يا بت فكي البلوزة دي من يدك ياخ طلعتي روحا ، شنو ياخ ماشه جامعه انتي ولا كفاية بلا ،، شنو يا امي يعني عايزاني امشي مبهدله الليله اول يوم في السمستر الجديد ، و ثم تانياً انا بت الحاج ابو النجا علي سن و رمح امشي معوووولقه ، بررري مالي قال ، انحنا بنعاين في خلق الله و عندنا فيهم رأي لمن نجيب الكلام والعولاق لي روحنا ،مالي قال ناقصني شنوو ،، وحات الله يا عزوان هاا وحات الله يا بت بطني مش انا امك دي و ولدتك من بطني دي ، بحزرك ، قنبي في واطتك دي و ما تكبري راسك ساي ، و ما كل حاجه المظاهر والشكل والقروش ،، يا امي انا اسي جبتا سيرة قروش ؟
يمة انتي المفروض تكوني فخورة بي ،عندك بت زي ماشاءالله جمال و دلال و علم و حلاة ، علييييك الله يا امي وريني بس وريني مرة من نسوان الحلة ديل عندها بت تسوى ضفري ، هم براهم بقولو ليك بتك دي كامله ومكمله والكمال لله ، لمن ربنااداني الجمال والجيهه ، ارفض يعني ؟
اقول لالا ؟؟ برري والله يا امي اللبس واقشر و اتمكيج واتخندم واعيش شبابي داللاخر و كله بحقي حمدلله الدنيا دي فيها شنو عليك الله ، عليك الله يا امي فري وشك دا من الصباح اسي انا ما عارفه المزعلك شنو كل دا عشان بلوزة ؟
لا يا عزوان ما عشان بلوزة ، عشان انا يوم ورا يوم شايفه راسك كبران سلام الله سايما بتقيفي تسلمي للجيران ،، يا امي لكن ديل صحباتك انتي انا مالي بيهم ، و كان دا المزعلك حقك علي و اوعدك تاني اسلم وارد السلام ، اها كدا مبسوطة؟
ربنا يغطيكي يا بتي ، يلا امرقي بعد دا ما ا اخرك
، منتظرة اسراء تجيني و بنمرق سوا ،،
'لسه ما تميت كلامي مع امي لقيت تلفوني بضرب '
*صباح الخير سروو
-صباح المورامرقي امرقي انا برااا
*جعانه ياخ ما بتنتظريني افطر ؟
-يا عزوان مافي زمن ياخ اطلعي بس بنفطر قدام انا زاتي جعانه
*خلاص خلاص اشيل شنطتي بس'قفلت علي كدا'
.... امي ... يمممممممة
انا طالعه عايزة حاجه ؟؟؟
ايييك ولاحتسمعني اخير اطلع سااي ..
طلعت ،، طبعا انحنا بيتنا فترة الصباحيه دي بيكون صاني كدا ، انا عارفه انكم حابين تتعرفو علي ، و كل العرفتوه عني ان اسمي عزوان و اكيد اخدتو عني كم فكرة غلط ههه ، بس رغم طولة لساني انا ما بعرف اتكلم نفسي ، وحخلي الاحداث ترفع ليكم الستار عن قصتي ، و انا بطلب من اي حد فيكم بيقرا كلامي دا عمرو اقل من ١٨ سنة ما يقرا قصتي .. اايوة نسيت حاجه ، انا عندي اختي في ٧ اسمها عسجد ، و عندنا اخ واحد دا قاعد في البلد مع عمي ، انحنا عندنا المبادله او استلاف ، اخوي دا عمي قال دايرو يقعد معاهو لان ما عنده اولاد كل خلفتو بنات المهم ما بنعرف عنو حاجه بحكم المسافه الا زيارات بس ، و امي اسمها .. حخلي اسم امي انحنا متعقدين شويه ، ابوي تاجر في السوق اسمو ابو النجا معروف و طلعا وضعنا ممتاز ......... ( متابعه ممتعة)
سرووويه ياخ لي كم منك انا ما شفتك ؟؟
قالت لي امممم شهر بس ، قلت ليها الشهر دا عندي سنه ياخ ههههههه ، وووواي يا اسراء كدي كدي وريني ، قالت لي يا بت مالك ؟ قلت ليها ياخ ملك يا كلبه يا حيوان قديتي متين داا ؟ ووواي ياخ نفسي فيهوو ، قالت لي ابردي ياخ و بقت تغيظ فيني لانها عارفاني حموت عليهوو ، حي ياخ مبالغه مبالغه نفسي فيهو ، قالت لي سمح اعملي ، قلت ليها بري والله ابوي يكسر نخرتي انتي عارفاهم ماديني حريتي لكن عندهم حاجات كدا ما بتنازلو عنها، فتحت شنطتا و قالت لي لحظه ، بعدها بشويه طلعت لي زمام رنقة قالت لي هاكي ركبي ، قلت ليها حقارة والله يااسراء اركبو وين يعني ؟
قالت لي ياخ زحي يدك دي ، دا بيركب كدا مشبك من غير ما تقدي جيبي اركبو ليكي ،
مسكت المرايه وبقيت زي المجنونه عاجبني عجب الضحكة واصله اضني 😂
و اتحركنا علي كداا ......
و انحنا في السكة جاني اتصال ...
_ صباح الخير
*صباح الحب يا حب
-براا؟
*اوووف يا محمد للمرة الالف الليله اول يوم جامعه كلمتك امبارح القريبه دي لكن انا ما عارفه بالك دا وين
-عزوز اصبحنا واصبح الملك
*سمح سكتاا
-عايز اقابلك
*متين ؟؟
-اسسي دي
*اكيدم جادي انا تقريباوصلت الجامعه و كلمتك مستحيل نتلاقى في كافتيريا
-خلاص تعالي لي البيت
*لا طبعا انت جنيت ولا شنو و كلمتك يا محمد مليون مرة م تقول لي كدا تاني والا حتخسرني
-اسف .... *و قفل الخط
يتبع ......
أنت تقرأ
الثانية بعد منتصف الليل
Mystery / Thriller📝 بقلم: سحر سمير قصة حقيقيه زي ما اتعودتو مع احداث معدله أقل من 🔞 ما القاكي هنا، م عارفه اقوليكم شنو عن صاحبة القصة غير أن : كل ساقي سيسقي بما سقى ولا يظلم (ربك) احدا ، لو سمحتوا اذا في أي نقض جارح بخصوص القصه أو صاحبة القصة ما تعلقي مالم تتم القص...
