Charm Academy School of Magic

Chapter 19: Ariela Against Hades

“P-Pero gusto kong manatili. Kasama nila.” Ramdam ko ang panginginig ng boses ko. “Kaya tama na. Tumigil ka na.”

Lumapit si Hades sa akin at hinawakan ang mukha ko. Tinabig ko ang kamay niya at lumayo mula sa kanya. Natawa siya ng mahina.

“Kaya naming ibalik ka sa normal mong buhay, Ariela. Kaya naming alisin ang sumpa na kasama ng pagiging specia—“

“I SAID STOP! SHUT UP! JUST SHUT UP!”

Isang puno ang nahugot sa lupa at biglang bumulusok sa direction ni Hades. Nanlaki ang mga mata ko. Maging si Hades ay hindi inaasahan ang nangyari. Nakaiwas ito mula sa pag atake pero nasira ang parte ng kanyang cloak na tumatakip sa kanang braso niya.

Natigilan siya habang nakatitig sa akin. “Isa itong halimbawa.” seryoso niyang sabi. Nawala na ang kahit anong trace ng ngiti sa mukha niya. Napansin ko ang pagtulo ng dugo mula sa braso niya pababa sa mga daliri niya.

“You can’t control your emotions. Therefore, you can’t control your charm.”

Muli siyang lumapit sa akin. Napaatras ako. Nagbabanta ang bawat apak niya sa hangin. Fear runs through every limb of my body.

“Minsan lamang ako makiusap pero binalewala mo.” he smiled a devil’s smile. “Kung ganun, gawin natin ito sa paraang gusto mo, babaeng may special charm.”

 

 

 

 

 

 

Snow’s POV

Pinahid ko ang mga luha ko habang tumatakbo palabas ng gubat. I felt so helpless more than ever. Halos hindi ako makatakbo ng maayos. Iniwan ko si Ariela kasama si Hades.

Nang makita ko ang familiar na clearing kung nasaan ang bahay halos bumagsak ako sa lupa sa tindi ng panghihina. Konti nalang. Kailangan kong pakiusapan si Freya na—

“SNOW!” lumingon ako sa pinangalingan ng boses. The moment I saw Collin’s familiar face gusto kong umiyak at magsumbong sa kanya.

Niyakap niya ako once na nakalapit siya sa akin. “Are you okay? Why are you crying? Where’s Ariela?”

“I’m sorry.” paulit ulit kong sabi. “I’m so sorry.” I could feel him stroking my back.

“Sshh. Hindi mo kailangang mag sorry.”

I shake my head wildly. “Iniwan ko si Ariela kasama si Hades. Sorry wala akong nagawa.”

Noong oras na yun napansin ko ang dalawa pang taong nakatayo malapit sa amin. Sinamaan ako ng tingin ni Freya bago siya tumalikod palayo sa amin. Alam kong sinisisi niya ako.

“Nasaan siya?”

Nabigla ako sa boses ni Jett. Nakakatakot siya. Lalapitan ko sana siya para ipaliwanag ang nangyari pero hinila ako ni Collin. I glance at him and he shakes his head gently. “Hindi maganda ang inisip mo.”

Doon ko napansin kung gaano nangigigil si Jett. His fists are covered in scorching flame. “Sa gubat. Sa ginta ng gubat.” sagot ko.

Maging ako nagsimula ng matakot sa ipinapakita niya. Nawala si Jett sa paningin namin. Hangang sa narinig ko nalang ang ingay ng gubat na para bang nagambala ang mga puno dahil sa mabilis na pag daan ng isang bagay.

“Kaya mo pa bang maglakad?” tanong ni Collin. Tumango ako.

“Kailangan natin siyang sundan. Hindi maganda ang mangyayari kapag nawawalan ng control si Jett.”