💞غرور كسره العشق 💞 (بالهجة دزيرية)

😋19 😋

    "ماذا ستفعلين؟  من سا تختارين؟!  انا ام حياتك؟!  "

عمي:  شكون نتا ؟
اياد: انا اياد ****
هو: مانيش نحوس على اسمك راني حاب نفهم واش راك دير مع مرت وليدي ف هاد لوقت
لتما اياد قعد يمشي باتجاه عمي حتى وصل لعندو قعد يغزر فيه هديك لغزرة تاع تحدي و هديك الابتسامة لتخلي دنيا تفشل و هدر بكل ثقة
اياد: هه قالو مرت وليدك... شوف انسى سحر  عمرك ماتحلم انه هي راح تكون مرت لبوحنطز و توتو تاع وليدك ملخر انا و سحر راح نتزوجو و راك معروض للعرس كي نتا كي لبوهالي تاع وليدك  Rüyalar#
انا راني مشوكية  عمي حل فمو و لاهم من هدا انا كنت مبريزية حسيت احلامي لي كنت نحلم بيهم كامل راحو في مهب ريح كنت حابةنعيش حياتي نقرا نخدم و نعيش قصة حب تاع صح اومبعد لي نحبو يعرض عليا زواج فلبحر و يكتبلي ف رميلة wıll you married me ( هل تتزوجيني)  مع لاخر لا ًwill u married me لا جد ماليكم هاه راح كلشي.... كنت قاعدة نخمم حتى نشوف يد قدور رايحة لوجه اياد شعرة وتقيسو كان ماشي اياد حكمها و عطاه ببونية صحيحة  طيحو فل ارض و هداك زمرون كان خاصو غير يبكي Rüyalar#
حتى يخرج بابا و خاوتي هايليك كتملت لمجموعة زاڨات عليا واش يسلكها دوركا 😭😭😭😭😭😭😭😭😭
بابا: واش كاين
عمي: شوف بنتك قليلة تربية ماتح
اياد: حترم روحك اعرف واش تخرج من فمك سينو تخلصها و مايهمنيش ادا كنت كبير و لا لا ....
ياسر : واش راك دير هنا نتا
مالڨري غاضتني عمري كنت حابة نعيط بصح كان لازم عليا نسلك دعوى سينو زاڨات عليا و عليه و خاصة ادا كاش مانطق اياد و خاوتي كاش ما يفهمو عفسة وحدوخرا خلات و يولو كي كلاب لبوشي و انا نروح غلاط ف نص
انا: بابا اصبر.... ماكملتش هدرتي حتى بابا بدا يعيط
بابا: خلاص ادخلي لدار هادي هدرة رجال
انا: بصح...
لتما عطاني كف حسيت دنيا دارت بيا
اياد: عمي راك...
هو: مادخلش روحك.. وحنا ماعندناش نسا يرجعو لهدرة
انا: (بصوت مكسور و قريب من لبكاء)  مايكون لا خاطركpa ☺☺☺☺☺☺
و انا غير دخلت و غلقت لباب تاع دار طرطقت بل بكا قد ما حاولت نعرف سبب هداك لكف ما فهمتش ادا على جال كي حاولت نوضح الامور ولا كي جيت مع اياد و نهاري هدا جاز كي زمر و انا تالمون لهم كامل ماعنديش جي مرت سي ياسر من كثرت عاقلة سم يقطر من كل جواياه فيها
هي: (بصوت تاع تمسخير)  هه يادري واش خربتيها هاد لخطرة باش راكي تخرجي فدموع تماسيح ملي نعرفك و هدوك دموع يسيحو كي ستيرنة والله صبتي خاوة بهالل على دمعة يجو يجرو ليك
انا ما حبيتش نريبوندي سينو ماتفراش ليوم
ماما: اسكتي يا لعڨرب روحي لببتك و مانزيدش نشوف خليقتك الله يعطيك حبة فداك لفم
ماما: واش كاين نتي لاه هاد لخناين
انا: راجلك دربني كف
هي: تستاهلي بصح علاه
انا. كي نفهم نقولك

  و نضت دخلت لبيتي و غلقت لباب على روحي و قاعدة نندب على زهري لمسود حتى نسمع عياط و خرجت نجري نلقى.............
