الحلقه الثالثه و العشرون ) من روايه حب من نوع آخر
وقفنا الحلقه اللى فاتت على
ندى : النسكافيه بتاعك هيبرد
جاسر : ما يبرد و لا يتلج حتى نسكافيه ايه و انا معايا الشيكولاته و انا معايا الحلويات كلها و وضعها جاسر على السرير و أقترب منها
ندى : الشنط يا جاسر . عايزه احضر الشنط
جاسر : يادى الشنط اللى شغلاكى . هنحضرها يا حبيبتى ، لسه بدرى
ندى : توء مش هنلحق يا جاسر
جاسر : شششششششششش هنلحق و كل حاجه هتبقى تمام باذن الله
ندى : بس...
جاسر : هشششش بقول
ندى : حاضر
** و سكتت شهرزاد عن الكلام
نبدأ الحلقه الجديده
استيقظت ندى فى تمام الساعه الخامسه فوجدت جاسر يحاوطها بزراعيه فأخذت تبعد زراعه عنها برفق حتى لا يستسقظ جاسر و لكنها لم تستطيع فزراع جاسر يحاوطها تماما فأخذت تحاول برفق و لكن دون جدوى و فى المحاوله الثالثه فتح جاسر عينه ففزعت ندى فقد ايقظته دون مبرر
ندى : انا انا اسفه والله انا بس كنت عايزه أقوم بس
جاسر : يا بيبى مش هعملك حاجه خايفه كده ليه بس ؟
ندى : يعنى علشان صحيتك و كده
جاسر : لا يا حبيبتى مفيش مشكله ، هى الساعه كام ؟
ندى و قد نظرت للموبايل بجانبها و قالت بفزع : الساعه خمسه و نص يدوب ألحق أحضر اشنط
جاسر بابتسامه : يادى الشنط اللى عاملاك مشكله نفسيه ههههههههه
** ابتسمت ندى
جاسر و قد ابتسم بمكر : انا بقول لو تأجلى تحضير الشنط لبليل علشان عاايز أشرحلك حاجه غاايه فى الاهميه
ندى بابتسامه : جاسر بالله عليك و الله يدوب الحق لسه هأحضر الغداء و بعدين اجهز الشنط
جاسر : طب مش عايز غداء انا مش جعان لكن انتى وحشانى بقولك هشرحلك حاجه غااااااااااااايه فى الاهميه يا بنتى هههههههههههه
ندى : جاسر بليز بليز وحياتى
جاسر : هسيبك علشان اصلا كنت بهزر معاكى لكن لو مش بهزر كان هيبقى ايه ؟
ندى : هيبقى حاضر طبعا
جاسر بابتسامه و هو يمسك خديها برفق : ههههههه ايوه كده يا بيبى
ندى : ممكن اقوم بقى ؟
جاسر : قومى يا بيبى . بس بقولك يا حياتى ما بلاش تتعبى نفسك انهارده و نطلب دليفرى
ندى : حبيبى انا عايزاك تاكل من ايدى بليز
جاسر : ماشى يا قلبى كنت عايز متعبكيش بس
ندى : تعبك راحه يا حبيبى ، و بعدين انا هسخن بس دى كل حاجه معموله
جاسر : ماشى يا حبيبتى
** قامت ندى و توجهت لحمام الغرفه و أخذت شاور و خرجت و ظل جاسر ممدا على السرير لحين خروجها
جاسر : ايه كل ده ده انا كنت هنام تانى هههه ثم قام و توجه اليها وقال : و كمان وحشتينى اوى
** رجعت ندى للوراء بابتسامه قائله : انا حضرتلك الحمام يا حبيبى
جاسر : نعم يا حلوه ! امشى يعنى ؟!
