#ادمنت_مدمن_مخدرات
🌹 حلقةة2 🌹
قُصي: هيا نمشو
ريان: تمام وركبوا ف السياره وطول طريق وهوا
ساكت وعيونه حمر وشكله مش عارفه باين في
حاجه غلط
وصلوا ل حوشهم خشوا -عايشيين فوق باته-
قصي: المطبخ قدامك ودار هادي رد بالك
تخشيها وطلع وقربع بابه
ريان: سكتت وقعدت تفكر زعما خيره هدا شن
فيها دار وعلاش يعامل فيا هكي هلبا اسئله قطع تفكيري صوت بطني😂جعانه ؟ به تو
ناكلو (نعرف روحي هبله نحب نتكلم مع اجزاء جسمي)
ريان خشت دارت حاجه تاكلها وطلعت بدلت فيلو
متعها ولبست توتة سبونج بوب ودارت شعرها
كعكه ومسحت مكياجها وخشت
توضت وصلت وقعدت تراجي ف قصي قعدت تراجي لل 1 و2 و3
وما حد جي خداها النوم شوي ناضت ع صوت تشكشيك المفاتيح فتحت عيونها لقت قصي مش
قادر يمشي خطوتين ع بعض قعدت تشبحله عيونه زي كيس دم شكله يخوف ريان خافت وف
خاطرها طلع يسكر طلع مدمن طلع وطلع خافت
ع روحها طلعت تجري للحمام
قصي شافها ولحق عليها وشدها
ريان: حول ودفاته وولت للدار وصكرت ع روحها
قصي تنرفز وجاها يخبط في الباب افتحيي
ريان خايفه وتبكي وتدعي ف خاطرها
شويه وسكت التخبيط فتحت ريان الباب لقاته
قدامها شدها وتذكر كلام بوه نساوين كلهم
فاسدات نساوين متاع فلوس شد ريان وضربها
ريان نضت جسمي كله كدمات زرق شعري
منتف ع الارض مقدرتش نقيم جسمي من ع
السرير
قصي خش للدار شافني من فوق للوطه وخدي فوطه وطلع خش للحمام
ريان قعدت تبكي بالعبره
ياربي شن درت انا مش يصير معاي هكي..
خلاص عييت من الظلم والقهر من طفولتي..
حياتي تغيرت..لاكن تغيرت للاسوء..
راجلي واللي املي كله معلق فيه هكي معاملته من اول ليله..
حتي جسمي تعود ع الضرب قعدت بارده منحسش..
نضت من فراشي بعد سمعته طلع من الشقه وخشيت درت دوش وفطرت
ووليت لداري صكرت الباب واتصلت بالحوش
ريان: نبي يوسف
فتحية: ها شن راجلك وشن مشت اموركم امس
ريان شدت اعصابها: عطيني يوسف بحداك
فتحية: اصبري
شويةة يوسف: الوو ريان
ريان تبي تبكي: يوسف كيف حالك حبيبي
يوسف: الحمدلله اوانتي
ريان: الحمدلله بعد كلمتك
يوسف: بتجي ولا
ريان: ان شاالله لاكن مش توا فجاءه سمعت باب
انفتح
ريان: هي مع السلامه يوسف نكلمك بعدين
وصكرت عليه
قصي: في من تكلمي
ريان خافت منه ووخرت
قصي شبحلها: قتلك في من تكلمي انا
ريان: نكلم في خوي
قصي: هاتي التاليفون
ريان رعشت: ع علا اا ش
قصي خداه منها وحطه في جيبه: ديري غدا
جعان
ريان خافت ومشت ع طول للمطبخ
قصي قعمز في الصاله وحط راسه علي
الكرسي حاس روحه صداع وحاجه تضرب في راسه
قصي: اااااااااااااااااااااااااااااااااااههخ
ريان سمعت العيطه طلعت تجري لقاته يضرب
في راسه ومش قادر يتحرك
ريان: شن صار شن صار
قصي شبحلها: في الدولاب بسرعه راسي بينفجر
ريان مفهمتش وقعدت واقفه
قصي: تلقيها في الدولاب اللي في دار هدي هيااا
ريان التفتت لقتها الدار اللي منعها من دخولها
ريان خافت عليه منظره مرعب وعيونه حمر
وعروقه بارزات
خشت تجري للدار وتفاجات
لقتها العاب وصور صغار وذكريات هلبا معلقهن
والدار رايحه مسخه مش ممسوسه بكل وسرير صغير
ريان: معقوله يرقد اهنا هادا بجسمه الضخم
ريان سرحت تشوف للدار لين قصي كلمها
قصي: شن صاااااار وينككك
ريان استاقظت: حيي علياوين مافيش دولاب اهنا
شبحت شبحت لقت دولاب صغير جنب السرير
فتحاته وتفاجات لقت اقراص متشرتعا في الدولاب وزي بودره
ريان رفعت راسها وخطر عليها الف سؤال لاكن
من الخوف جابت قرص ورجعتله تجري
قصي خداها منها بسرعه وقعد يعاطي في
روحه
ريان انصدمت من منظره كيف يديه يرعشن
وغايب عن عقله
فجاءه قصي وخر راسه ع الكرسي ورخي
جسمه وعم السكوت
ريان قعدت تشبحله وشفقت عليه وعلي روحها
شن دنبها واخده هدا؟
ريان ناضت بتولي للمطبخ..
