بين الحب و الانتقام

٩

وجدت ليليان من يضع يده على فمها وهو يقول

- يابنتى بطلى صريخ ده انا الله يخرب بيتك هتلمى علينا الناس

سكتت ليليان كانها بحاله صدمه ثم استدارت و نظرت  للشاب الذى يقف امامها ونزلت دموعها وهو تهمس

- جمال

ارتمت ليليان بحضنه وهى تبكى وتضربه على ظهره

- يا حقير يا واطى اذاى ماتسألش عليا كل الوقت ده ، ازاى تسافر وتنسانا كده وتسبنى معرفش حاجه عنك ولا عن مكانك كل ده

ضمها جمال بحب وهمس لها

- اسف يا لولو والله غصب عنى ، كان لازم ابعد وابدء اعمل لنفسى حياه جديده بعيد عن كل الماضى وآلامه اسف يا قلبى اهدى بقى انا هنا اهو

وضعت ليليان يدها على خده

- انت كويس طيب ، انت كنت فين وعملت ايه وكنت عايش ازاى ومع مين

ضحك جمال وقال

- طيب ادينى فرصه اتكلم وارد عليكى

- خلاص اهو سكت يلا احكى

امسك جمال يدها واجلسها بجانبه على السرير

- بصى يا ستى بعد ما اكتشفت حقيقه ان بابا كان كذاب وان عمى محمود ما اخدش حقه ولا حاجه وان كل الوقت اللى كنت بكره فيه عمى وكنت باخد منه فلوس مش حقى حسيت بألم وانى مش هقدر اواجه حد فيكم