نور وامير❤😘

البارت 21

وصلت نور لبيته ورحنه احنه لبيتنه تغدينه وطلعت انام شويه واطلع وي ياسر رحت حتى انام بس ماكدرت ضليت اكلب بلمبايل وردت ادك على نور بس كلت اكيد هسه تعبانه ونايمه ونمت وكعدت ب4

نور. وصلنه امير للبيت ورحت سويت الغده وتغدينه وكلمن راح لغرفته اني رحت انام لان تعبت ونمت رأسا من التعب وكعدت الساعه ب30. 3 كعدت اقره وصارت الساعه ب30. 4 ودك عليه امير فتحت الخط ..

امير. كعدت من النوم ورحت سبحت وبدلت ونزلت سلمت على امي ورحت لياسر حتى نطلع اخذته من بيته ورحنه نفتر بلمول وردنه نروح للكوفي نكعد واجاني واحد
.... السلام عليكم
امير وياسر. وعليكم السلام
.... خليني اعرفك على نفسي وياك حسين الفضل من قناه miq TV  قناه على اليوتيوب طبعا( اذا رحتو على اليوتيوب وكتبتو يطلعلكم)
امير. اهلا وسهلا بيك
حسن الفضل. انت خاطب او مزوج لو شنو
امير. لا خاطب
حسن الفضل. ها لعد نريدك تخابر على خطيبتك وتكله اني حبيت وحده وياي بلجامعه وتزوجنه بلسر وهسه هيه حامل ونريد نشوف ردت فعله
امير. تريدني اكول هيج لخطيبتي
حسن الفضل. هه اي
امير. هههه لعد بعد مااخلص المكالمه راح تسمعون اسمي بلجامع
حسن الفضل. ههههه لا ان شاء الله مايصير بيك شي 😂
امير. دكيت على نور
هلو نور
نور. هله امير
امير. نور اريد احجي وياج بموضوع ماكدر احجي بي وياج من قبل و ماكدر احجي بي وجها لوجه لان ماعرف ردت فعلج شنو
نور. احجي امير شكو
امير. نور اني لمن جنت مرحله ثالثه تعرفت على بنيه وياي بنفس القسم وحبيته وعقدنه شيج وهسه هي حامل ومحد يدري بهذا الشي ولازم نزوج اني وياه هسه لان راح تكبر بطنه وتصير شي واهله يدري وخابرتج هسه واريد تساعديني حتى نحل هاي المشكلة
نور. امير انته شتحجي هذا الحجي صدك
امير. اي صدك هذا الحجي ولازم نزوج اليوم
نور. 😱😭😭😭😭 امير ليش هيج سويت وياي ليش خليتني احبك وهسه تريد تروح ليش ماكلت قبل مانخطب 😭😭
روح امير روح ازوج انته وياه واني انساني وبعد مااريد اشوف خلقتك (وسديت التليفون)
امير. الو نور.. نور 
حسن الفضل. ههه الله يساعدك ماتتحمل
امير. ههه خلي احاول ادك عليه
ودكيت اكثر من مره بس ماترد
حسن الفضل. ههه اسفين خاف راح تصير مشاكل بينكم
امير. هههه لاتخاف هسه ترجع بس اروح واكله
وراح المقدم ورحت اني لياسر لان راح كعد بل كوفي 
ياسر. ها ولك وين صرت
امير. ههه ولك لو تشوف شصار وحجيت لياسر على الي صار
ياسر. هههههههه ولك شورطك اليوم راح يصيح ابو الجامع
انتقل الى رحمت الله المغدور امير
امير. هههه ولك الله يستر
هسه لازم اروح اشوفه لان مبينه راح تسوي سالفه خاف تكول لعمه وتلغي الزواج هاي خبله وتسوي

