الحلقه الثانيه و العشرون )
انتهت الحلقه الماضيه عندما رحل الجميع و بقى جاسر و ندى بمفردهم
** و أصبح جاسر و ندى بمفردهم
جاسر : ألف مبروك يا حيبتى
ندى بشفاه مرتعشه و كلمات متقطعه : الله يبارك فيك يا حبيبى
** جاسر و قد وضع يديه على ظهر ندى و قربها اليه قليلا : انا مبسوط اوى يا دودى ، اخيرا جه اليوم ده
*** انتفضت ندى اثر لمسته و أحمرت وجنتيها : اه و انا كمان مبسوطه و حاولت الابتعاد قليلا اثر خجلها
** لاحظ جاسر ذلك و فك يده عنها و سكت عده لحظات ثم نظر اليها و قال : ايه يا حبيبى مالك ؟
ندى : لا يا حبيبى عادى مفيش حاجه
جاسر : اوكى طب يلا ن
** قاطعته ندى : اااااا يلا نقعد هنا شويه
** فنظر لها جاسر بإندهاش
ندى بتوتر : أقصد يعنى ممكن نقعد هنا شويه
جاسر و قد شعر بتوترها : ماشى يا حبيبتى تعالى ( و ربت على كتفها ) .. و أخذ بيد ندى و أجلسها و جلس بجانبها وحاول تخفيف توترها
جاسر : حلو اوى الفستان عليكى يا حبيبتى
ندى : ميرسى يا حبيبى . بدلتك كمان حلوه اوى
جاسر : علشان زوقك طبعا لازم تبقى حلوه
ندى : لا ده علشان انت لابسها بس يا حبيبى
جاسر : ربنا يخليكى يا دودو يا حبيبتى ... اممم الا قوليلى هو انتى كنتى بتشتكينى لمحمد فى الفرح
ندى : أنااااا لا والله ابدا
جاسر : ههههههه امال كان متاثر ليه اوى كده يعنى ؟
ندى : لا هو عادى كان بيقولى متوتره ليه و محمد يعنى انت عارفه بيحب يهزر و كده
جاسر : ههههههه اه عارفه جدا
ندى : هههههه
جاسر : طب يا حبيبتى ما تيجى نطلع فوق بقى انا زهقت من القعده هنا
ندى : طب ما تطلع انت يا حبيبى و انا جايه
جاسر بابتسامه واسعه : اطلع انا و انتى جايه ؟؟!! يلا يا دودى يلا يا حبيبتى
ندى : اه طب ما تيجى نتفرج على التليفزيون شويه . ايه رايك ؟
جاسر بابتسامه : نتفرج على التليفزيون !! ههههه لا يا حبيبتى مش وقته و مش مزاجى اصلا خالص موضوع التليفزيون ده ملل اووى
ندى : اه طيب هو احنا طيارتنا الساعه كام
جاسر : بعد بكره الساعه 6 المغرب
ندى : اه تصدق لسه محضرناش شنط السفر
جاسر و هو يفهم محاولات ندى العديده للهرب منه : اممممم مفيش مشكله يا حبيبتى بكره نحضرها
ندى : خايفه الوقت يسرقنا ميكفيش و كده
جاسر : لا متخفيش .. يلا نطلع بقى
ندى : اه هو انا مقلتلكش
جاسر : لا مقلتليش
ندى : اصل و احنا خارجينن من القاعه رجلى اتجزعت واتلوت بسبب الكعب و كده اصل انا مش متعوده عليه خالص
** جاسر متيقن من فشل ندى فى هذه الكذبه حيث ان ملامحها تفضحها عندما تكذب
جاسر و هو يرسم على وجهه التاثر : يا حراااام يا دودى
ندى : اه وجعانى اوى اوى غالبا مش هقدر اطلع انهارده خالص
جاسر : يا حرااااااام يا دودى
