رجاء و بتها اسلام طلعو علي العرس
و محمد نايم و آيسن بتجري تفتح الباب لاسماء عشان محمد ما يصحا من صوت الجرس ،،
آيسن : يا بت انتي صباعك 😾 دا اتلصق في الجرس شنووو براحة
اسماء : ياخ مشتاقه ليكي و الله و كمان فرحانه بالكيكة ياخ طلعت حلوة حلاا😻😻😻 حتعجبك
آيسن : 😻 قولي والله ياخ ادخلي ادخلي
محمد : خيانات يعني انا اسي كان ما صحيت بالصدفه كانت حتفوتني الحاجات الحلوة دي 😋
اسماء و آيسن : بسم الله الرحمن الرحيم
اسماء : دنقرت و وشها جاب الوان
آيسن : انت ما بتصحا الا علي ريحه الاكل😃
و قعدو التلاته مع بعض اكلووو وشربو الشاي و اتونسو و محمد استأذن منهم و طلع .
آيسن : ارح نخش الغرفه
اسماء: ارح طيب ، انا الليله ما بتاخر معاكي لانو مؤتمن جاي بكرة😻 و نضافه البيت كلها فوق راسي
آيسن : 😰😰 انتي جادة مؤتمن جاي
تصدقي يا اسماء ملامحو الزمان ديك لسه في بالي طولتا ما شفتو
اسماء : والله كلنا مشتاقين ليهو 😢 و امي متلهفه عليهو و جايطة لي اتقول عندنا عرس
آيسن : خشت عليها بهجة كدا جواها و اتزكرت مؤتمن زمان و حبها ليهو الداساهو جواها و عايشه براها و متوقعه انو متلهف عليها زي ما هي متهلفه و ابتهجت
اسماء : هووووي هااا نحن هنا 😀 سرحتي وين بتكلم معاكي انا
آيسن : معاكي يا بت كنته بسمع فيكي😫
اسماء : آيسن انتي اختي الما لقيتا في الدنيا دي و صحبتي و بت عمي واي شي صح
آيسن : خشي في الموضوع طوالي ، اللي هو الموضوع الاصلا ما بتحكي في غيروو اسمعو ليكي ؟
اسماء : انا لو ما بحبك ما حتكلم معاكي كدا انتي قاعده تأذي نفسك و ما حاسه بالشي دا لحد متين يا ايسن حتفضلي كدا و جسمك كل يوم ماشي في زيادة ، مقاسات قدرك في السوق ما بتلقي ، دراستك و مخلياها بسبب الناس و المطاعنات ، لحد متين نفسي اعرف
آيسن : خلصتي ؟
اسماء : اي خلصتا
آيسن :لحد ما اموت حفضل كدا
اسماء : طيب
انا حمشي بيتنا بعد دا عندي قومة بدري الصباح شغاله محاضرات من 8 حرجع انضف البيت و نجهز لجية مؤتمن 😑
آيسن : طيب بعد ترجعي من الجامعه اعملي لي مسكول اجي اساعدك 😥
اسماء : ساعدي روحك ، روحك المحتاجه المساعده م انا 😡
اسماء شالت حاجاتا و طلعت ..
آيسن كالعاده ضلمت الغرفه و رجعت لحضن سريرا و جرت اللحاف ورقدت تفكر في مؤتمن ، يا ربي متزكرني ؟ يا ربي متلهف لشوفتي ، هو اكيد بيحبني زمان كان طوالي بقولها لي 😓
قعدت بين تناقض و نقاش وصراع بينها و بين نفسها لحدي ما نامت ..
يتبع....
![](https://img.wattpad.com/cover/129187556-288-k262245.jpg)