#حب_وكبرياء
البارت الاول
بقلم نازك الملائكه
هواي قصص حب انبنت وكبرت وتعمقت بتضحيات اصحابها وتنازلاتهم عن الزلات والاخطاء والشخص الي دائما لازم يضحي هو المرأة علمود بيتها واولادها
نظرة المجتمع كونها امراه مطلقة مرح يتقبلها ولايتقبل اولادها دائما رح تكون انسان ضعيف الخطا منها مو عليهة
بالبداية حابة اعرفكم علية
اسمي اروى عمري ٣٠سنة من عائلة متكونة من امي وابوية وبنتين ولد اختي اماني الجبيرة وبعدين اني واخوية اوراس الصغير حالتنا المادية وسط ابوية مهندس كهربائي من عائلة راقية وامي اقارب ابوية من بعيد جميلة جدا واثقة من اسرة وسط زواجهم جان اقرب للتقليدي بس حبهم عاصف امي رومانسية حيل وجانت تحب ابوية وانيقة عمود تتلائم ويا جو العايش ابوية بي حفلات وسهرات وسفر هاي الحياة امي جانت تحلم بيهة تمم هذا الزواج واحنا شرفنا وجانت حياتنا حيل مريحة والكل يحسدنا ابوية عزل حياتة عن اهلة لان متقبلو امي من عاىلة مو ضمن المستوى مالتهم واجر بيت وكعدنا هو شاطر حيل ب٦سنين كدر يسوي بيت لاامي وياثثة ارقى شي وحياتنا اوكي نحب ابونة حيل وامي جانت دايما تبين النا الوئام والسعادة عايشتهة ويا ابوية كل مجنا روح بيت جدي احس امي ممرتاحة يمكن اني اكثر وحدة احس بيهة وجهة يتغير تنفصل عن العالم ومن نرجع احس علاقتهة مشحونة ويا ابوية ويرجعون يتصالحون وتنتهي المشكلة ظلينا سنين مو فاهمين جنا بمعزل عنهم مو حاسين فتنا مدارس وكبرنا وجنت دايما اكللها لااختي امي عيونهة مورمة عبالك شبعانة بجي بس شنو السبب مااعرف ومن اسالها تكلي لاماكو شي حساسية او حمام حار بس حاسة شي موطبيعي بيوم من الايام جنت مريضة فالمديرة اذنتلي ارجع للبيت قبل نهاية الدوام نسيت اكللكم امي موظفة واني دا امشي اريد اوصل للبيت تعبانة حيل مدا اكدر امشي جنت بوكتهة ثالث متوسط وصلت للبيت اكو دجة يم الباب اصعد عمو الكي المفتاح وافتح دا اصعد عليهة لكيت الباب اندفع مفتوح كلت اكيد امي موجودة فتت للبيت ودا امشي بااتجاه غرفة امي دااكللهة فتحت الباب وياريت مافتحتة المنظر الي غير حياتي وقلبهة فوك تحت ابوية ويا وحدة ع فراش امي انصدمت من الموقف معرفت شسوي رجعت خطوات والغصة بكلبي ابوية كالي اروى انتظري اوكفي طلعت ركض ولاكاني جنت تعبانة وكوا امشي ظليت اركض واركض مو شايفة كدامي بيت خالتي ع بعد مسافة منا واني اركض ابن خالتي شافني وركض وراية ولزمني من ايدي وباوعت بعيونة وعيوني مغوركة وتخربطت شالني ووداني بيتهم والناس كل ظنهة حرامي وانهزمت منة ابن خالتي سيف احب اعرفكم علي سيف اكبر مني ب٦سنوات ثالث كلية يداوم بكلية صيدلة حباب وشهم وحلو ابيض وطويل وكل بنات خالتي وكرايبنة يحبو ويتمنو لبناتهم واحنا رابين سوا امي جانت تخلينا يمهم من داوم صعدني سيف بتكسي وقبل للمستشفى وصلنا طواري ودايحطني عالسدية واني جلبت بقميصة وفقدت وكمت ابجي لا..لا..لا لاتعوفني سيف لاتعوفني النتيجة الدكتور فحصني واني مجلبة بسيف جانت حرارتي مرتفعة وضغطي نازل وجسمي كلة يرجف سيف جان يحجي وياي واني ابجي بس فهميني شنو صار كوليلي يمعودة والله هبطت من يمي الدكتور كلي انت شصير منهة ارتبك ومعرف شيكول كاله اخو..ابن خالتهة وذكر لازم يخابر امي وابوية يكوللهم الي صار الدكتور كاللهة للممرضة بصوت ناصي جيبيلي ابرة مهداة بسرعة لان مجنت اقبل سيف يعوفني ضربوني الابرة وعلكولي مغذي .الدكتور من وصلو اهلي وخالتي هم لبست عباتهة وركضت كال البنية متعرضة لاانهيار عصبي لازم ترتاح امي كامت تبجي وخالتي ظلت صافنة شو الي صار اما ابوية ظل يضرب بحايط الردهة وامي ظلت تباوع علي وعرفت هو السبب وعيونهة جانت بين الصدمة والوجع والخوف علية
