منقوله
زينه الهاربه ...... .
مرت ايام كلها حب ورومانسيه وبعدهه باسبوع نزل لاهله ورجع الي جنت اشتاقله حييل ومااكدر بدونه اروح لحنان تكولي لازم تتحملين اهله بعاد عنه ولازم يروح يشوفهم مولازم ياخذني هو من شنو خايف اني شبيه حتى مياخذني ويا مجبرته يتزوجني هو بعد شاب واني متزوجه قبل ومخلفه اعرف هالشي حنان غصت كلتلي عذره ويا يعمري اعذري ولتستعجلين ع شي رجع وعد ومر بالتحديد شهر كامل بس جان يضوجني شي وعد التليفون ميقبل اتقرب منه وهواي يتصل يصعد ع السطح يتصل ويتاخر بجيته للبيت كلما اساله يكولي دااحاجي اهلي اهلك شوكت اتعرف عليهم اوووو هم رجعنه بعد بالوقت المناسب ومرت الايام بقيت احرك بروحي تعاركت ويا عركه مصايره وعد شوكت نعقد محكمه يله ترا مصارت اشو تصيحين شبيج تعاركنه ضربني متحملته بقيت ابجي واصيح علي اششش سوكتي تره اني الي فضل عليج ولج نسيتي رجلج المحروك شسوه بيج جابج وذبج بالشقه وراح ع عشيقته اني تخبلت شون يعيرني وعد هيج جاوبته يعني تعيرني وعد اششش شتريدين تعتبري اعتبري بقيت ابجي حييل نقهرت وكرهت حتى نفسي طلع وعد من المشتمل بقيت وحدي ابجي وفكرت اروح يمه وهو هم عنده حق اني محد الي بس هو الي وهو ممقصر وتقبلني رغم كولشي رحت واسمعه ديحجي وي حنان وهي تكوله شوكت حتكوللهه انت متزوج تره مصارت كوللهه وخليها كدام الامر الواقع هو جاوبها بالوقت المناسب مو هسه اني وراهم جنت كتلهم شنو والدموع تصب من عيني 😭التفتوا عليه حنان خلت ايدها ع حلكها باوعلي هو وعيونه جمر اي متزوج وزوجتي بالحله بنت خالتي هسه افتهمتي ارتاحيتي وعد ليش وعد ليش مكتلي جنت اريد اكولج بالوقت المناسب وع فكره اخوج هم يعرف اني متزوج واتفقت ويا وهو بس راد يخلص من مسؤليتج ووافق ع كل شي نهاريت مااعرف شاسوي دخل للمشتمل اخذ كم غرض وراح طلع واني منهاره بالبجي وحنان يمي تواسيني ليش حنان ليش مكتيلي واني بكلبي عبالي حنان مقهوره مني لان راح اتزوج اقاريها تشفق عليا لان راح اتزوج وعد وهو متزوج قبلي والله يعلم شضاملي حنان جاوبتني مكدرت زينه اسفه يعني هسه اني بگته من مرته لا حبي مرته تعرف هو متزوجج لعد شون تعرف مااعرف هو مال تدري واهله يعرفون شونه زوجته حلوه مشايفتها زينه عنده اطفال تلعثمت حنان مااعرف مسالته اووف يااربي اني شضامتلي الدنيه كل الخير حبي خلي ثقتج بربج والله كريم
منقوله
الهاربه زينه ...........
طلع وعد سعادتي وروحي ويا خوفي من الجاي شغلي تفكيري وساعه افكر بمرته شنو منو شونها عدها اطفال لا وعد بشنو يفكر حنان متنطي سره بقيت فتره ميته قهر وعد نساني ابد لايتصل ولا ويجي ولايسال ولاحتى يدزلي سلام ع الاقل بيد حنان اتمنى اعاتبه احاجي غالق الفون ولااكو خبر منه عاتبت اخويه ليش هيج سويت بيه وتعاركت ويا شنو تريد تخلص مني جاوبني لنتر لج شخلص منج شتتوقعين تتزوجين الامير هو انتي شوفي حالج متزوجه من قبل وزوجج طايح حظ مو زين من تزوجج وعد وستر عليج والله كلامك صح مشكور ماقصرت وي اختك الوحيده الله وياك موتني اخويه بكلامه بس يريد يخلص مني .... سالت حنان ع وعد كالت عادي ديداوم ويروح ويجي ومر ع غيابه 20يوم بيوم كعدت تعبانه ودوخه ولعبان نفس وشهيتي للاكل مسدوده عرفت بنفسي حامل رجعت حنان من الشغل كتلها شفتي وعد كالت اي كتلها كوليله اني مريضه ومحتاجه طبيب ليش شبيج مااعرف يمكن حامل اوكي لعد خلي ارتاح واكووله رجعت للمشتمل وميته قهر ووالم واتوحم شويه نمت دخلت عليا حنان زوزو حتى اروح للطبيب تحللين