ما بين سحر الحب وكبرياء الانسان

البارت الرابع(إنقاذ💔)

ميرنا: يا خرابي حتي و انتي تعبانة بتتلمضي
جويرية: عندك مانع
ميرنا: لا يا باشا معنديش
جويرية: اه بحسب
طبعا كلهم كانوا مستغربين من ضحك جويرية بس محدش فيهم عارف ان جواها نار و براكين من الدموع بس كبريائها كان منعها ان هي تبين دموعها ادام اي حد
بعد كدة فون ميرنا رن و كانت ميادة
ميرنا: الو
ميادة بغضب: انت ازاي متقلولنش عن الا حصل ده هي مش صاحبتنا برده
ميرنا: اهدي شوية يا بنتي و الله الدكتور لسة خارج من عندها دلوتي ملحقتش اقولكوا
ميادة: ماشي طيب انتوا في مستشفي ايه
ميرنا: مستشفي*****
ميادة: خلاص انا و آيات جايين حالا
ميرنا: اوكي
خلصت ميرنا مكالمتها مع ميادة و رجعتلهم تاني
كرم: طيب يا حبيبتي شوية و جيالك تاني
جويرية: كرم انا عايزة اخرج من هنا
كرم: هسأل الدكتور الاول
جويرية بعند: لا انا عايزة اخرج مليش دعوة
كرم: بلاش عند عشان صحتك
جويرية: لا انا بكره المستشفيات و الادوية لو سمحت خلص إجرات الخروج
كرم بتنهيدة: خلاص هروح اشوف
جويرية: تمام
خرج كرم من الاوضة لقي يوسف ساند علي الحيطة و مغمض عينه راحله كرم و حط ايده علي كتفه فتح يوسف عنيه بهدوء و بصله
كرم: شكر مرة تانيةعلي الا انت عاملته
يوسف بهدوء: مفيش داعي للشكر
كرم: بس صحيح لحد دلوتي معرفش اسمك ايه او انت مين
يوسف: اسمي يوسف و البنات الا جوه دول اخواتي
كرم: تشرفت بمعرفتك
يوسف: الشرف ليا
كرم: طيب لو ميضيقكش ممكن نبقي اصحاب
يوسف بابتسامة: لا طبعا ميضيقنيش
كرم: تمام بس ممكن اسالك سوال
يوسف: اكيد
كرم: ماله الدكتور ده لما انت اتكلمت اتوتر و حسيت انه خايف
يوسف بابتسامة سخرية:لا متاخدش في بالك
كرم بالامبالاة: اوكي عموما رقمي معاك و رقمك معي اكيد لازم نتكلم تاني
يوسف: اكيد
كرم: ماشي بعد اذنك هروح اشوف الدكتور
يوسف: اتفضل
علي الجانب التاني عند جويرية جات ميادة و آيات
ميادة: حبيبتي انتي كويسة
جويرية بابتسامة: انا تمام يا ميمو
آيات: حمد الله علي سلامتك
جويرية: الله يسلمك يا حبيبتي
ميرنا: اقوللنا بقا انت ايه الا خلاكي تروحي بدري كدة ايه السبب
سرحت جويرية في الا حصل قبل ما تروح الدرس
Flash back
صحيت جويريةمن النوم و قامت اخدت شور و بعد كدة خرجت تحضر الفطار مع مامتها بعدين سمعت صوت رسالة من فونها راحت شافتها و استغربت اوي فالرسالة كانت من نانسي و كان مضمونها(جويرية معاد الدرس اتقدم ساعة و نص بسبب ظروف عند المستر و انا بعت رسالة للباقين)
جويرية في نفسها: غريبة يعني اول مرة يقدم معاد الدرس
و بعدين بصت في ساعتها لقت فاضل علي المعاد ساعة الا ربع
جويرية: يالهووي انا علي كدة لازم اروح البس دلوتي
و بعدين ندهت علي مامتها و قالتلها
ام جويرية: غريبة يعني ايه الا خلاه يقدم معاد الدرس
