مالك يا امي خلعتيني فيك شنو ... مافي شي يا بت وتاني شي منو النادك ... امي انتي مَش قلتي الحقوني .... بري ما قلت ساره انا ناديت امّك ....ساره منططه عويناتها مخلوعه هزت رأسها بالنفي من غير ما تنطق بحرف واحد ...محاسن متأكده انها سمعت بس خلاص طالما هم كويسين يبقي الحمدلله هي عاوزه شنو غير انهم يكونو بخير عاوزه تطلع تكمل شغلتها في المطبخ ... محاسن ....اتلفت علي امها وقالت ليها نعم يا غاليه ....تعالي ... رجعت بتها عليها اي يا امي امري ....ما يأمر عليك عدو تعالي دخلي يدك في جيبي طلعي المحفظة .... ساره مبسوطه خلاص حبوبتها ح تديها ... طلعتها بتها وقالت ليها اه أعمل بيها شنو ... أمسكي المحفظة دي معاك امانه الزمن دا بقي كعب اقرب الناس ليك ممكن يسرقوك .... .... ساره المره دي بالجد ح تجيها جلطه شالت المحفظة محاسن وطلعت وساره عينها ح تموت علي المحفظة بس تعمل شنو الله يسامحك يا حبوبه والعبره بقت خانقتها ومحاسن ما ختت بالها لكلام امها الغريب كيف يسرقوها ومنو ألبسرقها لانها في رأسها الف شغله لِسَّه عاوزه تطبخ وتمشي مع تهاني عندهم كم شغله بكره كفايه خالد ولسه خالد ما جاء يوريها الحاصل شنو وعمل شنو اتفق مع الطباخين ولا لِسَّه .... ساره قامت دخلت غرفتها بعد ما عرفت انه مافي فايده غايتو ما نابني الا اني وسخت يدي بألحنه .... وتسمع صوت دا منو الجانا ياااا سلام دا صوت خالتي بتسلم علي دراكولا حقتنا .... وجرت طلعت لصاله لقت خالتها جايه بشنطتها جايه تعسكر عشان العرس يا حليلها خالتي جايه من الاتنين والعرس يوم الجمعه بالجد خالتو القعده معاها حلوه وجرت عليها واول ما شافتها خالتها أخدتها بالاحضان عقبالك يا سرو ... ان شاءالله يا خالتي.... ردت الحبوبه وهي بتضحك حلم الجعان عيش دا منو البعرس ام بوذ دي .....حرام عليك يا امي دي ساره الحلوه ....ساره الضاره وحياتك ...خالتو كويس انك جيتي عشان اشكي ليك والله حبوبه دي بتعاملني زي القاتلة ليها زول اليوم كله شغاله دعاوي فيني .... ههههههه بتحبك يا سرو عشان كدا بتناكف فيك .... وين محاسن ... ... محاسن جات ازيك كيفنك ... اهلًا يا محاسن كيفكم انتو اه كل شي تمام .... كلو تمام بس ناقص وجودك ....اه وانا جيتك بشنطتي ...حبابك عشره .... وب علي نسيت الراجل ..... راجل شنو انتي معاكي زول ... اي الدفار الفيهو الطقم .... جبتي الطقم وحات الله انا قلت انك نسيتيهو .... وانا اقدر انسي بس انا اتاخرت في جيبتو سامحيني ... ولا يهمك حبيبتي وطلعو فتحو الباب وساره لبست التوب وقفت معاهم لحد ما دخلو العمال ونظمت الكنب وقفلت الصاله عشان تبقي مفاجاه لي خلود .... ومشت دخلت تشوف دولابها وهنا تجي هناء تدق الباب تفتح الباب ليها الخاله وتدخلها وتسال عن ساره وتقول ليها الخاله انها في الاوضه ودخلت علي ساره واول ما شافتها ساره دورت وشها للجهه التانيه كانت زعلانه منها اي هي صحِبتها الوحيده في الحله لكن خوفها وخلعتها عليها كانت قويه جات عليها هناء وهي بتبكي سامحيني يا ساره والله كانت مزحه وكله من بت خالتي والله هي عملت المقلب دا في خطيبها وأصرت اني اعمله وانا اخترتك انتي عشان اعرف معزتي في قلبك ... اتلفتت عليها ساره وقالت ليها اه وعرفتي ... عرفت يا ساره انتي عارفه انك صحبتي الوحيده وانا بريدك وما برضي علي زعلك بس انتي سامحيني وبقت تبكي هناء وساره لمن شافت دموعها صعبت عليها وقالت ليها خلاص خلاص ما تبكي جيتك دي نستني الحصل وحضنو بعض واتصافو .... وجرتها لي الدولاب وقالت ليها تعالي اختاري معاي حاجه البسها بكره ...ليه انتي ما اشتريتي ...لا يا ستي امي قالت مافي الا فستان واحد للعرس ... طيب يلا نشوف ... وشافت معاها الهدوم وبس مافي حاجه تنفع الا البسه الشتراها ليها لؤي وعجبت هناء بس ساره قالت ليها البسه دي شافوها علي .... ودي حقت طلعات ما حقت حفله ....طيب ممكن امشي البيت وبجيك...ليه خليك قاعده ياخي ....جايه ...جايه بس ح امشي أقول ليهم اني ح اقيل معاك عشان العرس ...