البارت (٢٥)
#قصه #ذياب #ونور
#ذياب درت وجهي شفت دوريه مالت شرطه ضلو يضربون عليه رصاص خليت الجماعه يرحون اني وبقيت بس اني وضليت ارمي عليهم بس ماكدر اضربهم وجهه بوجه لان اخاف عليكم مكدرت اكتل نفس برئيه فبقيت اكتب عليهم لفوك واضرب ع السياره مالتهم لحد ما شفتهم مايضربون عليه صعدت سيارتي وبسرعه حركت لحكتني دوريه مالتهم نفسيته الضربتها وره شويه لحكتني الدوريه الثانيه محسيت بخوف لان بوكتها محد شافني. وصلت قريب علئ بستان جدي ضيعتهم ودخلت بسرعه لبستان جدي ذبيت السياره بلبستان وغطيته بقيت منتضر الئ ان يرحون الشرطه وره شوي خابرت لسالم كتله تعال ليه قريب علئ معمل راح اتانيك وراها وره ساعه اجه سالم خذاني ومشينه للبيت وصلت للبيت لكيت الشباب كلهم هناك كانت بوقتها الساعه 8 الصبح. رجعت حيل تعبان ونمت وماحسيت بروحي. الا وكانت الساعه 5 العصر واتصل عليه خالد
#خالد ها ذياب شلونك بشر شسويت علئ شغله السلاح الكتلك عليها بس لاتكلي ماحصلت
#ذياب. حصلتلك سلاح جبته الك يمته تحب تستلمه #خالد خويه بأقرب وقت محتاجه اليوم خليها. علئ ساعه 6 العصر.
#ذياب خوش خويه ميخالف بس مو ساعه 6 خليها للساعه 12 ونص. لفلان مكان والسعر الكتلي عليه يطلع 233 مليون
#خالد بس السعر هذا كلش هواي #ذياب اكلك خويه من الاخير تريدها بعتلك الوحده علئ مليون مابعتلك علئ مليون و200 وبعدين هذا مجموعه كافيه اكثر من ما طلبته انت بس واني تبرع مني الك كتلك 233مليون #خالد خوش خويه خلي المخازن والرصاص وياهن وراح انطيك 240 مليون بس انتضرني عندي بيت ابيعه واليوم يجيبولي فلوسه.
#ذياب. اجه خالد علئ نفس الموعد وجايب 6 او 7 اشخاص وياه جاب وياه علاكتين سود مال زباله متروسات ترس فلوس وكان من ضمنهن ورق 25 و10 صفطات فلوس اجه خالد بلهفه كال وين السلاح كتله ادخل وشوفه دخل وشاف السلاح تخبل كال هذا اكثر من الكتلك عليه كلتلك هوه هذا مني هديه للحشد اخذت الفلوس من عده وصعدنه بلسيارات مالاتنه صاح وراي اجه باسني بكصتي وكال خاي 5ملايين الواعدتك بيهن حلال عليك كتله تسلم ماريدهن وخليهن الك ماحتاجهن لح عليه كلش ونطانياهن خليت ورجعت اني للبيت ووياي الشباب همين سالم اجه كعد يمي كالي ابقه بهاي التجاره مال السلاح لاتعوفها كتله سالم اني شغله السلاح راح اتركه ومادخل بيها ابد. كتله راح انطيكم حصته من الفلوس وكلمن يذكر صاحبه بخير. وزعت وانطيت لسالم 6 ملايين ووياي شباب 8 انطيت لكل واحد 2 مليون. صارن 22 وثاني يوم انطيت 5 ملايين للشيخ كتله وزعهن علئ الفقراء والمحتاجين (معلومه اني كل بضاعه استلمه وابيعه انطي. فلوس من عدهن للفقراء والمحتاجين )فكيت شغلي من التجاره ونسيت شي اسمه سلاح ونسيت شي اسمه بيع وشره وره ثلاثه ايام. اجه الشيخ اجه اخذ عائلته بس لمن اجه واخذهم صدك حسيت بلوحده لان تعودت عليهم بس بنت الشيخ اخ يابنت الشيخ عجبتني هوواي كلش سوالغه وسباعيته وندارته وعيونه عيون الكمر كتبت عليه قصيده وكلت