جويرية: مش عارفة و الله
ام جويرية: طيب روحي ربنا معكي
سابت جويرية مامتها و راحت لبست و بعدين راحت السنتر و كان فاضل خمس دقائق دخلت جويرية بس استغربت اوي لانه مكنش فيه حد برا
جويرية باستغراب: الله اومال فين نانسي و مفيش صوت ليه كدة يمكن بدءوا الدرس
راحت جويرية ناحية الاوضة الا بياخدوا فيها الدرس بس ملقتش حد
جويرية: مفيش حد انا احسن حاجة اتصل بحد من البنات و اسألهم
بس فجأة سمعت صوت الباب بيتقفل بصت جويرية وراها لقت خالد واقف ساند علي الباب
جويرية: انت اومال فين الباقين
خالد و هو بيقرب منها: مفيش حد
جويرية بقلق حاولت تديريها و قالت بقوة: يعني ايه مفيش حد و انت اقفلت الباب ده ليه
خالد: عشان نتكلم سوا
جويرية: انا اقولتلك قبل كدة مفيش بينا كلام و مينغعش نفضل واقفين لوحدنا و الباب مقفول افتح الباب ده
خالد: و ان اقولت هنتكلم و اسمعني احسنلك لانك مش قدي
جويرية بكبرياء: هو انت فكرني خايفة منك لا انت مين اصلا عشان اخاف منك انت و لا حاجة و انسان تافه
خالد بغضب: انا هوريكي التافه ده هيعمل ايه
و بدء يقرب من جويرية و هي كانت بترجع لوراء
جويرية بتحذير: متقربش احسنلك
خالد بشر: و هتعملي ايه يعني يا شاطرة
جويرية: جرب تقرب اكتر من كدة و انت تعرف
ضحك خالد بشر و اقرب منها لحد ما خبطت في الحيط
خالد: ها وريني هتعملي ايه
و كان هيحط ايده علي كتفها فراحت مسكة ايده و لوتها وراء ضهره بقوة هي نفسها متعرفش جاتلها منين
جويرية: اقولتلك متقربش
و فجاة اقلب خالد الوضع و لوي ايدها وراء ضهرها
خالد: فكرة نفسك قوية اوي
جويرية: ابعد عني يا حيوان
خالد: هتشوفي الوقتي الحيوان ده هيعمل ايه اما ماخليتك تيجي لحد عندي راكعة مبقاش خالد
End flash back
جويرية: هو ده الا حصل لحد ما انتوا دخلتوا
ميرنا باستغراب: رسالة ايه احنا محدش فينا جالوه رسايل
ميادة: ايوة انا ما جليش اي رسايل
جويرية: طب هاتوا الفون و انا اوريكوا
ادتلها مرام الفون و فتحته علي رسالة و ادتهلهم
بصلوها البنات بصدمة
ميرنا: مين الا بعت الرسالة دي
آيات: معقولة نانسي
مرام: لا مش نانسي احنا اصلا اما جينا مكنتش موجودة و كانت جاية من برا لما احنا كنا واقفين مع جويرية
نوران: اومال هيكون مين
ميرنا بتفكير: اكيد حد من طرف خالد
جويرية: و هيكون مين انا مليش عداوة مع حد
ميرنا: لا في
مرام: تفتكري ممكن تعملها
ميرنا: و ليه لا
جويرية: لا مش معقول و انا اذيتها في ايه عشان تعمل فيا كدة
ميرنا: هي طول عمرها بتكرهك و بتغير منك
ميادة: انتوا تقصدوا سرين
مرام: ايوة الزفتة
نوران: بس احنا معندنش دليل عليها و الرسالة دي هتدين نانسي مش هي
ميرنا: صح
مرام: طيب و بعدين هنتاكد ازاي
ميرنا: للاسف مفيش طريقة نتاكد بيها مفيش الا امل واحد
ميادة: ايه هو