*** و قام جاسر من مكانه و حمل ندى من مكانها على يده و اتجه لسلم الفيلا قائلا : مش محتاجين رجلك خالص علشان تطلعى
شهقت ندى عاليا : يا جااااسر نزلنى
** لم يرد عليها جاسر.. أخذت ندى ترفس برجلها فى الهواء و تترجاه يتركها
جاسر بمزاح : لا لا لا يا حبيبتى متحركيش رجلك كده دى رجلك دى اللى اتجزعت باين هههههههه
** خجلت ندى من نفسها فقد انكشفت كذبتها امام جاسر
جاسر بمزاح : يا كذابه .. بقى كده دودى حبيبتى تكذب . ده مفيش حاجه فى الدنيا دى تخليكى تكذبى
ندى : سورى سورى
جاسر : لا سورى ايه هو الكذب فيه سورى ههههههه
ندى : خلاص يقى يا جاسر ، نزلنى طيب
جاسر : ليه يا بيبى ده رجليكى مجزوعه و كده هههههه
صمتت ندى
جاسر : خلاص يا بيبى يلا سامحتك على الكذبه دى
*** ووصل بها جاسر الى غرفه النوم ووضعها فوق السرير فأعتدلت ندى سريعا و انزلت قدمها على الارض و جلست على طرف السرير . فاغلق جاسر باب الغرفه بالمفتاح ووضعه فى جيبه امام ندى ثم جلس بجانبها فأخذت تتحرك قليلا فيقترب جاسر اكقر و هكذا الى ان وصلت ندى لظهر السرير و لم يعد لديها مساحه لتبتعد فيها فأقترب منها جاسر ووضع يديه على ظهر السرير و اقترب من ندى و وضع يديه على طرحتها و قال بهدوء : أفكلك الدبابيس بتاعة الطرحه دى .. خجلت ندى من قرب المسافه الشديد بينهم
ندى : طب ا ااا ا ممكن ادخل التويلت
جاسر : اتفضلى حبيبتى
** ظلت ندى بالداخل ما يقرب ال 15 دقيقه
دق جاسر الباب : دودوى !!
ندى : ايوه يا حبيبى
جاسر : ايه يا بيبى قلقت عليكى
ندى : طالعه يا حبيبى حالا اهو
** و خرجت ندى وجدت جاسر قد غير ملابسه و أرتدى بيجاما باللون الكحلى و لكنه لم يرتدى الجزء العلوى ... نظرت ندى أرضا و خجلت لمرآى جاسر هكذا
جاسر : ايه يا بيبى . حلو البنطلون ؟؟؟
ندى : اه اه يا حبيبى حلو
جاسر : طب انا غيرت البدله . عقبالك يا قلبى لما تغيرى
ندى : ااااصل انا بصراحه يا جاسر عاجبنى الفستان اوووى ما انت عارف و انا ملحقتش البسه كام ساعه على بعض
جاسر بابتسامه : يااااااااااه هههههه تعرفى يا حبيبى ان الفستان ده بتاعك يعنى مش متأجر هه ألبسيه كل يوم لو تحبى
ندى : ههه اه عارفه عارفه
جاسر : طب غيريه بقى و لا هتنامى بيه
ندى : لا انا اصلا مش جايلى نوم خاااالص
جاسر و قد نهض من السرير و وقف امامها
جاسر : طب يلا بقى يا ندى كفايه كده بقالى ساعه و نص بقنع فيكى نطلع من الريسبشن
*** خافت ندى و شعرت ان نبره جاسر و نظراته مالت الى الجديه
ندى : طب يلا اعمل ايه يا حبيبى و انا اعمله
جاسر :ايوه كده يا حبيبتى . يلا غيرى الفستان ده بقى و شوفى هتلبسى ايه
ندى : اه طب مش هنصلى الركعتين
جاسر : هنصلى طبعا يا حبيبتى معقول هنسى يعنى ؟!