ندى : لا يا حبيبى مقصدش ده انا قصدى بس علشان تلحق العصر
جاسر بابتسامه : امممممم ماشى هعديهالك المره دى برده غلطاتك زادت
ندى بوجه ملائكى : حبيبى ، متزعلش منى . مقصدش انا اسفه
جاسر : لا يا بيبى مش زعلا منك
ندى : بجد ؟
جاسر : مش انا يا بيبى قلت خلاص مش زعلان
ندى : اه
جاسر : خلاص يا حبيبتى يبقى بجد من غير ما تسالى تانى بقى
ندى : حاضر يا حبيبى
جاسر : ماشى يا حبيبتى هدخل اخد شاور
ندى : ماشى يا حبيبى
** و دخل جاسر و بدات ندى فى صلاه العصر ثم خلعت إسدالها و ارتدت بيجاما مكونه من بدى كات بحمالات رفيعه و على شكل جدائل و شورت يعلو الركبه قليلا و هى من اللونين الرمادى و الاحمر و الاسود و تركت شعرها منسدلا على ظهرها ووضعت احمر شفاه باللون الاحمر الهادى و لمسه من الكحل الاسود فى عيناها و اخذت تضع البرفيوم و فى هذه اللحظه خرج جاسر من حمام الغرفه
** أمسك جاسر يدها و أدارها كدلاله على انبهاره بمظهرها : ايه يا قمر الجمال ده كله
ندى : ميرسى يا حبيبى على الكلام الحلو ده
جاسر : ده حقيقه يا بيبى
ندى : ربنا يخليك ليا
جاسر : و يخليكى يا حبيبتى
ندى : طب يا حبيبى هنزل أحضر الغداء .. و خطت خطوتين للتحرك
فأمسك جاسر زراعها : تعالى يا بيبى
ندى : نعم يا حبيبى
جاسر : بصى يا دودى مفيش حاجه أسمها هنزل احضر الغداء و تمشى من نفسك كده ، فى حاجه اسمها تسالى و لما اقولك انزلى تنزلى . ماشى يا حبيبتى ؟
ندى : حاضر يا حبيبى معلش مكنتش اعرف انك عايز كده
جاسر : ماشى يا روحى انا قلتلك اهو
ندى بابتسامه : حاضر .. انزل يا حبيبى احضر الغداء ؟؟
جاسر : انزلى يا حبيبتى
ندى : حاضر يا حبيبى
** و نزلت ندى للمطبخ ووجدت العديد من الطعام الجاهز الذى قد حضرته لها والدتها فأحتارت فى أمرها فهناك العديد من الاصناف المختلفه فصعدت لتسأل جاسر
*** صعدت الغرفه وجدت جاسر فى اخر صلاته فجلست تنتظره و عندما انتهى وقفت امامه
ندى : حبيبى
جاسر :ايه يا قلبى ؟
ندى : بقولك تحب تاكل ايه ؟
جاسر : اللى موجود يعنى اصلا ده مش وقت اكل ده وقت حب ههههه ثم وضع يده حول خصرها . صح يا بيبى
ندى : اه يا حبيبى اكيد صح بس يعنى قلى تاكل ايه
جاسر : اممممم طب منا بقولك الموجود
ندى : هههههه فى كل حاجه . قلى بس تحب ايه و لو مش موجود انا اعمله
جاسر : حبيبتى بموت فيكى و الله . طب لو فى مكرونه بالباشمل مثلا اوكى لو مفيش متتعبيش نفسك و عادى اى حاجه
ندى : لا يا حبيبى فى طبعا . تحب ايه تانى بقى ؟
جاسر : حبيبتى حطى على زوقك و انا واثق فيه و بعدين انا بحب كل حاجه ووقت ما يكون نفسى فى حاجه هقولك ده على طول يعنى
ندى : طب ممكن اقول حاجه ؟
جاسر : قولى يا بيبى
ندى : انا حابه ابقى اسالك كل يوم علشان خاطرى .ممكن ؟