ميرنا: الكاميرات بتاعة المراقبة لو هي الا دخلت و اخدت الفون الكاميرات هتكون صورتها
مرام: صح
آيات: و افرضي مش هي الا اخدته
ميرنا: يبقا املنا الوحيد ان خالد يعترف عليها
مرام لجويرية: و انتي ايه رايك يا جويرية جويرية جويرية
ميرنا حطت ايدها علي كتفها فانتفضت جويرية من مكانها
ميرنا: ايه يا حبيبتي ده انا انتي كويسة
جويرية: انا تمام بس سرحت شوية انت كنتوا بتقولوا حاجة
ميرنا: لا مش مهم دلوتي نبقا نتكلم بعدين استريحي
دلوتي
ميادة: معها حق ارتاحي دلوتي
جويرية: اوكي
و بعدين وصلت لميرنا رسالة من يوسف انا هو مستنيهم برا في العربية
ميرنا: معلش يا جوجو لازم نمشي دلوتي لان اخوي مستنينا برا
جويرية: لو سمحتي يا ميرنا اشكريلي اخوكي علي الا عملوه رغم اني مشفتوش بس سمعت الا عمله
ميرنا: حاضر من عنيا يا جوجو
جويرية: تسلمي
مرام: عايزة حاجة يا جوجو
جويرية: عايزة سلامتك يا حبيبتي
نوران: هنكلمك بليل عشان نطمن عليكي
جويرية: ماشي يا نونو
البنات حضونها و بعدين خرجوا
ميادة: ارتاحي شوية
جويرية: لا انا عايزة اقوم عشان اعدل الحجاب و اعدل هدومي عشان اخرج من هنا
آيات: طيب ارتاحي شوية و بعدين ابقي اخرجي
جويرية: لا انا مش هقدر اقعد في المستشفي اكتر من كدة
ميادة: يا بنتي بلاش عند ارتاحي دلوتي و ابقي اخرجي بليل
جويرية بعند: لا انا عايزة اخرج دلوتي
ميادة: انا عارفة انك مش هترتحي الا ما تنفذي الا في دماغك صح
جويرية: ايوة
آيات: طيب اقومي عشان نعدلك الحجاب ده
اقامت جويرية من علي السرير و ميادة و آيات كانوا بيساعدوها بس داخت و كانت هتقع فاقعدوها تاني بسرعة
ميادة: شوفتي مش قولتلك ارتاحي
جويرية بتعب: انا كويسة بس عندي صداع
آيات: خلاص ارتاحي
جويرية: لا انا عايزة اخرج
ميادة: ياربي منك عنيدة
جويرية: انا خلاص بقيت كويسة
آيات: يعني هتقدري تقومي
جويرية: اها
اقامت جويرية و ميادة و آيات كانو بيساعدوها
عند كرم بعد ما اتكلم مع الدكتور راح للموظف الحسابات عشان يدفع الحساب
كرم: لو سمحت حساب المريضة جويرية الشرقاوي
الموظف: الحساب مدفوع يا فندم
كرم باستغراب: مدفوع و مين الا دافعوا
الموظف: الشاب الا كان مع المريضة
كرم في نفسه: يوسف دفع الحساب بجد الواد ده راجل اوي و مفيش في رجولته دي دلوتي
كرم للموظف: شكر
الموظف برسمية: العفو يا فندم
خرج كرم م و راح اوضة جويرية و دخل لقي ميادة و آيات بيساعدوها في تظبيط الحجاب
كرم:خلصتي يا حبيبتي
جويرية: ايوة الدكتور قالك ايه
كرم: قالي انك تقدري تخرجي بس لازم ترتاحي
جويرية: تمام طيب انا خلصت يلا
كرم: ماشي يلا
خرجو كلهم و راحوا عند عربية كرم
جويرية للبنات: يلا اركبوا
ميادة باحراج: لا احنا هنروح في تاكسي
كرم هو بصص في الارض: لا مينفعش اتفضلوا معانا
آيات باحراج: لا معلش احنا هنركب تاكسي.
