اعشقه كرهآ

لا تخاف الذيب خاف إمن البشرما سمعنه ابذيب بذيابه غدر...

البارت الاول
زينب عبد المطلب

لاتصاحب شمس وتزاعل الليل
لان تشبع مذله ابوكت الغروب
ولا تصاحب شمع وتامن ابساع
تره الشمعه تغدرك لمن اتذوب
ولا تعاشر بشر يضحكلك ابساع
تره تضيع ابصحبتك بين الدروب
ولا تعشك شخص وتصدك الينكال
امشي ابشور عقلك مو بالكلوب
ولا تجرح شخص دير بالك انته ابهاي
حط نفسك مكانه شلون شوفه ايلوب

الحياه حلوه من احنا صغاار منشوف منها بس الفرح واللعب  تكعد ع صوت اهلك وهمه يصيحوك وتصبح بوجهم وهمه يبتسمون
جنت اكعد واشوف ضحكه امي وابويه واخويه صح صغيره بس احس وياهم بالامان كان حاس كلبي حنحرم منهم
كملت اكلي وهسه اروح ادور ع امير لان ما عندي احد العب  وياه
امير ويايه من احنا اصغار ونلعب سوه اشوفه دائما عصبي بس من يجي يمي اضحكه ونلعب ونتونس سوه بس هوايه يرزلني شايف روحه اكبر مني بهوايه اي هي سنتين بس دائما يكولي انتي قزومه
واليوم حصير طوويله واريد اشوف شلون يكول بعد عليه قزمه
اني كم مره كتلج لتجين اهنا هذا مكان ميصير البنات يجون بيه
وانت شعليك اني بكيفي واصلا وين ميعجبني اروح محد يدخل
يله انزلي من فوك حتوكعين وتنكسر رجلج
اهووو انت ليش تدخل امير انت معليك خليني اشوف منا لان اصير اطول
ولج انتي قزمه وتبقين طول عمرج قزمه يله غزل راح احسب من الواحد
للثلاثه اذا منزلتي اعوفج واروح 
واحد اثنين لا اوووكف حنزل
يله نزلي وروحي لبيتكم امج اتريدج
يلا حرجع بس زاعلتك وبعد ما اللعب وياك
ميخالف لتلعبين المهم متوكعين
وراحت غزل واني رجعت للبيت واول مدخلت اباوع ع الكل شلون الخوف
بعينهم مني بالرغم من صغر سني بس يخافون مني بس خليهم هيجي احسن لان حيجي يوم واصير اني شيخ العشيره وشحده الي يفك حلكه ولو يجر نفس واني موجود
دخل امير للبيت وكان اخوه الاكبر نمير  كاعد بصاله الي هي مخصصه تكون لشيخ العشيره ومن دخل اخوه ساله وكال انت شمسوي جاوبه امير شنو
نمير/ليش ضارب ابن الشيخ مصعب انت ليش مجوز من سوالفك
وكف امير وكال لحضه خلي اذكر يمكن سوه شي معجبني وضربته
ابتسم نمير انت صدك تحجي صحيح اني وياك اخوه ومو من نفس الام بس حتى اطباعنه متشابه انت عليمن هيجي طالع شرس ومتتفاهم والكل يخاف منك
امير ونمير اخوه بس مو نفس الام امير امه كانت امراه عاديه ومو من بيت عشيره معروفه وكانت كل همها تحمي ابنها لان كانت تعرف انو همه حيبقون يعيروه بامه الي تعتبر انسانه فقيره ومو بنت عشاير بس امه اتوفت وبقت زوجه ابوه تربيه بس ابدا لاهو كان يحبها ولا هي كانت تحبه لان يعتبر ابن ضرتها وهي كانت تريد ابنها الي يكون شيخ العشيره بعد وفاه ابوه وفعلا هذا الي صار صار نمير شيخ العشيره ومرت السنين وامير ونمير كبرو بس امير كان اكو حقد بداخله يوم بعد يوم يكبر حتى هو يصير الشيخ وقوته وجبروته تكبر وياه
نجي ع غزل اي الي كانت البنيه المميزه عند امير 
كانت عايشه بيت كبير وبنت عائله معروفه بين الشيوخ وكان ابوها وامها وياها وعايشه وياهم مربيتها الي عمرها مفارقتها واسمها لمياء
وكان لغزل اخ واحد ومكان عايش وياهم بنفس. البيت لان كان يدرس بالمدينه بمدرسه داخليه وكانت هذه عقوبه والده اله لان هو كان عنده علاقات هوايه ويه البنات وابوه راد ايأدبه فرسله للمدينه بمدرسه داخليه للاولاد
بعد ما كبرت غزال وصار عمرها 19سنه وامير وصار عمره 21سنه بدأ يخطط شلون يصير هو شيخ العشيره ويخلص من اخوه بعد ما بدأ يحط الخطط وبمساعده صديقه المقرب جدا فراس (زينب عبد المطلب)
طلب امير من فراس انو يبدي بخطه وهي بقتل اخوه واكيد محد حيعرف انو هو الي قتله لان كان محضر شخص يرمي عليه تهمه القتل وهو يتراس بحكم عشيرته وطلب فراس المساعده من الحرس الي موجودين بالمساعده واكيد وافقو خوفا من امير من ان يقتلهم واجاه اليوم الي لازم يسوي بيها الخطه مالته ومن ضمن الناس الي كان لازم يقتلهم اهل غزل لان كانو يحبون نمير ويفضلون ان يبقى هو شيخ عشيرتهم
طلب امير من فراس انو يخلي غزل تطلع من البيت بأي طريقه حتى يكدر يقتل اهلها لان هو كان مصر ع قتلهم من رغم حبه الها بس كان ابدااا ميحب يعترف بهالحب لان جبروته وقوته متسمحله بهالشي
كان فراس يحب لمياء الي هي كانت عايشه ويه غزل بعد ما اهلها توفو بس مكان احد يعرف بحب فراس لمياء لان كان يخاف عليها من امير لان مكان يعترف بشي اسمه حب وفعلا طلب فراس من لمياء ان تاخذ غزل وتطلع وحاولت تعرف السبب بس هو لح عليها تاخذها بدون مكال الها شنو السبب ومن خوف لمياء من فراس لان كانت تعرف صداقته المقربه بامير وملحت عن السبب اخذت غزل وطلعت وبدات خطه امير
وبالفعل قتل اخوه وقتل كل الي يحبوه وطلب من فراس ياخذ وياه جماعته ويقتلون امها ويجيب ابوها اله بس مكان امير متوقع انو غزل ترجع للبيت وتشوف امها مقتوله وكانت خايفه وتصرخ ومكان الها ملجا تروح اله غير امير حتى تعرف منو الي قتل امها  وتساله عن ابوها الي مموجود وكل توقعها انو امير راح يحميها بس الي صار عكس الي كانت تفكر بيه نهائياااا........

وللحكايه بقيه