جاسر و قد ابتسم فهى تترجاه لتسعده أكثر : ماشى يا بيبى . يلا بقى انهارده على زوقك
ندى : حاضر يا حبيبى
** و خرجت ندى من الغرفه و اتجهت للمطبخ و التفت جاسر للمراه و اخذ يصفف شعره الناعم الغزير ثم وضع عطره الذى يفوح عن بعد و اتجه للاسفل
** جهزت ندى المكرونه بالباشمل و معها العديد من الاصناف الملائمه و شكلت مائده رائعه منظمه و مزينه حيث ترص ندى الطعام فى الاطباق بشكل جمالى لا يوصف و أخذت تنقل الاطباق من المطبخ الى السفره و نزل اليها جاسر و كانت تنقل اخر الاطباق فجاء جاسر من خلفها و حاوط خصرها بزراعيه و همس بأذنيها : وحشتينى
** ففزعت ندى
جاسر : كل مره هتتخضى كده و انا بخوف و لا ايه
ندى : لا يا حبيبى مقصدش ، ببقى سرحانه بس و مش عامله حسابى
جاسر بابتسامه : لا يا قلبى طب ابقى اعملى حسابك على كده دايما بقى منى .. و كنتى سرحانه فى ايه بقى . فيا ؟؟
ندى : طبعا يا حبيبى امال هسرح فى ايه
جاسر : اممممم ماشى يا قلبى و أقترب منها يري تقبيلها
ندى :جاسر ، الطبق فى ايدى يا حبيبى
جاسر : يادى الحجج بتاعتك هههه الطبق و الشنط . يلا يلا شكلنا ملناش غير الاكل ده و شكلك هتتعبينى معاكى
ندى : يا حبيبى مقدرش
جاسر : كويس انك عارفه يا بيبى
ندى مبتسمه : عارفه يا حياتى
و اتجهوا للسفره و جلسوا
ندى : حبيبى اجبلك عصير ايه مع الاكل
جاسر : عرفتى منين انى بشرب عصير مع الاكل . رشا قالتلك ؟
ندى : لا يا حبيبى انا حسيت
جاسر : ايوه بقى ههههه ماشى يا بيبى هاتى
ندى : اجيب ايه ؟
جاسر : العصير
ندى : هههههه منا عارفه انه العصير امال هيكون ايه انا قصدى اجيبه نوعه ايه يعنى ؟
** كانت ايدى ندى فوق الطاوله فوضع جاسر يده فوقها و امسك عليها بشده
ندى : اه يا جاسر
جاسر : اه يا جاسر ايه بتتريقى غبى انا ها ؟
ندى و هى تتألم فبالرغم ان جاسر يضغط برفق و لكن ايدى جاسر قويه و ندى ايديها تحت يده لا تظهر
ندى : لا و الله يا حبيبى ما أقصد اتريق طبعا انا بهزر بس . خلاص يا جاسر ايدك بتوجع اوى
جاسر بابتسامه : ماشى و قلت خلاص لما انا اقول خلاص
ندى : حاضر
** ترك جاسر يدها و بنفس الابتسامه : ابقى خلى بالك من كلامك يا دودى
ندى : حاضر . اجيبه نوعه ايه ؟
جاسر : مانجا يا حبييتى لو فى
ندى و قد قامت : حاضر
** لاحظ جاسر تغير ندى و لكنه لم يعلق
**احضرت ندى العصير
جاسر : طب و فين الكوبايه اللى هشرب فيها
ندى : حاضر هقوم أجيب
*** ذهبت للمطبخ و اتجه جاسر ورائها و أمسكها و لفها لتكون مواجهه له فأخفضت نظرها فهى بالفعل تدايقت من تصرف جاسر بالضغط على يدها
جاسر بهمس و قد رفع وججها له و نظر مباشره فى عينها : حبيبتى زعلانه منى ؟
صمتت ندى
جاسر محافظا على نبره هدوئه : بقول حبيبتى زعلانه منى ؟
ندى : ايدى وجعتنى جامد