😭😭😭😭😭😭😭😭😭😭😭😭😭😭😭😭
عند اياد:
ماكنتش حابها دعوة تتخلط و توصل لهاد لمواصيل ماكنتش  متوقع راح يضربها كنت حاب نسلكها فهديك دقيقة كنت حاب هداك لكف يجي  فيا علاخطش كان ما يبستش راسي ورحت كان راهي سلمات دوركا
عمها: عملت مليح ما يليقلها غير لعصى و نتا يلي منفخ روحك غير روح الله يسهل حنا ما عندناش بنات لزواج
اوسامة: كيفاه واش دخل زواج Rüyalar#
قدور: قالك راه حاب يتزوج بسحر ما علبالوش بلي انا و سحر مكتوبين لبعضانة و رايحين نتزوجو عن قريب
لتما كنت حاب نخنڨ جدو كانت دبزة موجدة كنت نستنى غير يزيد ينطق بصح لي كمل عليا خوها كي نطق
ياسر: كيما سمعت الله يسهل عليك صح عونتنا و الله يكثر خيرك بصح  تعمل مليح كان تروح بلا مشاكل
لتما ينطق هداك بو شلاغم و انا وليت ما نظويش
هو: نتا على حساب شوفة ما حبيتش تفهم ايا الله يسهل عليك طريق...... ماخليتوش يكملها و نطقت
انا: اوكي بصح قبل مانروح لازم تخلص
ورحت قاعد نضرب فيه ماكنتش نشوفو بنادم كنت نشوفو شكارة تاع لبوكس ماكنتش نشوف قدامي كان يبانلي ظلمة حتى نحسهم يبعدوني عليه Rüyalar#
انا: اطلقوني خلوني نمحيه و نهاني ناس منو
اسامة: خلاص واش بيك راك حاب تباصي روحك
انا: خلوني نكصرلو فمو و الله غير نوريلو واش يسوى
عمي موح: خلاص واش راك حاب تقتلو دخلوه لدار عندي هدرة مع خويا
قد ما قاومت دخلوني لداخل دار كنت حاب نقتلو و نشربو من دمو كنت مكلوب منرفي كثر من لازم حتى نشوف سحر مخلوعة و وجهة يخلع كثر منها.... لكحل طايحلها لمكياج سايح كانت كي لغولة خسارة كامل راهم هنا كان عندي ما ستشفيت فيها و موراها**** 😏😏😏😏😍😍😍😍
سحر: واش كاين علاش دخلتوه  يخاه علاه راهو كي زوفري  اياه يديك راهم كي تاع لميكانسيان
انا: انا زوفري ماشفتيش روحك فل مرايا راكي كي لغولة
هي: انا غولة حشاك و حاشة قدرك لعمى لعينيك
ياسر: نتوما من دورك راكم تدواسو راك متأكد حاب تتزوج بيها
هي: شكون قالكم انا نتزوج بيه و يقعد غير هو ما نديهش نقعد بايرة خيرلي
انا: تاع وجهك تدي واحد كيما انا 😡😡😡😡😡😡😡
حتى يجي بابات سحر و ينطق هديك لهدرة 😎😎😎😎
عند سحر :
ماكنتش متو قعة شيبوخ  موح يخرجلي بهاد لخرجة كامل كامل بريزاني يا ناس ما رانيش واجدة Rüyalar #
موح: لي يجي يخطب مايديرش سنيما  نبلا دراهم و ناس كامل تشوف لمهم ندخل فل موضوع شوف يا وليدي خيرك ماننساهش كان ماشي نتا كان بلاك راني ميت دوركا و علبالي لحمير تاع ولادي ما يديرولي والو كان ماشي نتا خرجت خير من و لادي لمهم  ندخلو ف موضوع لي جيتني عليه....