ندى : طب انا هدخل اغير فى التويلت
جاسر : لا يا حبيبتى غيرى هنا و انا هطلع من الاوضه
** و فتح جاسر الباب بالمفتاح و خرج
ندى : جاسر ، ممكن المفتاح
جاسر : ليه ؟
ندى : عادى بحب أغير و الباب مقفول بالمفتاح
جاسر : لا انا بقى بحبه معايا
ندى و قد تاكدت بالفعل من جديه جاسر فهو يحايلها منذ ما يقرب ساعتين
ندى : خلاص زى ما تحب يا حبيبى
جاسر : تمام
*** و بعد قليل فتحت ندى باب الغرفه و قد ارتدت اسدال الصلاه
جاسر و قد ابتسم : اممممم جاهزه بالاسدال انتى ؟
ندى : جاهزه اه
** و قد صلوا ركعتين و دعا جاسر ان يكرمهم الله و يوفقهم و يجمعهم على طاعته
جاسر : عجبنى شعرك لما شوفته لما كنت عندكوا اووى . طول عمرى نفسى اتجوز و تكون مراتى شعرها طويل زيك كده
ندى : اه طب الحمد لله
جاسر : يلا يا حبيبتى اقلعى الاسدال طيب والله الجو حر لعلمك
و كانت ندى ترتدى تحت الاسدال بيجاما باللون الزهرى
جاسر : ايه القمر و الحلاوه دى بس
ندى : ميرسى
جاسر : بس بقى ده برده يا بيبى لبس عرايس بيجاما كده ؟!
ندى : اممممم عادى يعنى بيجامة نوم اصلى عايزه انام اووى تصبح على خير يا حبيبى
جاسر : مش كنت بتقولى من ربع ساعه مش جايلك نوم خااالص هههههه يا دودى كفايه كذب انهارده بقى
ندى :حاضر
جاسر : تعالى كده نشوف الدولاب
** و فتحوا الدولاب و اشار جاسر لبعض الملابس
جاسر :اهو يا بيبى اللبس حلو و كتيرررررر اهو و طبيعى للعرايس
ندى و قد نظرت بعض الملابس : ايه ده ايه ده ، مين جاب اللبس ده الشويه دول مش بتوعى
جاسر : ههه انا يا بيبى اللى جبتهم . جبتهملك هديه
**** كان من رابع بل عاشر المستحيلات بالنسبه لندى ان ترتدى من الملابس التى اتى بها جاسر
جاسر بمكر : ها يا بيبى تختار انتى و لا اختار انا اللى يعجبنى
ندى بسرعه : لا لا انا هختار انا
*** و أخذت ندى طقم مما اشترته هى و ذهبت لترتديه سريعا
فابتسم جاسر و جلس ينتظهرها فتاخرت قليلا و لكن يعلم جاسر ان ندى خجوله و خجوله بشده .. و خرجت ندى و هى ترتدى قميص كب بدون حمالات و بالكاد يصل لركبتيها و تركت شعرها الطويل منسدلا على ظهرها و قد أسر جاسر لمرآها و جمالها و هب واقفا و اقترب منها و اخذ يزيح خصلات شعرها من على عينيها
جاسر : ايه الجمال ده بس ، لا لا لا انا مقدرش على كده
نظرت ندى ارضا
جاسر : لا كفايه كسوف بقى و أخذها و شرع بالاتجاه للسرير
ندى : جاسر بس استنى ، عايزه اقولك...
