامي وينهم.
احمد بعصبيه : وجع ان شاءالله كان زين احترقتي وافتكينا منك/ ثم دفها مع كتفها/يالله امشي قدامي.
ساره بدلع مايليق : اااي عورتني.
احمد : ياشين السرج على البقر ،،بلا مياعه وامشي قدامي ثم قابلو بطريقهم الدكتور{نفس الدكتور اللي عند ساره }،
ساره تمقل فيه،،اما احمد راح وسلم عليه ،،اهلين فواز شلونگ.
فواز : ههه هلا اخبارك ابو حميد.
احمد : الحمدلله تمام شلونك ماعاد تنشاف ولا قمت تمرني مثل اول.
فواز : هذا انت قلتها من اول ،لاكن الحين شغل ومناوبات ووجع رٲس مايخلص.
احمد : الله يعين.
ساره بينها وبين نفسها : ايه يعني هو يجي للبيت زمان اكيد اني شايفته بالبيت لا لا م اتوقع افف شكلي فقدت الذاكره صدق حسبي الله عليكن يانغمووه وغادوه.
احمد : ياهووه وين وصلتي امشي قدامي يالله.
ساره : افففف طيب لا تصارخ.