قصي: خليك
ريان وقفت وشبحتله: الغدا ع النار بنشوفه
قصي شبحلها وقعد مركز عليها وجا بنوضلها لاكن تاعب وجسمه تقيل
ريان خافت
قصي: به امشي
ريان قعدت واقفه خايفه وتشبحله خافت يديرلها حاجه
قصي شبحلها وعيط في وجهها: انتلفي
ريان سيباته وولت تجري للمطبخ وصكرت الباب
وقعدت تحوم يمين يسار ويسار يمين
ريان: ياربي ياربي ياربي ساعدني معندي حد
غيرك احميني منه
فجاءه انفتح الباب وخش قصي
ريان خافت ووخرت مذعوره
قصي باين عليه دايخ ومش متوازن ف اغمي عليه ع الارض
ريان حطت يدها علي فمها من الصدمه وجاته تجري
حاولت تقيمه بس مقدرتش
شحاته لين وصلت للدار ولين انقطع نفسها مش حاطاته علي السرير.
ريان شبحتله: هدا شن مداير في حياته شكله كئيب زيي
ريان شفقت عليه غطاته وقعمزت بجنبه تفكر شن بتدير وهل تكمل معاه؟
ريان: اكيد لا لازم نتخلص منه
ريان شبحتله وتاملاته بعدها جت بتنوض حست بيد شدتها
قصي: خليك بحداي
ريان شبحتله مصدومه لقاته يضحك ومش
طبيعي بكل منظره مايطمنش
قصي حط يده ع رقبتها وضغط صوابعه وقربها ليه
ريان معش قدرت تتحرك حاولت اتدفه بس هوا
اقوا منها وعضلاته قبضن علي جسمها الصغير
قصي قرب اكتر و💋
ريان متحملتش الصنه متاعه من اللي ياخد فيه: حول من عليا ي مقرف ودفاته
قصي حمق ناض شدها رماها ع السسرير ودار فيها اللي يبيه وطلع من الحوش وصكر عليها بالمفتاح
ريان ناضت تعيط وكسرت الاتات وطاحت ع الارض تبكي
✨ـًًـًًـًـ
✨ـًًـًًـًـ
تحتهم بدورين يسكنو بات قصي واخته سحر
سحر جاها اتصال
نجلاء: ها شفتي مرت خوك ولا لا
سحر: مشفت حد قاعده في حوشها منزلتش
نجلاء: كيف لازم تشوفيها اركبيلها
سحر: بوي مريض مش فاضيه وعندي قرايه
نجلاء: شوفيها عيب حتي شويه وانزلي
سحر: به
نجلاء: به وكلميني توا صكري تقري في عبودي
نزل قصي وشبح سحر مقعمزه في صالة
الضيوف
سحر: مرتك قاعده فوق
قصي شبحلها وسحر انصدمت من منظره
قصي معرفش شن يقول: ايي لاكن راقده توا متزعجيهاش
سحر: خيره هكي هدا تقول طالع من السجن اكيد ناقص نوم😒
✨تـٌـٌٌـڛـ,ـريعٌـِـِِـِـ آلُـِـِِـِِِـِِـِـآحـًـًًـًًًـًًـًـڊآثُ ✨
في الليل روح قصي متاخر وركب لحوشه فتح الباب لقا الدنيا هدوء قعد شوي وخش لدار ريان لقاها..
يتبع