قاطعها جاسر ووضع أصبعه على شفتيها قائلا بهدوء : بعدينن يا حبيبتى بعدين كل اللى عايزه تقوليه قوليه بعدين . ها هتقولى ايه ؟
ندى : حاضر ، حاضر يا جاسر
جاسر : تمام يا قلب جاسر
*** و سكتت شهرزاد عن الكلام
و قضى جاسر و ندى اول ليله لهم كزوجين فى سعاده و هناء و كان جاسر فى منتهى اللطف مع ندى و كانت ندى كالعاده فى منتهى الطاعه له . . و نامت ندى على كتف جاسر و هو يحتضنها كآنها ابنته التى يخشى ان يؤذيها الهواء
*** و أشرقت الشمس لتعلن صباح يوم جديد فى حياه جاسر و ندى الزوجيه
قاربت عقارب الساعه على العاشره صباحا و فتحت ندى اعينها ببطىء لترى يد جاسر تحاوطها و ديكور غرفه مختلف عن غرفتها ، أندهشت لثوانى ثم تذكرت انهم تزوجوا بالفعل و كان زفافهم بالامس فأبتسمت و أزاحت يد جاسر عنها ببطى حتى لا توقظه و لكنها كانت مطمئنه بعض الشىء فهى تعلم ان جاسر نومه ليس بالخفيف وقامت و أخذت ملابسها و أخذت شاور و جففت شعرها بالاستشوار و خرجت مرتديه أسدال الصلاه فأدت فريضه الضحى و جلست تقرأ وردها اليومى و عندما انتهت كانت اوشكت الساعه على الحاديه عشره و نصف فخلعت إسدالها و ارتدت فستان بينك بحمالات عريضه و يصل لركبتيها و رفعت شعرها بما يسمى ( ذيل حصان ) و ربطته بتوكه من نفس لون الفستان ووضعت لمسات ميك اب خفيفه كالكحل و بلاشر باللون البينك الهادى جدا بدأ و كأنه لا يوجد شىء و كانها حمره وجنتيها الطبيعه و روج باللون البينك الذى يناسب الفستان و أتجهت الى المطبخ لتعد الافطار ... وصلت ندى الى المطبخ ووجدت جميع الاشياء التى اشترتها من السوبر ماركت لاغراض الافطار قبل الزفاف بيومين ووضعتها بالثلاجه و لم يعلم جاسر عنها شىء و اخذت تحضر بها فتذكرت ان رشا أخبرتها ذات مره ان جاسر يعشق البيض الاومليت فجهزت ندى إفطار يحتوى على بيض أومليت و جميع انواع الجبن من الجبن الابيض و الرومى و الشيدر و الفلمنك و غيرها فهى لم تعلم بعد يفضل جاسر اى نوع و كان الافطار يحتوى ايضا على اللانشون و الزيتون الاسود و المربى بنكهتين و التوست بالطبع ورصت ندى كل نوع من هذه الانواع فى طبق بشكل جمالى واضح و حضرت صنيه اخرى وضعت عليها كوبا من الحليب و معه قطع الكيك التى اعدتها لها والدتها صباح يوم الزفاف و ارسلتها للفيلا مع محمد .
** صعدت ندى لغرفه النوم معها الصنيه الاولى ثم الصنيه الثانيه ثم تاكدت من مظهرها بالمرآه و رشت من البرفيوم الذى أحضره لها جاسر و قال ان هذه الانواع أحب الانواع اليه و ذهبت اليه وجلست بجانبه فوق السرير و لكنها فكرت قليلا
ندى لنفسها : هو مقالش انى أصحيه، خايفه أصحيه يتعصب و لا حاجه .. بس ما هو الطبيعى اصحيه عادى و بعدين الساعه بقت متاخر فعادى يعنى . بس جاسر ملوش دعوه بالحاجات دى ... طب انا هصحيه بقى و ان شاء الله مش هيحص حاجه
ندى : جاسر ، جاسر ، جاسر
** لم يتقيظ جاسر على صوتها
ندى لنفسها : ايه اللى انا بعمله ده هو انا بصحى محمد . لازم شويه رومانسيه بقى و كده و ضحكت بداخلها ..
