"Ye raha aapka flat sir, baki kisi bhi cheez ki jarurat ho to bataiyega mai arrange karwa dunga" broker Mishra ji ne mujhe key pakdate hue kaha.
"Thanks, aapne meri sabse badi mushkil khatam kar di, baki ka to ho hi jayega "
" Ok, bai wai nhi lagegi khana kaise karenge"
"Khana me khud banata hu Mishra ji, actually meri hobby hai cooking aur baki bahar ka khana mujhe jyda pasand nhi"
"kamaal hai bahut achha hai sir"
"aur samaan kab aa raha hai"
"bas aaj saam ko hi pahuch jayega"
"ok sir chalta hu"
"ok Mishra ji bye, thanks once again "
" are thanks ki jarurat nhi hai sir kaam hai hamara"
Finally mujhe ghar mil gya tha.
Mai just ek bag leke aaya tha baki ka saman aaj saam packers and movers wala pahuchne wala tha.
Mishra ji ne ghar achhe se saaf karwa diya tha, achha sa duplex tha, mai 1st floor dekhne gya, waha bhi 1 BHK tha, samne balcony thi.
Mai bahar nikala balcony me, travel se thak gya tha.
Maine cigarette nikal ke jala li, pahle hi kas ke bad laga ki bujha du ya chhupa du.
Wajah tha samne wali balcony me wo Khubsoorat si ladki, uski peed meri taraf thi, wo gamle me pedo ko pani de rahi thi, hawa se uske highlight kiye hye hlke brown color ke baal udd rahe the.
Us taraf se aati hui hawa khusboo leke aa rahi thi.
Meri nazar us se hat hi nhi rahi thi, mai yu hi balcony ki diwar pe peeth laga ke use dekhe ja raha tha.
Waise wo Khubsoorat bahut thi, har koi use dekhta to sayad yahi ho jata.
Par mai aisa nhi tha, aaj tak kisi bhi ladki ko dekh kar aisa nhi hua tha, ki ladki ki sakal bhi na dekhi ho, bat bhi na ki ho aur itni attraction hui ho....
Tabhi wo balcony ki railings pe chad gyi, balcony ke upper hight pe ek gamala tanka hua tha, jisme ek bel lagi thi.
Sayad use hi pani dene ke liye upper chadi thi.
Usne pani dala uska balance bigda aur wo girne lagi, uska top us bel me fas ke thoda uth gya.
Mai bas pahle ke jaise hi khada itni jaldi me sab kuch hua ki samjh hi nhi aaya ki ab mujhe nazar fer leni chahiye, ek ladki ko aisi halat me dekhna definitely galat tha.
Par samjh aata usse pahle hi uski nazar mujhpe gyi, mere hath me cigarette thi mai anzaan tha, aur balcony me khada use half topless dekh raha tha.
Aap log samjh hi gye hoge, mera first impression kaisa raha hoga.
Usne mujhe aise dekha jaise aankhon se jala dale, fir top sahi kiya gusse me badbadati hui ander jane lagi.
Balcony ka darwaja itni jor se patka ki sayad usme haddiya hoti to lagbhag das fracture ho gye hote.
Mai lagbhag 10 min aise hi khada rah gya, samjh hi nhi aaya ki kya kismat thi, itni hot n sexy padosi mili thi ?
Aur wah kya intro hua tha padosi se...?
YOU ARE READING
Oye Gabbar...
Teen FictionAshu-Story writer Misha-Reader Nikhil-Muhalle ka naya kirayedaar Gabbar-Samane wali ladki (Nikhil ki padosan) Ye chaar characters ki ek Khubsoorat si love story hai jisme thoda pyar, thodi sararat, thodi ladai aur bahut sara confusion hai. Ummied...
