جان باقي للعرس خمس ايام واحنا كل شي ممحضرين اول مرة صير مناسبة مو سوا مخبوصين بيهة بس هسة احنة بعيدين مصار يومين من طلعت من البيت حبيت اروح اغير لون شعري شوي جان اسود مع العلم اني بيضة وعيوني بيهة شوي لون بس شعري فحم وبيه ردة مثل شعر امي خالتي عزمت خالي طبعا اكيد رح ينكد علينا العرس ومرتة اصلا مطيقنا ولاتحب اهل امي كلهم بيومهة لبست فستان اسود وبيه بلك ذهبي جان مودة ذيج الفترة وميشت شعري وترزلت رزالة بعدين اكللكم ياها يمكن ابوية اكثر واحد جان متحمس يروح حضرنا غراضنا دنروح بيت خالتي جنت خايفة حيل ومرتبكة واول مكال ابوية وصلنا لبيت خالتكم احس كلبي وكف لحظة ونفسي ضاق وبعدين رجع يدك وتتسارع نبضاته بس مردت احد يشوفني جنت حيل مستحية وخايفة كلت افوت كبل للبيت مااسلم على احد بس عمي ابو سيف جرني واني فايتة وحضني وبوسني حسيتة بعد هاي الحادثة حبني اكثر لان حسني قوية وكادرة ادافع عن نفسي محجيت ولاكلمة كبل فتت للمطبخ مو شايفة كدامي طب بوجه سيف اخ. عفتة وفتت سلمت ع خالتي وهو سوا روحة ثقيل وطلع اما مروة اول مشافتني بوس ودموع واحضان وردت ابجي بس اني عاهدت روحي ماابجي ابد الاخوة مو بس رابطة دم تربطنا الاخوة موقف روح مرتبطة بعض هم وحزن سوا مو منفصل ميادة ومروة هم خواتي صدك حسيتهم انقهرو علية حتة اكثر من اماني مو لانو اماني متحبني بس اماني من جنا صغار مشترية راحة بالهة مالهة علاقة بااي احد مرات احس انو هي صدك تفتهم ووفرت عليهة تعب وهم سنين جان قبل يوم من الحنة والكل مخبوص سيف:اني بالطبيعي لمن صير مناسبة اهج من البيت استحي من بنات خالاتي وعمتي بس من ورا اروى ظليت كاعد بالاستقبال وعيني على الرايحة والراجعة اريد اشوف اروى هاي وين راحت ماكو .تعبت كلت هاي مامنهة فايدة اطلع احسن الي بعد شوي تبدة التحضيرات رحت على مصطفى وهو الفرحة مسايعتة جنت كاعد على كرسي وكل شوي احس بتوتر واريد ارجع للبيت وارجع اكعد واحجي ويا روحي زعطوطة هالكدهة خبلتني اني الج اروى هيج دوخيني .اجة مصطفى ولابس قاط وكاشخ .هاي شبيك مثل العتوي يدور على لحمة دوختني انت رايح جاي شنو سالفتك .باوع عليه بس لا ملاك رح تجي لاشيجيبهة من بغداد لهنا جكد حلو .هههه ويسالوهة انت بت عم العروس لاعيني لا انتي بت خال العريس لا عيني لا .مصطفى اسككككت لك انت شنو ماتتعب مو اليومعرسك اسكت اسكت وخليني بهمي .لا سودة علية سيوفي عندك هم .سولفلي ماعندي شي اني .شكو ورانا ها شبيك تريد روح فرة نفتر ونرجع .مصطفى فيما الله
لك انتظر اخذني وياك الحب تنتظرني مو لازم هي تحنيني😁راسا اشرتلة باايدي👌👌وصلت للبيت كلت احسن شي اصعد لغرفتي بلكي انام شوية لو اشوف هاي المخبلة وين راحت فتت للبيت سلمن علليا بنات عمي وعمتي وبنات خالاتي واني مدنك راسي وامشي دا اصعد لغرفتي فتت سديتة ورجع انفتح شوي شفت من فتحة صغيرة بنية لابسة فستان وردي وشعرها اشقر وكلبي كمز قبل رجليه شفتها فاتت غرفة ميادة كدامي ركض مشيت على كيفي ودا ادخل علكيفي وهي حايرة مدري شدور وظلت تتافف جانت مدنكة تدور بميز تواليت رفعت راسهة شافتني وراهة .اندارت عثرت صارت بين ايدية سيف شجابك هنا لااحد يشوفك وصار وجهها بلون الفستان لابستة ها .شتريد انت اريد اسالك سوال .سيف هسة وكت اسئلة واني ادور ع شمعة مال ميادة جانت بصف الجرباية .يو جكد ثولة ومنتبهت لزمت خصرهة وكتلهة لج انتي شطالعة كيكة اليوم .سيف .اروى اني حيل تعبان حصرتهة قريب الباب وهي ترجع وخايفة فتحت الباب وانهزمت .انهزمي انهزمي وين تروحين مني .