** و أتت ندى بشعرها للامام و مررته على أنف جاسر و قالت : حبيبى
*** حرك جاسر عيناه و فتحهما ببطىء فأبتعدت ندى و نظرت له فى ترقب خوفا ان تكون ازعجته .. فتعجب جاسر من نظرتها
جاسر باستفهام : مالك يا قلبى ؟
ندى : خايفه اكون ضايقتك انى صحيتك و كده
*** ابتسم جاسر ابتسامه واسعه دائما ما تأسر قلب ندى
جاسر : ضايقتينى !!! ده أحلى يوم فى حياتى ده . حد يصحى على وش القمر كده و صوت العصافير ده و يضايق . انتى بتهزرى
ندى و قد تنفست الصعداء : ههههه ربنا يخليك ليا
جاسر : و يخليكى يا حبيبتى يا قلبى يا كل حاجه
ندى : صباح الخير يا حبيبى
جاسر بابتسامه مكر : خير طبعا مش هيبقى خير ازاى و حبيبتى جمبى ثم نهض و اقترب منها و أزاح غرتها قليلا و أقترب اكثر يقول صباح الفل و يقتر اكثر و يقول صباح الياسمين ثم يقترب اكثر و يقول صباح الورد
** فهمت ندى من نظرته ما يرمى اليه جاسر فأبتسمت خجلا و ابعدته بيدها برفق و قالت بابتسامه هادئه و خجوله : الفطار يا حبيبى مصحياك علشان تفطر
جاسر و قد فهم خجلها : هههههه أوكى و ماله هنروح من بعض فين و ابتعد عنها قليلا
فقامت من السرير و اتجهت لتحضر الصنيه فقام جاسر ورائها و اراد ان يمازحها فجاء خلفها ووضع يده على خصرها و سحبها تجاه ثم ادارها لتتلاقى اوجههما ثم رفع ذقنها اليه قائلا : الا هو صحيح هو انتى اللى هتحدديلى لما اصحى اعمل ايه ؟
** نظرت ندى أليه باستفهام فلم تفهم ما يقصده
جاسر بابتسامه : اصلك بتقولى يعنى مصحياك علشان تفطر... هو بمزاجك و لا ايه هههه. و لو مش عايز افطر و عايز اعمل حاجه تانيه هتعترضى مثلا ؟؟! ثم ضمها اليه اكثر مبتسما قائلا :ها سمعينى صوتك . تقدرى ؟
ندى مبتسمه : لا يا حبيبى مقدرش طبعا
جاسر ضاحكا : امممم ايوه كده
** ثم تركها و ذهبت ندى و أحضرت الصنيه الاولى المتواجد عليها اللبن و الكيك
ندى و قد أمسكت كوب اللبن : اتفضل يا حبيبى
جاسر مبتسما : اكيد نسيتى تحطى نسكافيه معلش عادى بتحصل هههههه ايه ده يا دودى
ندى : ده لبن يا حبيبى
جاسر : منا عارف يا حبيبتى بس هو مين قالك انى بشرب لبن كده أنا
ندى : ده مفيد جدا يا حبيبى فعادى من انهارده ان شاء الله هجبهولك كل يوم
جاسر : ههههههههههه حبيبتى عايزه مصلحتى انا عارف بس انا مبشربش لبن ساده كده . و قوليلى بقى فين اللبن بتاعك
ندى بابتسامه كبيره : ههههه لبن ههههههههههه لا لا لا لا انا نو واى اشرب لبن مش بحبه خااااالص
جاسر : يااااااااه ؟؟؟ انتى نو واى تشربى لبن و جيبالى انا اشربه و بتقولى مفيد
ندى : اه يا حبيبى
جاسر ضاحكا : طب سمعتى يا بيبى عن المثل اللى بيقول و انقلب السحر على الساحر
ندى : اه عارفاه . ماله
جاسر : هيتنفذ دلوقتى و اللبن ده انتى اللى هتشربيه دلوقتى و انا بشرب نسكافيه الصبح
ندى : انا لا لا لا لا انا مش بحبه