امي جرت ابوية كالتلي من رخصتج ام سيف نروح نشوف الطبيب ونرجعلج وباوعت ع ابوية وجرتة وراحو طلعو برة وقالتلة :ممكن تفهمني ليش اروى هيج رد عليهة شمدريني اني مو حالي من حالج اجيت كلتلة لعد ليش متوتر ومو على بعضك انت كاللهة طبعا مشفتي بنتك عبالك صاير بيهة شي ليش هيج متمرعده عبالك احد مااذيها بعدين ليش ابن اختج ماخذهة للمستشفى وين شافهة كالتلة انت شتكول انت شتحجي بنتك لك هاي بنتك شون تحجي هيج انت عليهة متعرف تربيتنا انت سيف طول الوقت وياها مثل اخوهة الكبير هم رابين سوا نسيت انت لو اذكرك لو نسيت اختي واخلاقهة هي وزوجهة ويانا كاللهة لاتحجين ولاتكولين خل تصحى بنتك وافتهم منها شصار ودير بالج تدخلين انتي بسمة جتي خالتي وكالتلهم شبيكم يمعودين صوتكم واصل لنهاية الممر كالتلهة امي اريد افتهم بنتي شبيهة وسيف وين شافهة وداهة للمستشفى كالتلهة اني جنت بالسوق وسيف شايفهة بالشارع تركض وتخربطت عايده شالهة وداهة للبيت ملكة احد شالهة واخذهة للمستشفى امشو يمعودين خ نطمن عالبنية وتعاركو بعدين احنا بيا حال مشت خالتي وامي وابوية وراها وابوية حاير شون رح يشوفني ويسكتني قبل لاشوفني امي واحجيلها الي شفتة
وصلو لغرفتي وسيف جان واكف ويا الدكتور ديسالة عن حالتي وجان يحجي ويا كالة هي لازم ترتاح يومين ونزلهة الحرارة وبعدهة لازم ترتاح وتبتعد عن الضغوطات مبينة هي طالبة ومضغوطة يمكن من الامتحانات اشوف هواي طلاب يجونا هيج وكفو ابويةوامي وسيف خالتي كالتلهم روحو انتو اني رح ابقى تسلملي سيوفي تعبناك حبيبي امي حيل تحبة سيف وهو صدك ويانا ويانا حتة سفرات طلعات امي تاخذة عمود يدير بالة علينة وعلى اوراس حيل متعلق بي .كالي لاخالة صدك جذب خل ابقى وياك خاف تحتاجين شي واكيدعمي تعبان من الدوام وجهة هم صار اصفر من الهبطة والتعب عمي اني ابقة ويا خالة وانت وصل امي لان اماني واوراس بالبيت ويا البنات بقة وابوية هم بقة كال عود طمنوني عليكم عاد ابوية كالة لا روح رح ابقة غير اعرف شون بنتي من تكعد اكون يمهة روح اخذ امك ودير بالكم ع اماني واوراس مااوصيج ام سيفخل نطمئن وجان مرتبك سيف باوع علي وظلت شكوك باله .
سيف:اخذت امي واجرت تكسي ورجعنا وطول الطريق كعدت افكر صدك معقولة الحجي سمعتة لمن شفت خالتي وزوجهة تاخرو والطبيب رادهم رحت دا اشوفهم جان اسمع عمي ابو اماني يكللهة لخالتي يمكن اكو احد مسويلهة شي انصدمت هذني خواتي منو هذا الي امة داعية علي ويتحارش بخواتي ممعقولة وصلنا واني بصفنتي ابو التكسي كلي هذا الفرع اخي ..اخي..اخي امي كلتلي يمة سيف كلة للرجال اي يومة بهذا الفرع بيتنا اختة بالمستشفى وظل بالة عليهة خطية حرامي فايت بيتهم وانصدمت من شافتة وحجتلة قصة من استنتاجهةكتله مشكور يابة تفضل كروتك نزلنا وتلكتني اماني واوراس ركض علية كلي شبيهة اروى اماني كلتلي سالت عليهة صديقاتهة كلولي جانت تعبانة والمديرة طلعتهة من وكت متخيلت تحتاج مستشفى كاللهة سيف متخربطة يعني بالمدرسة كالتلة اي امي من يمهة كالتلهم فوتي يمة اختكم شوي تعبانة هسة تجي بس صير زينة وتلكاهة ابوية هم ديسالها وراحو واني صعدت لغرفتي لان من الكلية لااروى حتة ملحكت اغسل وجهي وتعبان وباجر كوم عندي محاضرات فتت للحمام اسبح باوعت ع ركبتي متخرمشة وذابة دم عالقميص كلت يو يااروى بلة شنو قصتهة هالبنية محسيت حتة بطبع اظافرهة ع ركبتي غسلت وحطيت بلاستر ع ركبتي وطلعت دا ابدل جتي اختي ميادة الجبيرة اني عندي ٣خوات اني الولد الوحيد اختي ميادة الجبيرة واني بعدهة وخواتي ٢صغار وحدة بكد اروى مروة والصغيرة مرام بكد اوراس امي جانت كل متحمل يحملن سوا هي وخالتي .جتي علية كلتلي شنو القصة شصار كاللهة والله مااعرف ياميادة شون صار وشكو مااعرف باجر من تصحى اروى هي تحجيلنا باوعت ع ركبتي كالت شبيهة ركبتك سيف ....