نور. لمن خابرني امير وكالي هذا الحجي 👆 بعد ما اشوف شي كدامي ابد وفقدت وضليت اسربت وسديت التليفون وحطيت المخده على حلكي وضليت اصيح وكمت خربت الملابس الي بلكنتور وكلبت الغرفه كلاب وبعده اجه محمد وشافني ابجي
محمد. نور شبيج تبجين شكو
نور. 😭😭😭
محمد. احجي ولج 😠 شبيج
نور. محمد امير 😢😭
محمد. شبي امير ولج صاير شي
نور. وحجيت لمحمد كلشي صار
محمد. هذا يحجي صدك 😠😠 اني اعلمه الى اطيح حضه هذا
وطلعت من غرفه نور ورحت خابرت امير
محمد. ولك ياسافل شنو هذا الحجي شحاجي وي نور وتريد تزوج
امير. اوكف خليني افهمك شصار
محمد. شتفهمني ولك انته ماتدري بنور شصاير بيه هسه كالبه الغرفه كلاب
امير. بس اسمعني وحجيت لمحمد على الصار اليوم
محمد. خرب ولك شسويت ولك البت تخبلت بس تبجي
امير. اسف وعلي بس هو ورطني 😁
محمد. 😁😁 يله همزين طلعت هيج موصدك وعلي تحلفت بيك اذا صدك كلت اليوم اذبحك
امير. هههه محمد اريد احجي وياه بس ادك عليه ماترد حباب انطينياه خلي احجي وياه
محمد. هسه اوكفلي بس شويه
دك دك
نور. 😢😢 منو
محمد. اني
نور. تفضل محمد
محمد. نور اريد احجي وياج بس اذا اني اخوج خليني احجي لااخير ولاتقاطعيني
نور هذا امير يريد يحجي وياج ويريد يفهمج السالفه
نور. محمد شبيك يريد يزوج انته ماتفهم 😭😭
محمد. انتي بس احجي وياه وبعد بكيفج شتردين تسوين سوي  لخاطري
نور. 😢😢 ماشي انطيني
امير. هلو نور شلونج
نور. احجي شتريد
امير. نور تره كل الي سمعتي قبل شويه كله جذب ومااريد ازوج والله بس هذا برنامج باليوتيوب تجربه اجتماعيه ورطني وخلاني احجي هيج وياج وراد يشوف ردت فعلج واني مستحيل ازوج عليج وماعدي اي علاقه قبلج ابد والله
نور. امير انته تحجي صدك
امير. والله صدك وماكو شي صحيح من الحجي الكلته واذا تردين تتاكدين روحي تلكينه باليوتيوب
نور. امير انته واحد حقير وسافل ومابيك حض واني وحده خبله الي خلاني ارتبط بيك وبعد اذا خابرت راح اخرب وياك صدك والله واليوم اله اخليك تنام بالشارع اله اخابر خالتي واله اكله ماتدخلك للبيت وضل اليوم بلشارع حتى تتادب وتبطل
امير. نور ولج نور اوكفي والله بعد ماعيده والله
😁 يالله خبله شسوي وياه بس لاصدك تسويه وتكول لاامي وعلي هاي خبله وتسويه ورحت ركض للبيت

نور. بعد ماحجيت وي امير وكالي مقلب فرحت اودي اكوم اركص 😁💃 بس ردت اتوبه واخلي يبطل كتله بعد ماريد احجي وياك واخابر خالتي وصدك من سديته من امير خابرت خالتي وكتله ماتخلي يدخل للبيت وشرحت الي سواه وياي وهي هم كالت اني اله واله اتوبه

امير. رحت ركض للبيت ومن سوء حضي دكيت الباب وطلعتلي امي
امير. شلونج يمه (احجي واني امشي اريد ادخل)
ام امير. هله والله وين وين تريد اطلع بره يله
امير. ليش يمه شصار
ام امير. شصاير ماتدري مو روح اليوم ماتنام هنا اليوم روح نام عد هذاك الي كالك سوي هيج بنور
امير. يمه اني ابنج لاتسوين هيج بيه
ام امير. ابني مو يله روح منا روح الله وياك
امير. طردتني امي من البيت وسدت الباب
اوف ياربي شورطني وين اروح هسه .......

هاي شلونكم
  شلونه البارت 😁😁 اتمنى يعجبكم
  ولاتنسون الفوت والكومنت  ❤
احبكم بكد رحمت الله 😇🙏👼 😍😘😘

  بأي 👋👋😻