البارت 1 مرحبا اعرفكم عن نفسي اسمي مرام لون بشرتي ابيض عيوني لون اسود بس كبار ورومشي كثاف قصيرة مو حيل طويلة وزني 50 جسمي متناسق بس معالم الانوثة بارزة عندي جنت صاكة الدربونة ع كولتهم هه لاءن عيوني تسحر المقابيلي جذابة جنت وحيدة أمي ابوية متوفي من اني وعمري 3 سنوات مااتذكر من عندة شي بس الصور واني وامي عايشين بيت عمي اخو ابوية عندي بس هل عم لا خال ولا احد بس هل عم عمي متزوج وعندة خمس بنات بس اصغر مني ويتمنة يصير عندة ولد لاكن مدايصير وهو زين ويانة بس مرتة مو هلكد زينة يعني دائما تحرضة علية وع امي مع العلم امي جبيرة ومريضة لاكن تخاف لا عمي يتزوج امي عليها ودائما تخلق مشاكل من جوة الكاع بس امي ابد ما حاطة هل فكرة براسها وخطية ما صاحية يومية نوديها للمستشفى طبعا من راتب ابوية الي بقى النا لو معدنة هل راتب جان هسة احنة بالشارع رغم الصعاب نتحمل دخلت المتوسطة مرحلة جديدة وصعبة وزاد الحمل ع اكتافي امي مريضة لازم اداريها ودراسة وشغل البيت الي مرت عمي تأمرني بي وبناتها صحيح اصغر مني بس يكدرن يعتمدن ع حالهن لاكن هي مسويتهن ملكات واني الي اشتغل صرت صف ثالث متوسط كمت ماالحك اقرة وخاصة اني بكلوريا لازم اقرة امي اكدر اشيل حملها بس مرت عمي تطلعلي شغل وكل شوية تكومني حتى مااقرة كمت ماانام اضل سهرانة للصبح اقرة يادوب الحك او يا دوب استوعب لاءن نعسانة واني جان عندي طموح اصير محامية المهم بدت الامتحانات الثالث وصعبة الاسئلة اول يوم من امتحنت لاكن جاوبت الحمدلله يومية من اقرة للامتحان مرت عمي تشغلني وهي كاعدة وامي ما بيدها شي تسوي لو تدز بناتها حتى اقريهن اربنة بالمدرسة وحدة صف اول ابتدائي دماغها ميستوعب اعيد الشي الف مرررة ومااكو متستوعب والثانية ثالث ووحدة رابع ووحدة خامس وحدة سادس ضليت بمعاناتي شسوي وعمي يطلع من الصبح يدور لكمة عيشة البناتة ومرتة كملت امتحانات ع خير واخيرا ومخلصانة من الشغل كاعدين بالليل جنة دنتفرج فلم اني ومرت عمي والبنات وامي نايمة مدري شعجب خلتني كاعدة مكومتني اشتغل امكن جانت مندمجة وي الفلم حاطة بحضني بوشار وشايلة بايدي كولا فجئة اجة عمي عمي : وج مرام طلعت نتائجكم وطلعتي معدل 95 مرام : اني من الفرحة كمت البوشار تطشر والكولا لا شوية جان واكعة من ايدي كمت اكمز واركص وامي فزت خطية وفرحت الفرحتي الا مرت عمي كالت مرت عمي : عشتو وعليش هل دك والركص بيها خير خل نشوفها بالسادس اعدادي مرام : لعد ليش ما بية خير اطلع اكثر من عند هل معدل بالسادس مرت عمي : ها طلعلج لسان مرام : لا عندي من زمان مرت عمي : شوفها تراددني امشي ولي اشتغلي مرام : شنو اني خدامة حتى اشتغلج عمي عاط بية وبمرتة ورحت الغرفتي ابجي حتى فرحتي ما تعنيت بيها هسة تكولون طلعت معدل وطول لسانها بس صدكوني مليت من عدها ومن طلباتها وكلت لازم اقوي الشخصيات مرام
Ops! Esta imagem não segue as nossas directrizes de conteúdo. Para continuares a publicar, por favor, remova-a ou carrega uma imagem diferente.