طيب حلو يلا بس ما تتاخري وخلتها جوا الاوضه والحمدلله لمن دخلت الحبوبه كانت ماخده ليها غفوه ولمن جات مارقه لِسَّه الحبوبه نايمه يعني ما شافتها .... ومشت هناء البيت غابت زي نص ساعه وجات راجعه كانت محاسن وأختها وتهاني مارقين بعربيه اخت محاسن ماشين يجيبو الخبائز .... وجات داخله هناء واول ما دخلت علي الصاله لقت الحبوبه صاحيه وقاعده في نص السرير .... واول ما شافت هناء قالت ليها انتي وليك عين تجي بيتنا يا كدابه يا بتاعه كدبه ابريل انتي ساره سمعت صوت حبوبتها جات جاريه وهي بتقول حبوبه خلاص هناء صالحتني .... وانتي رضيتي يا بومه .... اي رضيت صحبتي وبحبها انتي موتي بالغيظ ... ان شاءالله انتي وهي التموتو يا قليلات الأدب ... وبقت تضحك ساره وهناء وجرتها ساره ودخلو جوا والحبوبه لسه بتشتم فيهم لحد ما تعبت وسكتت واول ما بقو جوا هناء طوالي طلعت ليها حاجه من الكيس وقالت ليها شنو رايك .... وووووواوووو دا شنو الفستان الخطير دا .... دا يا ستي ليك .... لي انا لالالالا ما قادره اصدق ... لا صدقي اولا الفستان دا جبتو في اخر مره مشيت فيها لمصر وما لبستو .... لا يا هناء كيف البس فستانك وانتي ما لبستيهو ... وفيها شنو يعني وتاني شي انا اشتريت الفستان دا وخالتي بالصدفة جابت لي نفس الفستان بس لون تاني يعني عندي اتنين انتي شيلي واحد وانا واحد وعشان تصدقي انا جبت فستاني ودخلت يدها في الكيس وطلعت فستان اخو الورتو ليها ....صحي والله ياهو زاتو بس يعني ممكن تديهو لي اختك بدل ما تديهو لي ...اولا اختي خالتي جابت ليها نفسه يعني ما محتاجه ليهو ....يعني اشيلو ...ايوه طبعا تشيليهو .... بس رائك شنو تلبسي انتي كمان حقك ونكون الاتنين زي بعض ...طيب بس يعني عادي انتي ما ح تضّايقي ... اضايق من شنو يا بت عادي .... وخلاص اخيرا ساره أمورها اتظبطت ....
😜😜😜😜😜😜😜😜😜
يا رشا رايك شنو في الفستان دا ... لالالالا يا سماح ما حلو ولونه باهت تعالي نشوف المحل التاني ..... يا حليلك يا رشا ما قصرتي حايمه معاي من الصباح ...سماح نحنا بقينا صحبات يعني عادي مافيها شي وتاني شي امي بتحبك ولو ما كدا ما كانت خلتني اليوم امشي معاك السوق وكمان ابيت معاك ...يا حليلها خالتي والله ما قصرت ابيت ليك يوم عرسك ان شاءالله .. ان شااااااءالله يختي بس هو يجي العريس وبعدين البيات سهل .. وبقو لافين لحد ما لقت فستان حلو وسعره معقول اشترته واشترت ليها شبط رهيب ... وطرحه لانها محجبه .... ومشت علي محل الشباشب واشترت لي امها وحبوبتها طقم مع تيابهم واشترت لي ساره اكسسوار عارفه انها بتحب الهتش .... وجو مارقين كان العصر آذن ركبو الامجاد ومشو علي بيت رشا شالت هدومها ومشو علي بيتهم ولقت الشكله مدروه بين ساره وحبوبتها عشان تطبق ليها الحنه .... وهنا الحبوبه لمن لقت انه ساره معنده معاها شالت المحفظة من بتها وطلعت ليها الف جنيه وناولتها ليها ساره قبضت القروش وهي فرحانه واول ما شافت اختها بالأكياس جرت عليها اه وريني اشتريتي شنو ...جرت سماح منها الكيس وقالت ليها بعدين اتحرجت ساره وخاصه الكل كان قاعد مشت طوالي علي حبوبتها تطبق ليها حنتها وهنا جاء تلفون للخاله من الحنانة عشان تجي تخت ليهم حنه ساده وقالو الرسم يبقي يوم الخميس .. ودخلت رشا مع سماح اوضتهم .... وهنا الام قالت أقوم نخت الغدا وقالت لي ساره استني ما تختي الحنه خلي حبوبتك تتغدا وبعدها ختي ليها الحنه ... حاضر يا امي .... سبحان الله جابين الحنانه تحننكم و ما تكلموني ...امي انتي استعجلتي وختيتي الحنه وتاني شي انا ما كنت عارفه بموضوع الحنانه بتك هي الاصرت علي انا زاتي ما كنت عاوزه اتحنن .... لا يا بتي انا بهزر معاكم اتحنني اتحنني دا عرس البكري بتاعك واول فرحه ليك .... .... دقيقه أقوم اعمل معاك الاكل ...تعالي يختي وطلعو الأخوات يعملو الاكل وهناء قاعده جنب ساره مع الحبوبه والحبوبه اتلفتت علي هناء وقالت ليها العصر ما إذن انتي ما ماشه بيتكم .... خجلت هناء ... بس ساره قالت ليها هناء مقيله معاي ولا عندك مانع .... حست الحبوبه انه ساره عينها قوت بعد ما اخدت القروش وهي محتاجه ليها عشان الحنه
YOU ARE READING
للحب كلمة
Romanceالي كل روح فارقت الحياه بسبب السرطان والي كل مريض يعاني من ويلاته والي كل مريض يعالج الان بالكيماوي والي كل طفل انحرم من طفولته وأنهك السرطان جسده البرئ والى كل انثى تساقط شعرها بسببه وفقدت جمالها والي كل اب انحرم من ابنه ولا بنته والي كل ام اتوجعت...