عيونه اذا تحطين بوجه الكمر يغيب ويستحي من عدها ويكول الكمر والله اني اخجل من كصيبتج ومن الشامه البخدج. شحجي وشكول بعد هوه ربج منزلج ومفصلج تفصال بس عذرا ياربي صعد بنت الشيخ خل تكشف الليل. وراحت بنت الضيخ وبعد ماضن اشوفنها ورجعت لحياتي الطبيعيه ك العاده الفلوس الصفت عندي من التجاره 215 مليون بوكتها 4 ايام اني ممتصل علئ نور انتضرت للصبح كلت اراضيه انتضرته بباب المعهد. اشتريتلها تليفون كلاكسي 4 اخر موديل وجبتلها ريوك همين ماذكر بعد شنو جبتله من هديه بس جانت عاليه. جنت دائما اكول الغالي نشتريله من الغالي انتضرته صحت عليه دارت وجهه صحت عليه مره ثانيه ماردت عليه دارت وجه نزلت من السياره كمشت ايدها وجريته صعدتها بلسياره كعدت بلسياره كالت شتريد بسته بخدها وره شوي كمشت ايدها حييل. #نور كتله انت مابيك خير وبذات الك 4 ايام ممتصل عليه احاجي يضحك ويكلي بالضحكه عزيت غيرج اجت وحده غيرج كتله منو هاي كالي هاي بنت الشيخ وما ادراك مابنت الشيخ كتله ولك الفاهي هوه انت وين تعرف تحب حته عزيتها كلبت وجهي عليه من الغيره العندي كمت ماشوف بعيوني وبديت اصيح عليه وعليت صوتي وكمت اغلط وكوتله انت متكول وحده تنتضرك وكمت اضرب بصدره ب ايدي. انطاني علاكه بيها مبايل جايبلي مبايل وريوك وسوار ذهب شمرتهن بوجه ونزلت والدمعه بعيني بقه هوه خطيه منتضرني لحد ماحليت من المعهد باوعت 😒عليه ودرت وجهي لحكني بلسياره مالته اني سويت نفسي ماشفته وهوه بقه يتوسل بيه يكولي انتضري افهمج واني مجنت اسمعه من الغيره ومر علينه المغرب ال 100 النطانيهن هوه خلصت بقيت كل يوم انطي لامي عشره واكولها داينت من فلانه واخذت من فلانه وفلوس معندي ومسواك معدنه واهلي لامتغدين ولامتعشين. ذياب خابر لهشام.
#ذياب خابرت لاخوها هشام بلرغم اني اكره وماعزه وماحترمه خابرته لخاطر نور وامه واخته واخوها كتله تعال ليه اني بفلان مكان اجاني هوه خطيه كتله شكو ماكو عندك وين صفه بيك الدهر.
#هشام. كتله والله يا خويه ابويه انطرد من الدوام واني وراه بيومين انطرت حالتنه تغيرت ذياب بقيت بلا صاحب وبلا اخو ذياب اني اعتذر منك الي مخلاني اجي اشوفك هوه ابويه ذياب اعتذر منك وسامحني اني هوواي غلطت وياك #ذياب. كتله انسه ولاتفكر وتعال اصعد وياي بلسياره اشتريتلهم مسواك مال مو اسبوع. اسبوعين لكدام وانطيته 500 الف وكتله ذني مشي روحكم بيهن نزلته بباب اهله ومشه حاولت بكل طريقه ادخل الهم بس شلون ماعرف ذكرت انه ابوها مطلوب مليونين رحت دكيت الباب. دكيت الباب طلع ابوها تخبل من شافني ضل يبوس بخدي من جهه لجهه كتله عمي هاك ذني مليونين سد الدين مالتك وكتله يلا اني رايح رد عليه ابوها طالب وكال. والله ياعمي احنه ضلمناك تعال ادخل عمي اشرب جاي تعال ادخل مايصير دخلت للبيت رغم ماحرمص اليه وتوسل دخلت للبيت. كعدنه بلصاله اني وابوها طالب وهشام وام نور نزلت نور جانت تشر ملابس بلسطح ضحكت بوجهه وغمزتلها من وره السله مال الملابس غبگتني بستها بلهوه كلت لابوها طالب. كتله عمي لاتفكر بشي اسمه فلوس ولا بشي ثاني مدام اني موجود لاتفكر
#طالب والله وكفو منك ابني ماتقصر.
#ذياب. عمي تسلم علئ راسي انت. يلا اني اترخص ارد اروح عندي شغل بس ها نسيت اكلك يومين وخلي هشام يطلع للشغل احصله شغله بمكان زين.
