الخذلان

البارت الاول

وفعلا طلعلي طب اسنان وبغير محافظه ..
واكيد رفضوا وماقبلوا ..
وكانت حجتهم لان محافظات ..
ورضخت للامر والواقع وفي سبيل اكمل وتصير عندي شهاده .

احارب بيها الكل .. وافقت اروح تربيه مع انه
الناس كلها تلوم بيه ..
بس مابيدي شي .. جوفي يحترق وعيوني مابطلن بجي .
وامي تهديني .. شمس

ماعندي احد اشكيله واحجي اله بس صديقه عمري وطفولتي ابتهال ..
كانت اختي الي ماولدتها امي ..
والي دايما تصبرني وتواسيني ..

نهله تسمعني كلام وتحرگ گلبي اكثر واكثر ..
نهله .. ع شنو تبجين عيني مو زين خلوج تكملين لو تردين تصيرين دكتوره وتتعالين عليهم وتتكبرين ..

همه يتعبون ويشقون بالشغل وانتي تصيرين دكتوره بروسهم ..

كلامها يقهر ويحرگ بروحي وكلما اريد اگوم ارد عليها امي تلزمني .. شمس
يمه استري علينا والله يبطلوج اذا حجيتي ..
يمه بعد مابيه حيل مشاكل اذا متت منو الج ..

بست راسها .. وسكتت كالعاده ..
عقلي وگلبي يصارعون الواقع ويصرخون بوجه كل واحد ظلمني ..
بس لساني ضعيف بسبب امي ..
اخاف يصير عليها شي .. وانذل من بعدها اكثر واكثر

خوفي بيوم ابقى خدامة بين الجناين ويضيع عمري ..

رحت قدمت وطلعلي علوم بايلوجي ..
بداخلي ضايجه لان مو هذا طموحي ..
بس گلت لازم اشد حيلي واطلع من الاوائل كل سنه حتى اكمل واصير طبيبه تحليل ..
كنت اواسي روحي بروحي ..

اني عمامي كولهم بالعماره ..
بس ابويه ببغداد .. اجه ورى امي وتزوج وترك اهله وناسه عمودها ..

يعني ماعندي احد الجأ اله ..
وخوالي ميگدرون الاخواني ..
لان دايما يتعاركون وياهم وميحترموهم .
لهذا شالو ايدهم ..
وحتى البيتنا ميدخلون .
امي تروح تشوفهم .. شمس

بيوم طلعنا اني وماما وابتهال للسوگ نشتري ملابس ..
رجعنا لگينا بيت عمو ابو وسام جايين ..
سامعين بيه طلعلي طبيه وفرحانين ..
علاقتي بيهم مو كلش ..
بس ع الاقل فرحولي ..

مو مثل اخواني الي طمسوا مستقبلي ..
سلمت عليهم ..
وامي هم رحبت بيهم ..
ولگيت اخواني جايبين سمك مشوي ودجاج والبنات طابخات اشكال وحلويات وفواكه ..

اتعجبت لأن مو عوايدهم يقدرون واحد ..
ميعجبهم العجب ..

شافتني علياء هي ونهله ..
وكالعاده يشمرن بالكلام ..
تعالي خاتون بدلي وساعدينا ..
الخطار جاي يباركلج واحنه مبتلين ..

بدلت واجيت ..
هنه راحن گعدن واني كملت السلطه والخضره والنواعم الي بقت ..
انفتحت باب المطبخ دخل وسام ..
اتفاجأت صار هواي مشايفته ..
صاير حلو  .. شمس
هو اكبر مني يمكن بست سنوات ..
وسام .. السلام عليكم ميار
اني بذهول .. وعليكم السلام هلو خويه شلونك

وسام .. هلو بيج ميوره كبرانه وحليانه ..
ميار .. شكرا من ذوقك بخجل .

وسام .. مرحبا .. اني ابن عم ميار ..
صحيح اني من العماره بس درست هندسه ببغداد ..وكنت گاعد بالسكن .. وبين فتره وفتره اروح البيت عمي واشوف ميار كانت صغيره وحلوه وتعجبني ..

بس كنت مااتجرأ اتقرب منها اخوانها صعبين ..
وكانت صغيره ودايما كانت تگلي خويه ..
اضوج واسكت ..
سمعت نجحت وطلعت طبيه واخوانها خلوها تحول تربيه ضجت عليها وانقهرت ..
احاول اساعدها بس شلون ..

اجينا الهم بحجة نبارك الها واشوفها ..
وگلنا بلكي نقنع اخوانها يتراجعون ..
بس اول مافتحت الموضوع وياهم صدوني وماقبلوا اتدخل ..

ضجت وقررت لازم انقذ ميار منهم بأي طريقه ..
شفتها راحت للمطبخ ..
طلعت من باب الاستقبال ..
ورحت للمطبخ ..
دخلت سلمت ..
حليانه وكبرانه ..
احجي وياها وعيوني تريد تاكلها ..

وسام .. ميار اني حجيت وي اخوتج وحاولت اخليهم يتراجعون ويخلوج تكملين طبيه بس انتي اعرف بيهم صدوني ومااحترموني شمس

ميار .. مشكور لاتعب نفسك .. اخواني واعرفهم مستحيل يتراجعون ..
ابويه ماگدر عليهم ومات من الحرگه ..
تريدهم يحترمون غيره ويسمعون كلامه ..

وسام .. ميار اني فكرت وماكو غير حل واحد ..
ميار .. وهو ..
وسام .. تتزوجيني .
ميار .. 😲😲
انت شجاي تحجي وسام مستحيل اقبل ..
انت مثل اخويه .. واني حالفه مااخذ احد قريب لان اكيد يطلع مثل اخواني .. شمس
والشي الاهم امي .. مستحيل اتركها الاخواني وجبروتهم
وسام .. گلبي يتگطع من تحجي هيج ..
اسمعي ميار اني ماقصدي اتزوجج مثل اي زواج ..
اني اريد اخلصج من ظلمهم وتكملين وترتاحين ..

واني اصلا ناوي استقر ببغداد يعني امج يمنا ..
واحنا نبقى مثل الاخوان زواجنا بس ع الورق ..
اني عندي مشروع هنا ..
وانتي تكملين براحتج وبعيد عن اخوانج ..
وبعدين انتي حره بحياتج مااجبرج ع شي ..

بهذي الاثناء اجت هالة وتخزر بينا ..
وسام استأذن وراح ..
وهي بقت تحقق
شعنده
وشنو كنتو تسولفون ..
والله الي يستر منج ..

مااهتميت الكلامها وطلعت المواعين وبديت اصب واحظر بالغدا ..
#بقلمي_شمس
يتبع…