جاسر : بتقولى لا ؟؟
ندى : اسفه يا حبيبى بس انا مش بحب اللبن
جاسر : هتحبيه من هنا و رايح هتحبيه لانه مفيد و مهم ليكى جدااااااا علشان لما يجى بيبى ان شاء الله يبقى انتى و هو او هى صحتكوا تمام
ندى : بليز يا جاسر بلاش مش بحبه خالص
جاسر : يلا يلا يا دودى نفذى اللى سمعتيه يا حبيبتى
*** نظرت له ندى بترجى فهى تكره اللبن بشده
جاسر : يلا يا بيبى يلااااا
ندى : حاضر
*** و شربته ندى على مضض
ابتسم لها جاسر قائلا : احلى حاجه حبيبتى لما تسمعى الكلام بتبقى جميله المهم كل يوم هتشربى كوبايه زى دى
ندى : جاسر ، حرام والله بقولك مش بحبه
جاسر : معلش حبيبتى ، حبيه علشان خاطرى
ندى : يا جاسر بليز
جاسر : خلاص يا بيبى بقى امر و هيتنفذ
ندى : حاضر يا جاسر
جاسر : حضرلك الخير يا قلبى
ندى : طب يلا بقى علشان تفطر
جاسر : ايه ده مين قالك على موضوع الاومليت ده
ندى : رشا . رشا حبيبتى
جاسر : اممممممممممم رشا برافو عليكى يا دودى والله بحبه اوى فعلا . بس ايه يا بيبى ده كله، حلو اوى شكل الاطباق انا مش عايز اكل والله علشان مبوظش الشكل الجميل ده
ندى : بالهنا و الشفا يا حبيبى
جاسر و قد اخذ قطعه من الجبن الرومى ووضعها على قطعه توست صغيره و أطعمها لندى وكررها مرارا و تكرار
ندى : كفايه بقى يا حبيبى انت ماكلتش حاجه و عمال تاكلنى من اول ما قعدنا
جاسر : ما هو كده كانى كلت يا حبيبتى
**** فرحت ندى بشده لكلمات
ندى : بموت فيك و انت طيب و حنين كده
جاسر : و هو انا مش على طول كده ؟؟؟
ندى : لا يا حبيبى مقصدش
جاسر : قولى حبيبتى متخفيش
ندى : اممممم بصراحه ساعات بتتعصب
جاسر : لو دايما بتسمعى اللى بقوله و تنفذيه هتلاقينى دايما طيب و حنين كده و الله يا حبيبتى بموت فيكى بس مبحبش كلامى ميتسمعش
ندى : حاضر يا حبيبى
جاسر : حضرلك الخير يا حبيبتى و أطعمها مره أخرى
ثم قام جاسر و ذهب لياخذ شاور و لمت ندى المائده و صعدت للغرفه له بالنسكافيه و ما ان وضعته على الكومود بالغرفه حتى وجدت جاسر من خلفها قد انتهى من الشاور و اداء فريضته و حملها فجأه
ندى : اممممممم كده تخضنى
جاسر : حبيبتى تتخض و تخاف و هى معايا برده ؟
ندى : طب نزلنى بقى
جاسر : لا لا لا
ندى : النسكافيه بتاعك هيبرد
جاسر : ما يبرد و لا يتلج حتى نسكافيه ايه و انا معايا الشيكولاته و انا معايا الحلويات كلها و وضعها جاسر على السرير و أقترب منها
ندى : الشنط يا جاسر . عايزه احضر الشنط
جاسر : يادى الشنط اللى شغلاكى . هنحضرها يا حبيبتى ، لسه بدرى
ندى : توء مش هنلحق يا جاسر
جاسر : شششششششششش هنلحق و كل حاجه هتبقى تمام باذن الله
ندى : بس...
جاسر : هشششش بقول
ندى : حاضر
** و سكتت شهرزاد عن الكلام
_____________________________________
#حب_من_نوع_اخر
بقلمى / دعاء خالد