اوسامة: حاجي ماتشقيش روحك راهم بطلو ناضت لقيامة بيناتهم قبل ما تدخل
اياد: لالا مابطلناش
انا: هداك نتا بصح انا من لاول مانيش قابلة
ماما: بلعي نتي هدا ولا شلاغم قدور تاع وليد عمك
ياسر: بابابا راح تشكلو ثنائي هايل و من دورك نقولكم مكاش طلاق رانا كومبلي فدار
انا قاعدة مشوكية ما سقساونيش ادا راكي قابلة و لالا
انا: ايو راني هنا واش ما رانيش نبان واقيل
بابا: علبالك علاه جاو عمك و وليدو !!  جاو باش يحطو عليك ليد و بلا ما ننساو تهديدات لغير لمباشرة لي كان يهدد
انا: صحة  نقولو هاني قبلت بصح ما قبلتش وحياة كيفاه ماتنساش بلي قادر يحرش وليدو وقادر يطلقها Rüyalar#
بابا: مايدرهاش هدا وين حطيتو عند حدو هه و خلاص كل شئ
انا: كي حطيتو عندو حدو يمال انا ماشي لازم نتزوج
بابا:  اخرجي و كامل اخرجو عليا نسحق نسيبي لمستقبلي نهدر معاه Rüyalar #
اوسامة: ايهوه ديجا ولا نسيبك
با: اوخرجووووو
بعد ما خرجنا كامل درنا ودنينا عند لباب قعدين نداربو باش نديو بلاصة بصح ما قدرنا نسمعو والو كي تقوشي راه يهدر مع روحو  😑😑😑😑😑😑😑😑😑😑😑😑😑 كنت حاطة ودني بلاك كاش ما نفهم و فجأة تحل لباب بدون سابق انذار و جيت طايحة حتى نحس 2 يدين شاديني و جيت بين يديه 😳😳😳😳😳Rüyalar#
عند اياد :
بعد ما تحاوزو كامل قعدت انا و باباها وحدنا راس a راس
وكان صمت سيد لموقف علاه علاه لواحد مقلق و يزيد يكمل عليه
انا: عمي لقرار نهائي
هو: ماراحش نلقى واحد خير منك يا وليدي  راني قابل برك حبيت نوصيك و نأكدلك بلي رغم كل شئ سحر تبقى بنتي و انا راح نمدهلك على خاطش مانيش حاب يصرالها كيما ختها و مستقبلها يضيع ان شاء الله تعرف قيمتها  و ادا كاش نهار جات و شكاتلي منك و لا دمعة طاحتلها على جالك ماراحش يهمني واش تكون و راح تخلصها غالية Rüyalar#
انا: كونك مهني عمي
هو: ان شاء الله تكون راجل و عند كلمتك
بعد ماشكرتو و تفاهمنا و كامل جيت خارج و انا غير فتحت لباب هديك لمصيبة جي طايحة حتى شديتها و كانت قريبة مني رغم انه كانت تخلع بصح عينيها غرقت فيهم كيما تغرق فل بحر..... اياد اصبر ما بقاش قد لي فات  كنت غايس فيها حتى دور وجها و بعدت عليا
اوسامة: احم احم  قريب لعرس ان شاء الله
انا: انا ان شاء الله و تصبحي بخير سحر
هي: اممممممم
                        "  بعد 15 يوم "
ماما: نوضي يا لبڨرة نوضي 
انا: اممممممم 5 دقايق برك و نوض
هي: 5 دقايق اه دورك نوريلك ل 5 دق كيفاه دايرين 💪💪💪💪💪💪💪💪💪💪💪💪💪💪💪💪💪💪🔫🔫🔫🔫🔫🔫🔫🔫🔫🔫🔫🔫🔫🔫🔫🔫👠👠👠👠👠👠👠( ماصبتش بليغة تاع نيلو ديپانو بهادا)  لمهم خديت طريحة تاع لكلاب مع صباح ربي و نضت نجريRüyalar#
ماصرات حتى عفسة فهاد لمدة لقرايا ما كنتش نروح تليفون نحاوهولي كنت مغبونة بين 4 حيوط و ليوم هاو جاي هداك لبغالون زعمة يخطبني غير يشوف واش راني موجدتلو
لمهم مور ما عنيت و شمن حفافة و شمن پودرة و غباير و زيد لبست هكا خرجت مسڨمة