كسرة كلب

البارت 32

البارت 32 :
كل شويه بالليل من حرارتي افز وادفن روحي بحضن همام بلا وعي علمود ادفه مدري مشتاقتله..
همام ..طيتهه علاجهه وبي نسبه نوم ونامت واني التهيت اقرة مذكراتهه براحتي ..قريت هواي ومامليت وعرفت عنهه هواي اشياء شلون تفكروشلون تحس حييييل رقيقه والحجايه تهضمهه بعدين رجعت الدفتر لمكانه وخليت راسي ع المخده افكر شلون راح تصفه حياتي ومن بعد الفلاش باك الي حسيت بي قبل شكم يوم بعد لاتذكرت شي ولاعاودني الفلاش .
تراسلت ويه صديقي خالد شويه وحجينه عن المحامي الي ديمشيلي بشغله تحويل الاملاك باسمي وبعدهه استسلمت للنوم وشكم مرة احس بحنين تفز وتحضني وخطيه عدهه حراره اخير شي كعدت اسويلهه كمادات بلكي تفك عنهه الصخونه حييل تعبتني تهذي ومحاسه ع نفسهه وشكم مرة من تحضني تاذي ايدهه لان بيهه كانوله وتون شويه من الوجع وترجع تسكت صوتهه دمرني وين اروح بهالليل هذا لخاطر الله اعرف تفكيري وصخ بس هي حلالي.
للفجر عركت هواي شلتهه سبحتهه لان ملابسهه تنكعت بالعرك ونزلت حرارتهه وهذا كوله وهي محاسه ع نفسهه ورجعت لبستهه ملابس بهاريه ودثرتهه بالفراش عاد اني بعدما اطمنت عليهه كدرت ارجع انام .
ساعه 8:00الصبح كعدت مشبعان نوم بس مفزوع بالي يمهه نمت من التعب وبعد ماحسيت ع نفسي خاف راجعتلهه الصخونه مديت ايدي ع جسمهه لا الحمدلله ممصخنه ..
رجعت حطيت راسي ع المخده اريد النومه ترجعلي ماكو غمضت عيوني واني اتذكر من حاضنهه من ظهرهه بايد وحده ومكعدهه بالبانيو حته متتسرسح وتغرك بالبانيو لان تارسه مي دافي شويه عظامهه وجسمهه يفك ع دفو المي وبالايد الثانيه طاسه اصب بيهه مي ع جسمهه وماخليت شعرهه ولا ايدهه الي بيهه كانوله يتبللن.
مفاتنهه خصرهه ملامح جسمهه انطبعت بدماغي جنت مخليهه بس بالاتك ومن المي لزك ع جسمهه وبين كولشي بطريقه ثارتني وبالكوة كدرت اسيطر ع نفسي ومشاعري جسمهه يحجي الصخر.