#نور. كلت لماما وبابا وهشام انتم شنو من بشر. ساعه تكولون ذياب ميدخل وساعه ادخل شنو فلكم انتم ردابريه عليه كالي بابا ذباب خوش زلمه حباب. كلت بكلبي والله انتم مصلحجيه وماعدكم حجايه صحيحه المهم راح اسولفلكم عن ذياب. ذياب بقه اسبوع كامل يتوسل بيه بس يريدني احاجيه بس اني ماحاجيته. وماسولفلكم علئ الهدايه الي يجيبها جابلي گلاده ذهب. ومره ساعه من ماي الذهب يوووو لاخره من العدايا يوميه هديه شكل بس ارفضهن. اجه محرم دزلي رساله علئ تلفون فاطمه يكول بيها (والله وحق هذا شهر محرم ما اشوف غيرج ولا اعز بنيه غيرج ولا بنيه راح تدخل لكلبي غيرج والله بس انتي فقط ) مادريت عليه بس احسه صادق بس كلت خل اشلع كلبه احسن حته بعد ميعيدها. هوه دزلي رساله بعد يومين كال بعد معليه بيج وبعد مشوفيني انتي ابقي علئ راحتج بكيفج سوي هيج قريت الرساله. نوب دكيت عليه اكثر من مره مغلق مره 5 ايام هوه ماكو مختفي رجعت حالتنه طبعيه هشام اشتغل ذياب حصله شغله بمعمل مواد غذائيه يحسبوله بليوم 30 الف يوم العاشر من محرم بلحجه كنا رايحين للسوك اني وماما وفاطمه وبنات جوارينه ويانه. فاطمه ندستني وكالت شوفي شوفي هذا ذياب باوعت عليه سمعته يهوس وهاي اول هوسه اني اسمعه واحبنها
اسمعو هاي الهوسه الكانت من عده الي اول مره اسمعها (العباس صبيحه هذا اليوم يطلع زينب علئ خطة الحرب. ومداهمه الجيش فيقول لها سوف اغوص بوسطهم واكشفهم عن الشريعه فقالت له. الرماح العاليات التي سوف ترفع رأس الحسين. طلع طلع طلع طلع والرايه فوك المتن شامرها واجه حافل جيشها العباس كسرها. الهوه الهوه الهوه يوصيه تمشي انت لزينب انت اليوم تخبرها الرماح العاليه العباس كسرها. الهوه يوصيه.تمشييييييييي انت لزينب انت اليوم تخبرها الرماح العاليه العباس كسرها. اهوووووو عركه الرايدها العباس اهوو اهوو اهوو شلون تكع وتخلص )نور ضليت مو بس ابجي واننما مثل المخبله هوه تاجر سلاح وطالب ومهوال ويهوس وك هذا شنو من ذياب وشوف الناس تهوس وياه نزل وكال (زينب زينب زينب بليله التاسع كمرها مضوي عليها واخوها حسين هم موچود كلساع ويحاجيها ليله عشره والواحد (اقصد ليله 11) فلا فلا واحد وصل ليها اهوو اهوو اهوو وزينب محتاره اهوو وزينب محتاره انهض يلكافل زينب. زينب محتاره. ) اشوف الناس تبجي وتهوس وتدك برجلها وهذا اليصيح اعد وجان هذا من يهوس ويقره الابيات يتقدم ويرجع وصوته بيه ونين يبجي لمن سمعته يهوس ادموعي كامت تجري اوف يذياب والله احبك. عفته يهوس ورحنه اني وماما ضلينن نمشي اني وفاطمه بقينه نمشي اخر ي وماما والنسوان كدامنه وماحس الا واحد وباسني بخدي تخبلت من شفته ذياب هيج ودي احضنه وكلي عليمن يبجي الكمر امسح دموعك كتله ذياب احبك لاتعوفني وكلاتي ذياب يمشي ويروح ويرجع عليه مثل قبل والهدايه مغرگتني تغرگ. صارت المشايه احنه وصلنه لمحافضه الديوانيه اجه ذياب هوه وهشام لحكونه كانت دتمشي ويانه امي وخالاتي ف اجه ذياب صار فوك راسي هوه وهشام باوعلي وغمزلي وضل يمشي ويانه ساعه 12 ونص اجينه نصلي شافني رحت للحمامات اجه وراي ههههه وره التانكيات جراني وباسني ☺ ولا تتحمل الا تبوسني شنو قضيتك وي البوس انت ضحك ورد عليه وكالي.
#ذياب لج ماتحمل من اشوفج اكو واحد يشوف الكمر ومايبوسه.
#نور. يلفاهي حته بطريق الحسين هاي الناس تمشي للحسين تبجي تزحف تطلب الشفاعه انت تدور بوس.
#ذياب ولج سلام علئ الحسين علئ عيني وعلئ راسي بس جارتي وعزنها وقطعه من روحي وافديها بماي العيون شلون ترديني اتحمل مابوسنها يعذرني الحسين واني نيتي شريفه.
#نور يمه يمه منك ولك الفاهي احبك جاي نسولف ودك تلفون ذياب. هاي امه الاتصلت هاي مصيبه وكعت فوك راسنه تعال بسرعه.🌺🌺🌺🌺🌺🌷🌺🌺🌺🌺🌺🌺🌺🌺🌺🌺🌺🌺🌺