خلصت الحنة وراحو العالم وتكسرنا من التعب وكل راح بيتة بقينا بس احنا وبيت خالتي حتة مروة رجعت بيتهة كالت ع باجر اجي تعبانة وحامل .نمت اني وميادة سوا .واجتي خالتي وامي واماني اخذوهة كتلهم اجي كاللوي كعدي هذا حجي مال مزوجات .يلا يلا قابل شرح تحجون عالشسمة والشسمة امي خزرتني لان خالتي متحب ينحجي بهالسوالف طلعو واني ردت اخذلي غفوة حسيت باب انفتحت كلت مرح اخلص من سيف كمت قفلت الباب وكعدت بصفة اروى فتحي الباب اريد احجي وياج .سيف روح هسة يجون .باعي اليوم مااعوفج الة ترسيني على بر .شنو .اريدج ترسيني على بر وتكليلي تاليتك شنو ترة بقة بس خيط ويطك وخطيتي بركبتك .سيف رووح حباب بعدين نحجي .شوكت .من يصير مجال .لج اكو احسن من هذا المجال اروى اني امووووت عليج هنا لزكت بالباب وحبيت الحجي وحسيت روحي طايرة .اروى نمتي .اي نمت .روح انت نام سيف احسن الك اروى باجر احرق ابوج اذا محجيتي وياي تصبحين على خير حبيبتي احبج .دك كلبي بساع وكلت بصوت خافت واني هم .ترة سمعتها اني باي ملتقانا باجر .ماكو بوسة بالهوا سيف رووح لاافرج امة لااله الاالله .ههههه مخبلة
ثاني يوم كعدنا متاخرين الصبح ع صوت مروة جتي واستلمتها مناحة وبجي عيني ميادة حبيبتي ميادة مكانك خالي ميادة .لج وجع جايتنة من الصبح تولولين هبطتينا شبيج لج ليش تبجين وتنكدين على البنية وبيوم عرسهة لج عيارة انتي وين فايتة البيت حتة بيتة مبتي عمود حمودي .كومي يلة كومي.مروة :غير هو هذا الماشي عدنا .لج ياماشي بنية رح تتزوج وتروح بفالها ليش تبجين هذا العرف لازم نبجي نفرح نبجي نحزن نبجي خلينا نفرح دغدغدت ميادة وكتلهة يلة ضحكي شبعي ضحك تعاي لج مروة اليوم متخلصين مني الة اشبعج دغدغ شون تهبطيني لج لا وصاحت اروووووى خرب بليسج لج حامل خطية بنتي اروى .عزة رح سميها اروى وتطلع مثلج لاعيني لا اذا طلعت حلوة وذكية عمود يكولون طالعة ع خالتهة فات سيف .شنو شكو صياحكم متستحن باوع بعيوني دنكت يلة وحدة منكم تسويلي ريوك افوت اسبح .واخذتنة الضحكة ورا يلة كومن تاخرنا ورانا صالون نسيتو اروى اني خلص طلعت من هذا البيت وميادة عروس خما سوي كومي سوي سيوفي ريوك مسمعتي ههههه .امشي مروة لاصدك اضربك يلة نزلي .ميادة :اروى انتي طول عمرج وحدة منا ربينا سوا وكبرنا سوا خلص هذا يومي ورح اطلع من البيت بس هذا بيتج انتي .ردت اغير الموضوع اروى :ميادة انتي فرحانة .اي وبفرحة وبصوت عالي اي كلش كلش اروى فرحانة .مو خايفة انتي .لا .ليش اخاف هي ليلة وتعدي اقصد كحياة وباجر عكبة شنو الزمن محضرلج .يعني بربج من البومة هسة اروى الى متى نظل خايفين الحياة حلوة احنا لازم نعيشها نستمتع بيها وشكاتبنا الله رح نشوفة اللحظات الحزينة هي الي تقوينة والوكعة الي متموت تقوي المهم نحاول نصلح ومنضيع فرصنا بالحياة وبعدين نندم ونندب حضنا السي اروى اني اعرف انتي خايفة ومترددة بس سيف يحبج كلش يومية الصبح اشوفه حاظن ميداليتك ونايم بيني وبين نفسي ميداليتي يمة ويكلي مالكيتة ايا حرامي اروى انتي تحبي سيف سوالها قاطع صفنتي وحيرتي ميادة سيف بالنسبة الي شي مااكدر استغني عن وجودة حاسة بضيق مو كادرة اتنفسومن اشوفه احس بالامان واني عندي ظهر يسندني .الله الله عالحب سيوفييي تعال .ميادة الله عليج هذا الحجي بينا لاتكلليلة اني من احس اني اريد اكول رح اكول سيف جنت واكف بالباب واستمع الهم وانتظرت ميادة تنزل عمود اشوفها يلة خ نلملم وننزل عوفي ميادة اني رح الم كل شي واحضر الجنطة وابدل وانزل كملت كل شي حضرت الجنطة وبدلت دنكت دافوت القميص بالتنورةهوب سيف بوجهي رجعت ليورا وسد الباب صباح الخير حبي . صباح الخير سيف شجابك انت ناوي عليه اريد ازوج اني كافي تعبت سيف شنو هاي سوالف مال مراهقين متلوكلك عيب هيج من العالم يعني انتي شايفتني مراهق ؟