بناتي حياتي

البداية

رواية 💖بناتي حياتي💖
#بقلم_ولاءيحيي
البارت الاولي

في صباح يوم في دوله الكويت و في فيلا صغيره يسكنها رجل الاعمال المصري فؤاد مع اسرته المكونة من زوجته الدكتورة منى وابنته الكبيرة سيلا 23سنه وابنته الصغيرة لين 18سنه وابن اخيه امير
اخو سيلا بالرضاعة يعيش معاهم منذ وفاة أمه وزواج ابيه

منى : يلا يا لين اصحي هتتأخري علي امتحانك

لين: صباح الخير يا مامي هي الساعة كام

منى :صباح النور يا حبيبتي الساعة 6 يلا قومي اتوضي وصلي وتعالي الفطري معانا قبل ما تنزلي

لين :حاضر يا منمن حالا هحصلك

وتقوم لين وتروح للحمام وتأخذ دش وتتوضأ وتلبس هدمها وتصلي وتخرج
اعرفكم ب لين هي بنوته رقيقه جدا وجميله بيضه شعرها اسمر طويل يصل لنص ضهرها عينها واسعه لونها عسلي مش طويله ولا قصيره وجسمها جميل جدا متناسق بس اجمل حاجه في لين روحها الحلوة وحضورها المتميز وضحكتها وحب الكل ليها واي مكان بتروحوا بتلفت النظر ليها وتكون محط الاعجاب من الكل هي في ثانوي عامه ومستنيه تخلص امتحانات بسرعه علشان تنزل اجازه لمصر

خرجت لين لقيت بابها ومامتها بيفطروا

لين :صباح الخير علي اجمل اب في الدنيا وحشتني يا بابتي
( وباسته في خده وهي حضناه من ظهره وهو قعد علي الكرسي )
فؤاد :صباح النور يا ليتني اهو انا رجعت من السفر مخصوص علشان عارف اني وحشتك

لين تقعد جمبه على وتبص ليه بابتسامه

لين بابتسامه :اممممم يعني حضرتك مش راجع علشان عندك اجتماع ضروري في الشركة الساعة 10 مع انكل حامد

فؤاد يرسم علي وشه علامه الاستغراب وعدم الفهم

فؤاد :ايه.... اجتماع ايه دا انا معرفش أن فيه اجتماع

منى :ايه دا يا فؤاد هو انت نازل الشغل انت مش قولتلي ان احنا هنخرج سوا نجيب الهدايا اللي هننزل بيها مصر

وقبل ما فؤاد يرد يدخل امير ابن اخوه. و دراعه اليمن في الشركة

امير :صباح الخير عليكم جميعا... (يقرب من لين ويبوسها من خدها) وعلي القمر الصغنن بتاعي خصوصا

لين بابتسامه : صباح النور يا ميرو قلبي انا

امير يقعد ويبص لفؤاد :انا جهزت كل الاورق المطلوبة للصفقة ياعمي.... بس كنت عاوز حضرتك تشوفها قبل الاجتماع علشان لو حابب تزود أو تغير حاجه قبل ما نعرضها

فؤاد يغمز لأمير :اجتماع !اجتماع ايه دا يا امير هو فيه اجتماع النهارده

لين تكتم ضحكتها وتبص لفؤاد اللي بيهرب من الخروج