لا اني فصلية ولا اني هدية

البارت العاشر

صرفت 50 الف بالمعرض طلعنة اني ونور ندور عليهن ماكو
شفت درج متحرك اصعد وانزل عليه
إلى ان طلعنة كلش من الامام ضلينا ندور ندور إلى ان لكيناهم
وعباس عصصصبي اجة جرني من ايدي حيل

عباس اني مو كتلج وية امي ليش وينج وين جنتي

شمس اخ هاي شبيك جنت اشتري من المعرض الي بلامام

عباس هية ومال مشترة

شمس اوووف منك شكد عبصي

عباس شنو عبصي

شمس انت عبصي يالمليق

عباس شنو مليق

شمس يعني مزعج وانت واحد مزعج اووي دعوفني اريد ازور الامام العباس
عفتة ورحت وية نور وازدحام الامام العباس كتل زرنة وكملنا
كالو نرجع للبيت
شنووو
عباس نرجع للبيت

شمس اريد ازور التل الزينبي وبيت الإمام الحسين

عباس مو وكتج

شمس والله معلية ازور يعني ازور

عباس خوية انتو روحو كدامنا واني أزورها واجي

نوال أزور وياك

عباس امشن فضنا

سعاد ضلت علي انة

عباس هذا الي يزوج أكثر من وحدة

شمس تستاهل صرت مثل حجي متولي
سعاد صارت على جهة اليمين ونوال على اليسار

اني امشي كدامهم
عباس تعاي امشي وياية

شمس ما اريد امشي وياك شيكولون الناس بس انت رجال بينة

عباس بلة نوال وسعاد خواتي وانت مريتي

نوال وسعاد شنووووو

عباس وعلوو

نوال غير انة عروس شنو تكول شمس مريتك واحنا خواتك

عباس اشششششش يلة امشن

شمس رحت طبيت زرت وطلعت خفيفة لكيتة واكف رحت يمة
اكلك عباس هاي ليش كلة اسود

عباس غير بعد 10 ايام لمحرم

شمس شنووووووووو

عباس اي

شمس فدوة عباس اريد أشتري ملابسي كلهن بيت اخوية
ومن نوصل انطيك الفلوس
عباس اكلي تبن فلوس شنو انة اشتريلج
شوية واجن نوال وسعاد طلعنة والوجوه مكلبة

شمس رحنة للسوك اريد أشتري اشتريت تنورة قصيرة و جواريب شفافة
سود وبدي وتشيريت وسلفي و4 شالات و5 ازواج جواريب
وبنطرونين و2 قطعتين قماش وجبة سودة
أما سعاد ونوال كل وحدة اشترن قطعة
ما أدري عباس ليش يفرق

رحنة للسيارة لكيناهم صاعدين
صعدنا رحت كعدت بالاخير يم نور

نور ليش هيج تاخرتو

شمس مو اني اشتريت هدوم لمحرم

نور اي وعلي ما اشتريت

شمس لتخافين حبي اشتريت من كلشي ثنين الي والج

نوال شنو من كلشي ثنين

شمس اي
سعاد والله خوش الفصلية تشتري واحنة بنات شيوخ بس قطعة

شمس انتن بنات شيوخ واني بت كيولية

عباس بسس التحجي بعد ارمي عليها الطلاق

شمس بشنو ترمي بالبيكيسي

عباس اللهم طولج يا روح

نور ليش كلفتي نفسج

شمس يا خلي يحرك جيبة ميصرف خلينة نصرف باجر عكبة ميتين
شحصل خلي البس واتمكيج وبعدين هوة ليش يشتغل غير يصرف علينا
وصلنا الحمدلله للبيت طبيت سبحت صعدت فوك اكدر ملابسي
انزع واليس طب عباس للغرفة

عباس دخيل ربج ما تعبانة

شمس عادي سبحت رجعت حيويتي

عباس اريد أرتاح تعبان
شمس نام منو لازمك

عباس شمس اريدج

شمس شتريد

عباس احبج

شمس جذاب لو تحبني متزوج عليه

عباس اصربريلي خلي يخلص محرم وصفر واطلكهن ثنينهن

شمس صدك ليش

عباس معليج

شمس ليش معلية الحياة الزوجية مشاركة

عباس لدوخين نفسج بهاي السوالف

شمس فكرت كلت خلي اسامحة خطية وهوة راح يطلكهن يبقى بس الي
بعد شريد وهوة خطية تعبان يكسر خاطري واليوم صرف علية فوك 200
الف
رحت ادور بملابسي شفت ثوب نوم ملابستة لونة اسود وبي فتحات جانبية
حطيت عطر فليت شعري وسرحتة رحت تمددت فوكا فتح عيونة كال انت شمس
شمس بشحمها ولحمها حطيت شفتي على شفتة ووووو💏

كعدنا الصبح الساعة 10 حطيت أيدي بايدة ونزلت شافتنا نوال

نوال هاي شنو

عباس شبيج

نوال لازم ايدها

عباس واحضنها وابوسها
عندج مانع ست نوال

شمس يمة فدوة انا لحبيب كلبي

تسريع الاحداث
صار محرم وأهل عباس يقرون 10 ايام بمحرم
اني لبست السلفي ولفيت الحجاب حطيت ايلاينير وبلاشر وعدسات رصاصي
طبيت ورة نادية اوزع كعك النسوان عبالهم اني مرت عباس الجديدة
شمس لا اني الهدية

ام عباس صدك وشلون هدية تخبل

شمس تسلمين عميتو

ام عباس شوفو لسانها ينكط عسل
جنتي حضرية
يتبع..