Virus of Love [Completed]

မ်က္ႏွာဖံုး Virus

သူဌေးကြီး ခေါင်းငုံ့သွားခဲ့သည် ။ သက်ပြင်း
သာသာချ ပြီးနောက် Hyung စိတ်ကို
နားလည်သလို မျက်လုံးများဖြင့်... ။

" နောက်မှ ထပ်ပြောရအောင်....သား။
ဖေဖေလည်း အချိန်လိုတယ် "

ကျွန်တော့် ရင်တစ်ခုလုံး ဟာလာဟင်းလင်း ။
Hyung အပေါ်ဆက်ဆံပုံနဲ့ ၊ ကျွန်တော့်အပေါ်
ဆက်ဆံပုံ နည်းနည်းလေးမှ မတူ ။ ငယ်ငယ်
တည်းက ဒီလိုဆိုပေမယ့် ရိုးသွားတဲ့ဒဏ်ရာ
ဆိုတာ ရှိပါ့မလား ။ ကျွန်တော်လည်း
နာတတ်တယ် ။

Hyung က မေမေနဲ့ မျက်နှာပေါက်ချင်း
ပိုဆင်ပြီး ၊ ကျွန်တော်ကိုတော့ သူဌေးကြီး
ငယ်ငယ်တုန်းကနဲ့ တစ်ပုံစံတည်းဟု
မေမေက ဆိုလေ့ရှိသည် ။ ဓာတ်ပုံများအရ
လည်း ထိုအဆိုမှာ မှန်ကန်သည် ။

ထိုသို့ဆိုစေကာမူ..... ....

တစ်သွေးသားတည်း ဖြစ်သော်လည်း
နှလုံးသားချင်း ကျွန်တော်တို့ ဝေးကြသည် ။
သွေးခြားပင်  ဖြစ်သော်လည်း
နှလုံးသားချင်း ကျွန်တော်တို့ နီးကြသည် ။
သို့ဖြစ်၍ ...အဝေးကြီးက ရေစက်ဆိုသည်ကို
ကျွန်တော် ယုံပါသည် ။

\\\\\\\ Virus of L♡ ve  /////////

#ပလုံ

Jeon Jung Kook ဆိုသည်မှာ ကျွန်တော့်အား
လက်မဆော့ရလျှင် သူ့ဘေးရှိသက်မဲ့ပစ္စည်း
မှန်သမျှ အငြိမ်မထား ။ ကျွန်တော့် ပေါင်ကို
ခေါင်းအုံးလုပ်ထားပေမယ့် ကျောက်စရစ်ခဲ
များကို အရှေ့ရှိ ရေကန်ထဲ ပစ်ချနေသေးသည်။

ဆည်းဆာရောင် ကောင်းကင်ကို ကျွန်တော်
မော့ကြည့်ပြီး အသက်ပြင်းပြင်းရှုသွင်းမိ၏။
အရာရာက လှပလွန်းနေသည် ။ တကယ်ဆို
ဘာမှ မထူးခြားသည့် သဘာဝ ။ ကျွန်တော်
မြင်ဖူးနေကျဖြစ်ပေမယ့် ၊

သူနှင့်မို့ ... အင်း ...သူကြောင့်မို့ ....။

#ပလုံ

ကြာတော့ ကျွန်တော် နားတကယ့်ကို
ညဉ်းလာပြီဖြစ်သည် ။

" ငြိမ်ငြိမ်နေစမ်းကွာ "

" မနေချင်ပါဘူး babe ရယ် ... ။
ကိုယ့်မှာ babe ကို ထိခွင့်မှမရှိဘဲ ...
ရှိတာလေး ထိရတာကို ။ ခွဲစိတ်ခံရမယ့်
လူကို ကြမ်းလို့ဘယ်ရမလဲ မဟုတ်ဘူးလား? "