نور،،،خلصت العزيمة والعصر راحوا اقاربنا وجان بيتنا مخبوص طلعنا المفارش وبلشنا نغسل بيها المغرب من نشف ميها صعدتها على السطح انشرها حتى تبس واني مندمجة وجنت فرحانة وادمدم اغني واذا بصوت فززني ابن جيرانة يتغزل بعالي صوتة ويناديني بأسمي شمرلي رقمة اني خفت ونزلت مرعوبة تلكتني امي على الدرج اسم الله شبيج يمة مخطوف لونج ومكطوع نفسج🤔 نور،،،لا يمة ماكو شي بس تعبت من الصعدة والنزلة امي،،،كافي يمة تعبتوا اليوم كلش تعالي اشوفج شنو جبتلج من مكة المكرمة امي ممخلية شي مجايبتلي جنطة جبيرة كلها بس الي وفتحت علبة وطلعت سلسلة ذهب بيها اسمي ولبستني اياها بست ايدها يمة ريتج طيبة والله مااريد الا سلامتج داومت بالمعهد وجنت فرحانة بي كلش واحبة واحب صديقاتي بي خلصت المرحلة الأولى وتخرج انور اخوية وبرمضان فاتح اهلي بموضوع البنية الي يحبها وجان يتمنى يخطبها على العيد وطبعا عارضوا الاهل وانور تغير بعد ميتواجد بالبيت واذا تواجد يبقى كاعد بغرفتة ميطلع وصار وضع بيتنا متكهرب وبالعيد كالعادة اجتمعوا الاهل والاقارب يعايدون بابا لأنه الجبير وعمي ابو صلاح وباقي عمامي اتكلموا مع ابوية بموضوع انور لأنه هاي حياتة وهو المفروض يختار منو الي تشاركة بيها صلاح،،،جان اقرب شخص من اقاربنة الي هو انور وبالفترة الاخيرة جان ضايج ومنعزل حتى علية ميرد عمي من حجينة وياه شوي اقتنع وقال ان شاء الله نسأل عن البنت وعائلتهم ويصير خير سألوا عمامنة عن انور وليش منزل يعايدهم كتلهم هسةاروح اشوفة طلعت من الدوانية وشفت فطومة ام لسان بنت علي كتلها فطومة اخذيلي طريق كالت ماكو احد روح عمو صلاح اصعد لعمو انور صلاح،،،دخلت لصالة وشفت بنت مفرعة كدامي تخبل جانت ممنتبهة علية رجعت ليورة فضحتني فطومة بصوت عالي عمو هاي نورة باوعتلها ماشاء الله عليج شنو من حسن تبارك الخلاق جانت لابسة ساري هندي اسود بجويتي ومسوية ضفيرة على جهة ومخلية نونة صغيرونة على جبينها وبين حواجبها عبالك هندية صدك تلبكت وهية خجلت سلمت عليها وعايدتها وجان كوة يطلع صوتها ماسمعت حتى شنو ردتلي نور،،،صار بوجهي صلاح بعد لا اكدر ارجع واستحيت اسلم جان يباوعلي مستغرب مصدوم مااعرف يمكن حتى ماعرفني عايدني وكوة كدرت اردلة سألني عن انور همست اي بغرفتة كاعد راح حتى يصعد وتلكوه عماتي وبناتهم واكلوه بالسلام وتهاني العيد صلاح،،،صعدت على الدرج واني مصدوم صدك جذب هاي شنو من نور صايرة فد شي شنو من جمال وحسن صدقة لربها رحت لأنور وبشرتة بالي صار وعايدتة صلاح،،،دكوم يمعود غسل وغير ملابسك وانزل عايد اهلك وعمامك اطلع من جو هالغرفة الي يكول غرفة نفاس وانتة عبالك نفسة ههههه انور،،،،،ههههه على اخبارك هاي اكوم اجلف نفسي واغسل غسلة العيد انتظرني ننزل سوة هههههه صلاح،،،يالله اوك انتظرك وننزل سوة غسل انور وصاح من الدرج على نور تطلعلة ملابسة نور،،،موجودة يمك بالكنتور شنو تريد البس انور،،،مااريد سبور ولا اريد بناطير وقمصان اريد البس دشداشة وينها دشداشتي مكوية لا ؟؟ نور ،،،خليت شال الساري على راسي وصعدت حتى اطلعلة ملابس بس جان صلاح يباوعلي ايضا بأستغراب وممصدك ارتبكت جنت بس اريد اطلع نزلت وافكر بي اكول شبي هيج يباوعلي شنو قصتة مرت الايام واهلي بلشو يسألون عن البنت وطلعت خوش بنية واهلها خوش ناس واقتنعوا اهلي وخطبوها لأنور اصرت هية تكون الحفلة بقاعة وفعلا حجزلها قاعة ولبست اني فستان اسود طويل بس بي فتحة طويلة الى فوك الركبة وقلع من جهة من الكتف والجهة الثانية ردن خليت مكياج خفيف وسرحت شعري وهديتة وكل شوي تجي وحدة من خالاتي دكول لأمي خلي نور تغطي زنودها وزرورها شلون هيج ملبستها عيون ناس متوكع بالكاع وهسة يصيبوها لبنتج ام نور،،،،الله الحافظ يمعودات دخلوها فديت عمرها فرحانة بخطوبة اخوها واباوعلها صدقة مثل الغزالة تخبل
نور،،،مادخلوا شباب للصالة بس العريس فأخذنا راحتنا منعنا التصوير بس استغربت انور مكلف صلاح يصور يا شو ماكالنة شلون هيج اطلع استحي طبعا بنات عماتي جانن ماخذات راحتهن على الاخر اللبس والقلع والركص فد شي مو بس مااهتموا لوجود انور وصلاح حسيتهم منتظرين هالفرصة من زمان هههههه صلاح،،،،يبو شنو هالموقف هذا شأدعيلك انور شجابني اني على هالشغلة كمت ادنك مااباوع بس مثبت الكاميرا حتى احس نفسي عركت حاولت انزع السترة واني مثبت الكاميرا اجتي وحدة من بنات عماتي الي حتى مااعرف شنو اسمها ونزعتني السترة اخذت جهازي منها وخليتها عند امي اجة وقت التلبيسة وكص الكيك وانور جان يسولف مع بنت يمة من اركز يبو نور هاي شلابسة!! كتفها صدرها وايدها طالعة شكد ضجت مااعرف ليش من كد مجنت مركز وياها مجنت اعرف شصورت دزيت فطومة وكتلها خلي نور تحط شي على كتفها اخاف يصير تصوير نور،،،اجتي فطومة شاورتني جبت شعري وخليتة على كتفي النوبة ظل يباوعلي ويخزرني صلاح كل شوي هاي شنو هالشغلة هاي رحت ادور على شال وخليتة على كتفي حتى مو متناسق مع لبسي بس شأسوي صلاح ،،،انتبهت على نور طلعت من الصالة ورجعت مخلية كتفها شال ابتسمت جان انتبه على فتحتها الى فوك الركبة وحتى زرورها طالعات سحلت روحي شنو هالمصيبة ربي جنت بالكتوف النوب الزرور شجاها على هاللبس😒 نور،،،وكفت على جهة كمت كل ماارفع عيني الكاه يباوعلي امي حستني ضايجة وكالت شبيج يوم نور ،،،يعني من كل المصاليخ الي بالحفل بس اني يدز علية صلاح خلي تلبس شال ليصير تصوير هو شخصة يعني ؟؟ ام نور،،،ابتسمت ميخالف ماما ابن عمج ويخاف عليج من التصوير مابيها شي نور،،،كاموا كل شوية يجروني حتى اركص والكل حس بية ضجت صلاح ،،،جروها حتى تركص كامت المكان الي تكون بي نور اوجه الطامرة لغير مكان وعيوني تراقبها وتراقب كل تصرفاتها وحركاتها نور،،،من ورة صلاح متهنيت بالحفلة وعيونة تراقبني بكل مكان ولا كدرت اخذ راحتي خلصت الحفلة ومن رجعنا للبيت من التعب نمت بسرعة عركت بالليل وسخنت وثاني يوم مكدرت اكوم احس عظامي متكسرة امي بسرعة كالت بنيتي والله صابوها عيون الناس متوكع بالكاع واني اضحك عليها يمة على شنو يصيبوني اكو الي احلى وارتب مني
وللقصة بقية ،،،،،
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
