لمن راح فالح ولحد هسه اني كاعد على اعصابي
خابرت فالح كال بعدني مواصل من اعرف شي اخابر
مر هذا اليوم عليه بسنه ماادري ليش انا هيج شايل
هم بس احسها صعبه جبت وحدة وخاطرت
واستقبلتها بيتي وعالجتها
وتالي احتمال تطلع مجرمه هسه بقى فالح يجيبلي الخبر
الاكيد والله كريم ونشوف وين تصفه
وظليت قلق وكاعد على نار اريد اعرف هاي البنيه شنو موضوعها ووبعد ماخابرت على فالح كلت خلي يكمل ويجيني بكل الاخبار
وكضه الليل واني مانمت ماعرف ليش راودني هذا الشعور
بعدم الراحه
وانتظرت الليل خلص والصبح اجاني فالح
.....ها فالح تعال
....صباح الخير شيخ
....حمدلله على السلامه يله تعال اكعد وسولفلي
.......اي شيخ
....احجي
....شيخ رحت للعنوان الي نطينياة البيت مابي احد وعليه لافته مال وحدة متوفيه مكتوب اسم مرة اسمها زينب عبدالكريم
.....اي
....كمت دكيت الباب على الجوارين الي كدامهم
طلعتلي مرة جبيرة بديت اسألها كالتلي
هاي المراة قبل فترة خطفو بتها وهي وراها تمرضت
وقبل كم يوم تخربطت ودوها الجوارين للمستشفى وظلت
يومين وماتت
وبعد ماقبلت تحجي شي
...اي وبعد شعرفت
.....شفت ابو مولدة رحت عليه وسألته
وكتله عدهم بنيه مزوجه
كلي اي مزوجه بس خطفوها وعلااساس مقتوله
كتله لويش رد جاوبني كال هي زوجته ضابط قبل فترة
قتلو هنا براس الشارع طلعو عليه مسلحين ونزلو من
سيارته وخلو طلقه براسه
.....اي مكال شي على البنيه
.....كال هاي بتهم عدها بنيه قبل فترة اجوي مسلحين
وصار اصوات وعياط عدهم ورادو الطفله ياخذوها
بس ادخلو الجوارين وهذا الولد الي يشتغل ضابط الي
كاعد بالمنطقه هم ادخل ومنعهم ومااخذو البنيه
ومن بعدها هاي الطفله محد شافها برغم انو امها موجودة
سئلته وين راحت كال محد يدري
وكلي هذوله عائله كلها مشاكل قبل كم سنه نقتل الاب والاخ
....قصدك اخو البنيه وابوها
....اي نعم
ولمن سئلته
شنو السبب كال محد يعرف بس حسب ماسمعنه
انو نسيبهم الضابط الى يد بالموضوع لان هما
حالتهم زينه والاب عندة املاك
وهما ولد وبنيه ومن مات الاب والولد بقت الاملاك
لهاي البنيه
.....هذا الي عرفته
.....اي والله ياشيخ هذا ابو المولدة بس نطيته
جكارة وجرجرت لسانه بالحجي كله حجاها
....روح فالح
ارتاح بس معناتها انو امها ميته
هاي شراح اكللها
شلون مصيبه هاي والقصه شوبدت تكبر اني
هسه شلون اخلص من هاي السالفه
كمت وكفت كلت اني لازم اكللها بلكي منها
ومن كيفها تروح
رحت وكفت باب الغرفه ترددت ادخل دكيت الباب
سمعت صوت والدتي كالت تفضل
....انا شيخ غياث
....اي يمه تعال
.....اول مادخلت باوعت عليه
كتلها
.....اليوم فالح راح لبيتكم وجايب اخبار بس ترة
موهلكد
.....فدوة لدكول امي بيها شي
......سكتت ماكدرت اكول شي
....لامابيها شي بس ماكو بالبيت والبيت مقفول
....معقوله ماعدها مكان وين تروح
....ماادرري بس اريد اعرف انتي ليش ماكلتي انتي
عندج بنيه
اهلي سكتو وهي نصدمت وظلت مثل الباهته
.....اي صحيح عندي بنيه بس اني ضميتها وحميتها من الكل
...لويش
....انت ليش مهتم تعرف شنو قضيتي داشوف الفضول
الي بعينك وداحس انت خايف مني
..اني مااضركم صدكني اني باجر اروح من
عدكم واسفه على الازعاج الي سويته
......اني خاطرت علمودج وجبتج بيتي واحنا شيوخ والنا سمعتنه واسمنه وقمت وياج بالواجب بس انا
مااحب ضيف يكون مو واضح ويتصرف ويايه
بدغش ويلعب عليه وانتي وراج شي جبير
عالعموم حنا مانطرد ضيوفنه واجبج تاخذي
ومن تتشافين روحي الله وياج
.... يمه غياث شنو شبيك
....مابيه شي ياام الشيخ بس انا احب الناس الواضحين
باوعت عليه كلتلي
...اني راح اكلك اني شنو مشكلتي يس مااعرف اذا هذا
الشي راح يريحك برغم انك مالك دخل بحياتي
بس هذا ابسط شي اقدمه بعد المساعدة
الي قدمتها الي
يتبع.....
#الكاتبه #روجمان