مغمض عيوني واني اتخيل كل هذا ودينعاد كدامي وفجاة حسيت بايد صغيرة ناعمه نمدت ع شفافي ..عرفتهه حنين فتحت عيوني ..
ليش تتحارشين ؟
حاولت توخر ايدهه من شفافي لزمتهه بس مو حيل لان هي هاي الايد البيهه الكانوله وبقيت امشي ايدهه ع وجهي خدودي ولحيتي وحنكي وهي عين ع ايدهه و عين بعيوني ..
صباحو ياحلو..
شفت الابتسامه لونت وجهه ..صباح الخير.
شلون صرتي؟
احس احسن ..راحت مني الصخونه.
ضحكت بقوة ..
اي طبعا تروح منج الصخونه اذا اني طول الليل سهران اسويلج بهالكمادات وارجع ليورة.
صدوك ؟
اي والله ولل5الفجر ياله نمت.
والله اسفه تعبتك ..بس ماحاسه ع نفسي.
لا اسفه ولا شي اصلا تونست .
شفتهه استغربت من كلامي ..شنو تونست ؟
غمزلي وضحك بمكر باوعت لنفسي شهكت وهو يكول اي اي ..
هاي شنو منو مغيرلي ملابسي؟
باوع ليكدام ورفع خشمه وكال ..اني..
تجذب !!
والله اني!
ضربته ع كتفه .
هاي شبيج غير تنكعتي فد مرة بالعرك وفوتج للحمام سبحتج وغيرتلج ملابسج.
لعد اني وين شو ما اتذكر ؟
ماجنتي حاسه ع نفسج من الصخونه.
عدت سلامات الحمدلله ع سلامتج.
الله يسلمك.
الله يسلمك حاف ناشفه ؟
لعد شسويلك؟
بوسه اريد.
اممممممم.
لاتسويلي اممممم بنت الاوادم وين اولي.
ههههههه وخر خلي اكوم اسوي ريوك.
ها شوغلستي ع البوسه .
هااا.
اي شنو هاا تردين تشردين .
لاماشرد.
تقربت عليه بسته من خده وشردت للمطبخ اسويله ريوك.
اووووف شلعت كلبي هالمرة.
جاوبت واني خارج الغرفه ..
سمعتك ترة.
نطيت من فراشي ولحكتهه للمطبخ لكيتهه واكفه ع الطباخ تريد تطك بيض وتسويلي جاي ..
لفيت ايدي ع خصرهه ودفنت راسي بشعرهه استنشق عطرهه الحلو..
شديسوي الحلو؟
اسويلك بيض عيون.
اووووه اليوم شنو هالدلال.
تستاهل.
اساعدج بشي؟
لاء بس روح غسل وجهك وارجعلي دقايق واجهزلك الريوك.
ماشي .
اليوم عندك شغل؟
اذا صحتج زينه ف اي عندي شغل واذا تحسين بنفسج بعدج لا باقي يمج ماعندي شي.
ابتسمت ورفعت حاجبي..
اني زينه..شنو شغلك ؟
غير اروح لدائرة الجنسيه اكمل شغلي هناك.
وتحتاجني؟
لا ..ع اسبوع الجاي علمود نرجع الامللك باسمي.
لعد هسه شنو المعامله الي دتمشي بيهه ؟
مو كدامج خلصت معامله التسقيط سقطت شهاده الوفاة وهسه دا اطلع جنسيه جديده اليه وبعدهه ننقل الاملاك .
هاا تمام.
لعد خليني اكطع اجازتي اليوم واروح اداوم وانت توصلني قبل لاتروح لشغلك علمود اكدر اخذ اجازة ثانيه اسبوع الجاي من تحتاجني بالمعامله.
ها خوش حجي ..بس تكدرين بيج حيل حته كانونتج بعدهي بيدج .
صرت احسن ماكو داعي ابقه بالبيت وكافي دلال عمتي صارلهه يومين مخليه ريومه تبات يمهه خطيه هم تعبانه المرة.
لعد يله كومي بدلي.
اي اوك..ها ومناك اروح لاهلك اجيب ريمه بس ابقه هناك لليل.
ليش تبقين ..؟عقد حاجبه..
هيج يعني نغير جو يم اهلك .ومشتاقه لعمي من زمان مشايفته.
هاا ..اذا تعبان ماشي نبقه واذا لا اهذريني اجي بوجهي اخذكم نرجع لبيتنه.
اوك.
رحنه بدلنه ووصلني للروضه وهو راح لدائرة الجنسيه يكمل معاملته .
مرت الساعات خلصت دوامي ورجعت لبيت عمي ابو همام ولكيت همام سابقني لهناك لان دوامي يخلص ب 2الظهر وهو مخلص شغله من ال 1:30تقريبا..
المهم تغدينه وظلينه لليل يمهم تعشينه وتعللنه وصارت ب 9 بالليل كال همام انو جماعته خابروه وجايين عليه للبيت يريدون يسهرون يمع بالبيت فكالي ابقي يم اهلي ومن يروحون جماعته يرجعلي وافقت وراح..
رجعلي ب 12:30 تقريبا جنت منيمع ريمه من زمان واني جنت بس اغفي ومنتظرته وكل شويه اتصل عليه ويرفضه ..المهم اجه ورجعنه للبيت واني قافله عليه ضايجه منه وضجت بعد اكثر من طبيت للبيت لان جايبين شرب لبيتي.
ماحجيت شي ماردت اسوي مشكله بس خليت ريمه بفراشهه وبدلت ملابسي وبلشت الملم الاستقبال وانظفه من قواطي البيرة وروحي لعبانه من الريحه والوضعيه وكولشي وفوكاهه تعبانه ومريضه.
خلصت شغلي طبيت لغرفتي بدلت ملابسي لكيت همام ينتظرني ولازم مبايله من شافني تركه وشافني ضايجه ..
جبت علاجي اخذته وجبتله الابرة حته يسويلياهه بالكانوله..وفعلا بدة يسويهه ويضربهه بالكانوله..
واحس بنظراته اليه بس اني باعده عيوني عنه لان من اباوع بعيونه اضعف..
بس نظراتي فضحتني عرفني ضايجه ويمكن هم عرف السبب.
عفيه وخرلي الكانوله مدا اكدر انام دتضايقني.
خلصي ابرج واوخرهه لو تستحملين احطلج كانوله ثانيه .
لالا ثانيه شنو بقيهه .
لمحته ابتسم..
شكد بقالج شكم ابرة ؟
2
يعني 3علمود نعوضلج الي تلفت اول مرة.
كلبت وجهي بالزايد .
باجر بالليل نوخرهه .
ماشي .
رحت ذبيت الغراض والعلاج ع الميز ورجعت لفراشي
وهو يراقبني..
شبي حبيبي؟
ذبيت جسمي ع فراشي وحجيت بدون ماباوعله ..
مابيه شي.
اعرفج كولش زين ومتاكد بيج شي.
ماطول هيج تعرفني المفروض كوت تعرف شبيه.
لان جبت اصدقائي للبيت؟
ماعندي مانع بس ليش تشربون.
عادي يعني كعده حلوة ولمه وجبنه شرب.
متعود ع هيج كعدات يعني ؟
لاا بالشهر مرة لو مرتين تصير.
همام مو ما صارلنه ايام من تعاركنه لان احيتني شارب.
اي صح واني ماوعدتج ابطل.
همام حرام وموزين عليك.
معليج بيه.
شلون معليه بيك؟!!
الج عندي سهر بعدماجيب جماعتي ونسهر هنا.
مو حجي هذا همام اني اعتراضي مو ع السهر اعتراضي ع الشرب يعني غير اخاف عليك ودا انصحك واريدلك الخير.
لاتجيني بهيج درب ..اطلعي منهه حنين ..كتلج معليج.
خفت لايتعصب اكثر وتتطور المشكله ويرجع يمد ايده عليه فسكتت وطيته ظهري ولفيت راسي ونمت .
لشويه حسيت بي سحبني عليه وحضني من ورة ماعترضت ولاسويت شي خليته براحته واني هم تعلمت ع حضنه ورجعت لنومتي.
للحكايه بقيه..