اي نعم.اوكي اسف ست اروى اسمحيلي باي طلع وسوة روحة زعلان صدك .نزلت جوا وشفتة فات وركع الباب نزلت اكوام بنات ماشاء الله عزة .شنو ذولة مين طلعو هسة سبف ينزل يبصبص عليهم فتت للمطبخ خالتي مسوية ريوك سيف كالت مروة صعدي لااخوج يستحي ينزل مروة راسا شكت .يو خالة جيبي اني اصعدة .حبيبتي تسلمين ربي يوم نفرح بتخرجك وزواجج انتي ....وسيف يارب صعدت دكيت الباب .ادخل .فتت رفع راسة ورجع دنك كتله هذا الريوك ودا انزل .شكرا اخذي مااريد سدت نفسي .احسن .هسة اشوف منو يجي ياخذهة اني رايحة .سيف :سويت روحي مو مهتم كالتلي ىايحة كتلهة الله وياج اروى : ضجت لان حيل طوخهة واستفزني وهو مو مهتم شو جيب ولزمت الرباط باايدي شوف اول شي تسوي ثنين واحد طويل واحد قصير وبعدين جيب هاي فوك هاي وترفعةوصارت عيوني بعيونة .سيف:جانت تلبسني رباطي واني مسلم الهة حسيت روحي طفل صغير رايح للمدرسة وامة تلبسة جانت اقصر مني وراسهة يوصل لجتفي دنكت راسي ابوسهة رفعتة وصارت عيني بعينهة .اروى:وهيج ينشد الرباط تعلمت من اب... هاهية يلة رايحة شكرا ورجع باوع على المراية وتجاهلني رحت اني وميادة ومروة واماني للصالون جنت كاعدة اتفرج عليهم كلهم حلوات الله يسعدهم دائما ويكونون ازواجهم زينين ياترى سيف نزل لو بعدة اكيد نزل وكاعديباوع عالبنات هسة ومتونس جنت افكر بي وهو حتى ماابتسم الي ولاشكرني هاي اول مرة احسه زعلان .اروى .اروى هيييي.ميادة :اروى وين سارحة تعاي اجة دورج دوري.ميادة:اي سوي تغير .اروى :لا ماما متقبل .ميادة:تقبل ومرح تشوف هوسة شفتي الجموع بيتنا زين اذا افتقدتك.اروى:لا لا .اجتي اماني ومروة وقنعوني صح اني فتحتة درجة ومجانت مبينة ام الصالون ميشت شعري وجنت خايفة من النتيجة ورفعت نصة ولفت الباقي لبست ثوبي جان بدلة سودة وكلهة بلك اسود قصيرة ونص ردان ونفخ جان موديل بوكتهة كل الي بالصالون اتعجبو عليه وكالولي حيل طالعة حلوة .مروة :اجة سيف يلا بنات ميادة لبست البركع ومروة واماني شالو بدلتهة .جانت حيل حلوة طالعة تخبل دنطلع ونسينا جنطت ميادة رجعت دا اجيبهة والبنات ركبو وسيف ظل ينتظر .لعد وين اروى البنات هسة تجي اروى :لزمتني مرة بالصالون وكالتلي الله يهنيج تخبلين الله يخليج لااهلج .سيف : ظليت انتظر وجنت حيل ضايج لمن ذكرت حجيهة وكمت احجي ع روحي لان ذاب روحي اروى :تاخرت وجنت خايفة سيف يشوفني واني صابغة شعري وحاطة مكياج جنت حيل مستحية .شفت البنات كاعدين ورا وعايفيلي المقعد الامامي فتحت الباب كعدت .سيف : ساعة يلة طلعين خفت .اروى: غير جنت اجيب غراض اختك شدعوة هالعصبية يعني كلها دقيقتين يلا اطلع خ رووح للبيت اوووف.شغل وكبل كالبطل سيف :اول موصلنا فتحت الباب ونزلت وسدتة حيل جانت متعصبة اماني فتحت الباب الميادة ونزلتهة ومروة طبت ع جتفي وكالتلي بالعافية من هسة هي رح تمشيك .سيف: نننزلي مروة: نزلت عيني نزلت كادر بس علينا .فتنا للبيت وهلاهل وموسيقى جانت الحفلة حلوة الله يسعدهم سيف:طول اليوم ادور على اروى ماكو مختفية ضوجتني حيل لمن شفتها حيل حلوة وصابغة شعرها انصدمت بلوكها الجديد .بس وين هي وين راحت .اروى :اول منزلت من السيارة والكل تعجب ع شكلي وتغيري وخالتي بس تسمي وتقرا قران جنت مقهورة لان صيح عليه وظليت محبوسة بغرفة ميادة واريد ابجي بس مو كادرة عزة نفسي منعتني .
يتبع
