والله لا جيب راسك

البارت 10

#قصص_عراقية_حقيقية
#والله_لاجيب_راسك

بقلمي ؛؛؛ يومآ ما سنلتقي ؛؛؛

البارت 10

وصلت للبيت اشرت لكرار دخل السيارة جوة

دخلت للصاله لگيت ابوي يصيح

.. لك كلببب فششلتني

جراني من قميصي شمرني ع القنفه

ضليت ساكت ماگدر احچي ويه الوالد مجبور اسكت

اجت امي جرته مني .. عوووفه لازم ندفع الفلوس مو وكتك هسه ابو علي

.. لج ابنج فشلنييييي (صياح)

من باچر تدوريله مررررره لا والله اذبحه وأخلص منه

.. انشالله انته بس اهدا يمعود لايصير بيك شي

.. عوفينيييي لا بارك الله بيك من ولد

عافني وصعد لجناحه

.. يمه لا تعبين روحچ زواج ماريد الا بمزاجي زين

.. لا بله مو شفتني ادافعلك گدام ابوك ترى ماراضيه عليك سوايتك اكو احد يسويها

.. اني مو جاهل وأسوي الاريده افتهمتو 😡

عفتها ورحت لجناحي ماريد اتجاوز بالكلام

ذبيت روحي ع السرير هففففف

هاي شلون ورطه ياربي

حنان.. شفت علي اجه رحتله طبيت شفته نايم

.. هااا نمت
.. لا
.. وين فونك
.. شخبصتيني هذا ع الميز اخذي 😒

اخذته ومعرفت افتح الباسوورد رجعتله فتحلياه وطلعت

رحت لغرفتي گعدت نبشت الاستوديو نبش ماكو اي صوره لسارة 😳 معقولة ماسحها

طبيت ع التسجيلات ماكو طبيت ع الفيديوات ماكو

آخر شي رجعته اله گلتله نقلت منه كم اغنيه گال اوكي

ابو علي .. سحبت من حسابي 12 مليون ودفعتهن وبالمقابل اخذت الفيديو وخلصت منه

لازم ازوجه حتى مايعيدها ومو بكيفه غصب ازوجه

ماهر.. صارت سجى كل تفكيري خصوصآ من رحنا للمستشفى انطبعت بدماغي

خابرتها 📱📲📲📱

.. الو السلام عليكم
.. عليكم السلام

.. سجى اريد اشوفچ
.. شنووو

.. ماعرف شلون اوصلچ احساسي بس صدگيني احبچ والله
.. بس انته متزوج اكيد تريد تگضي وقت ويايه

.. لج لا والله رايدچ بالحلال
.. عزاااا ومرتك

.. شبيها هيه ابيتها وانتي ابيتچ
.. مستحييييل

.. هههه شنو تغارين لازم
.. اوووو مافارغتلك اريد اروح لسارة
.. يله براحتچ

سارة.. فتحت عيوني احس بألم بجسمي