ليش وعد گلي يريد يتاكد شنو ميصدك بيه لا مو هيج يريد يطمان عليج لعد هو بعده زعلان هو منو المفروض يزعل انو لو هو نترت بيه حنان شمعرفني بيكم اني غيري ملابسج دنروح ماشي غيرت رحت وياهه حللت طلعت من صدك حامل رجعنه اتصل بي ماكو ميفتح فونه جتي بالليل حنان كلتلي وعد يكول خلي تجهز نفسها نهاية الاسبوع ترحين ويا للحله صدك حنان اي حبي جاوبتني لعد انتي شون دتتواصلين ويا اني مدااحصله هسه حصلته زينه العليه سويته من رخصتج الله وياج هي شبيها تاكدت عنده تليفونات اثنين واحد يخابرني منه وواحد لذيج مرته وهي حنان تغيرت وياي تنتر نتر بيه خلصت مصلحتها ويايه لان منو حيبقى ويا امها بعد اخخ بشر ميسوي شي لوجه الله هي هم مقصرت بس كله جان لمصلحه بقيت افكر ليش بهالوقت بذات وعد حياخذني لاهله وقت حملي معقوله حتى يقنعهم يتقبلوني لان ابنه ابطني اخ مية فكره تجي ابالي وميته خوف وتفكير من الجاي ونساوه موتتني توضيت وكعدت ع السجاده وناجيت ربي يخلصني من هالهم واجه الخميس جنت مجهزه كولشي حتى اروح وي وعد اجه وعد فات شافني سلم عليه وجه موطبيعي كلي مبروك الحمل باوعتله ساكته امم اشو متردين شكول صارلك شكد عايفني اووو مو وقت عتابج هسه يلا دنروح رحت ويا للحله وطبيت لبيتهم 😞
منقوله
تعرفت ع امه وابو امه تباوعلي عين ونص ابو رجال طيب رحب بيه عنده اخو مستشهد وعنده 3بنات اعمارهم 7و8و11 عدهم وياهم بالبيت وامهم عايفتهم وراحت لاهلها وعد هو يصرف عليهم وعنده اخ متزوج وعنده بنات اثنين تعرفت علي وعلى زوجته رحبت بيه بوستني وبناتها عمرهن وحده 4ووحده 7بعدها جتي وحده تقريبا عمرها ب26هيج حنطاويه وقصيره وشويه سمينه عرفت هي مرته اول مفاتت حضنته وهو هم كدام الكل 💔وهو حضنها بلهفه وباوعتني بطارف عينها اخخخخ ساعتها مكدر اوصف سجينه مسمومه كون بگلبي 💔كون طلقه ابطني لا بطني بيها ابنه بس ساعتها تمنيت روحي بقبر من قبور النجف سلمت عليه هلاووو رديته عليه هله بيج وعد كال لمرت اخو اسمها اسماء ودي زينه خلي ترتاح لغرفة البنات ودتني امشي عيني اخذتني للغرفه مال بنات اخو الشهيد وگلتلي تفظلي ارتاحي جابتلي كلاص ماي كتلها اريد اروح للحمام فدوه كالت اي صار تعاي رحت وياهه فتت للحمام واني تعبانه حييل ومعدتي والم بقيت ابجي بالحمام واشمر ع نفسي مااي بقيت ربع ساعه بالحمام اجه وعد دك الباب وينج زينه كل هذا تغسيل شبيج مجاوبته طلعت سالني شبيج بيج شي كتله لا مبيه اريد ارتاح رحت للغرفه اجه ورايه كعدت ع السرير كتله لعد وين جهالك جاوبني هو واحد وبطنج كتله يعني زوجتك معدهه اطفال لا جاوبني يلا ارتاحي اني رايح اوك لزمته من ايده لااراديا وين تالي نزلت ايدي اوكي روح براحتك باسني ع راسي وكام واثاريها زوجته اسمها ميس واكفه ع راسنه خزرتني خفت منها بس رجعتلها الخزره گللها تعاي يلا گلتله خلي احجي وي ضرتي واتعرف عليها واجيك اي اوكي يلا بس مو تتكافشون هه راح وعد وبقت يمي جانت يم الباب نوب دخلت تتمشه وهي معاجبهه اي حبي شسمج كالتها وهي معاجبهه زينه كلتها ودرت وجهي شوفي زينه بدت تحجي اني ووعد حب من الطفوله وتزوجنه وهي صارلنه 7سنوات متزوجين وماكو طفل اني المشكله مني مدايصير تره مو انتي الي تفرقينه 😌جاوبتها اولا اني لو ادري متزوج مااتزوجه وثانيا مااريد افرقكم 3اني تعبانه وماادور مشاكل يلا روحي منا اريد انام ماشي اعلمج جاوبتني مهتميت الها تعبانه ميته من النعس نمت بدون مااحس .....للحكايه بقيه
40 تصويت او 10 Follow يله اكمل