جاسر : يعنى زعلانه منى يا دودى
** دمعت اعين ندى فلقد هيىء لها ان جاسر يقسو عليها من أول يوم
جاسر : لا لا لا اوعى تعيطى يا بيبى خلاص يا روحى متزعليش منى ده انا كنت بهزر معاكى
ندى : اصل انا مكنش قصدى والله
جاسر : طب يا بيبى مش أحنا اتفقنا انك لو غلطتى هتتعاقبى و ده ملوش علاقه بحبى ليكى
ندى : بس دى غلطه من غير قصدى خالص انت عارف مستحيل هتريق يعنى تقوم تعاقبنى كده من غير ما تسمعنى
جاسر : يا بيبى و هو ده عقاب ده . ده تهريج كده . يلا بقى متزعليش
صمتت ندى
** حملها جاسر و اتجه للسفره
ندى : خلاص يا جاسر عايزه انزل
جاسر : مفيش نزول غير لما تقولى مش زعلانه
ندى : نزلنى طيب
جاسر : ها مش زعلانه
ندى : اه مش زعلانه
جاسر : أحلفى
ندى : والله مش زعلانه
*** انزلها جاسر و قبل جبينها وقال : متزعليش يا قلبى مقدرش على زعلك
ندى : خلاص يا حبيبى مقدرش ازعل منك بس ايدى وجعتنى بس
جاسر و قد قبل يدها ثم ابتسمت : طب خفت كده طيب
ابتسمت ندى و قالت : خفت يا حبيبى
** و جلسا و تناولوا الغداء و لمت ندى السفره و غسلت الاطباق ووقف معاها جاسر يحدثها حتى لا تمل بمفردها و هو ايضا لا يود ان يتركها دقيقه واحده ثم اذن المغرب زنزامن ذلك مع انتهاء ندى
ندى : حبيبى ما تيجى تصلى بيا إمام . ممكن ؟
جاسر : طبعا يا روح قلبى ممكن. يلا يا قمر
** و صعدوا و صلوا صلاتهم و بعد الصلاه
جاسر بابتسامه : وحشتينى جدا جدا جداااا
ندى بابتسامه واسعه : يااااااااه لسه اهو حالا هبدأ حضر الشنط الساعه بقت 8 و نص هههه
جاسر : امممم بتسبقى و كده اوكى حضرى حضرى هتروحى منى فين
** ابتسمت ندى و بدأت فى تحضير الشنط و جاسر بجانبها يتفحص هاتفه فهو لم يفتحه منذ الامس
جاسر : بقولك يا بيبى خدى من الهدوم بتاعة البيت اللى انا جبتها
ندى بخجل : انا يا حبيبى بصراحه مش هعرف البس الحاجات دى
جاسر بابتسامه : ههههه ليه يا بيبى مش هتعرفى تلبسيهم انتى صغيره ؟!
و قام من مجلسه و أخذ بعضهم ووضعهم فى الشنطه و قال ناخدهم بس و نبقى نشوف الموضوع ده و لم تعلق ندى و اكملت التحضير لها و لجاسر
** نظر جاسر فى هاتفه فوجد العديد من رسائل الواتس اب من رشا وصلت منذ ساعتين و جميعها لقطات من الفرح قد التقطتها رشا بعشوائيه . فقد التقطت رشا حوالى ثمانون صوره فأخذ يقلب بهم جاسر فجميعهم و جاسر و ندى لم يعلموا ان هناك من يلتقط لهم الصور ثم جاءت صوره اثارت غضب جاسر
جاسر : ندى
ندى : نعم يا حبيبى
جاسر : تعالى
ندى : حاضر لحظه اهو احط البرفيوم علشان اقفل الشنطه دى
جاسر بغضب و بصوت عالى بالرغم ان ندى معه بنفس الغرفه
جاسر : بقول تعاااااااالى لما أقول تعالى تيجى فى نفس اللحظه
يا ترى ايه اللى جاسر شافه و هيحصل ايه ؟؟؟؟؟؟؟؟؟؟؟؟؟؟؟؟
وع_آخر
بقلمى/ دعاء خالد