جويرية: و الله هزعل منكم لو ماركبتوا
ميادة: احم طيب خلاص هنركب
و ركبوا ميادة و آيات في الكرسي الا وراء و جويرية جمب كرم وو صلهم كرم كل واحدة لبيتها و هم في طريق بص كرم علي جويرية لقها سرحانة و ساندة دمغها علي الشباك
كرم: مالك يا جوجو
جويرية: مالي انا تمام
كرم: متاكدة
جويرية: ايوة
هز كرم راسه بمعني ماشي بس من جواه كان عارف ان زكريات الماضي رجعتلها تاني وعارف ان هي حابسة دموعها و ان الضحك الا كانت بتضحكه مجرد قناع بتخفي بيه دموعها
وصلوا للبيت و طلعوا و فتح كرم الباب و اول مادخلوا و شافت ام جويرية بنتها بصتلهم بقلق وخضة
ام جويرية بقلق: مالك يا حبيبيتي وشك اصفر كدة ليه
جويرية بابتسامة: متقلقيش يا ماما انا تمام
كرم: بصي يا امي خلي جويرية تخش ترتاح و انا هحكيلك كل حاجة
ام جويرية: ماشي خشي يا حبيبتي ارتاحي
دخلت جويرية ترتاح و سابت كرم يحكي لمامتها الا حصل و اول ما قفلت بابا اوضتها مقدرتش تسكت اكتر من كدة و انفجرت في العياط و كانت بتحط ايدها علي بوقها عشان تكتم صوت شهقتها بس لما حست انها مش قادرة تسيطر علي صوت عياطها اقامت دخلت الحمام و فتحت الدش و واقفت تحته بهدومها و كانت لسة بتعيط و فضلت تحت المياة لحد ما حست انها ارتاحت قفلت المياة و غيرت هدومها و خرجت واقفت ادام المراية وبصت لوشها الا كان لونه اصفر و عنيها الا حمرة من كتر العياط
جويرية لنفسها: قد ايه انا بقيت بكره صنف الرجالة ده كلهم خداعين انا عمري ما هسلم قلبي لواحد منهم و لا هخلي واحد منهم يدوس علي كرامتي و كبريائي و عمري ما هخلي الحب يعرف طريق للقلبي و ده وعد مني لنفسي
و بعد كدة اقعدت جويرية علي سريرها و سرحت تاني في زكريات الماضي
عند كرم و مامتها حكلها كرم عن كل الا حصل
ام جويرية ببكاء: يا حبيبتي يا بنتي كل ده حصلها
كرم: الحمد الله يا امي ان ربنا بعتلها صحبتها و اخوها في الوقت المناسب فهو بعد ربنا ليه الفضل ان جويرية بخير
ام جويرية بدعاء: ربنا يحفظه يا بني و يخليه لاهله و يحفظلي بنتي
كرم: آمين بس بالله عليكي بلاش تعيطي اودمها الدكتور قال ان مينفعش تتوتر و لا تزعل
ام جويرية: ماشي يا بني
كرم: طيب انا هقوم اطمن عليها و بعدين ارجع الشغل تاني
ام جويرية: ماشي يا بني و انا هقوم اعملها حاجة تاكلها
كرم: ماشي يا امي
دخل كرم اوضة جويرية لقها سرحانة راح اعد جمبها
كرم: جوجو
فاقت جويرية من سرحانها علي صوته
جويرية: نعم
كرم: عاملة ايه دلوتي
جويرية: الحمد لله
كرم: انتي تعرفي اخو صحبتك ده
جويرية: لا انا اصلا ماشفتوش انا اقولت لميرنا تشكرهولي
كرم: انا شكرته و اتكلمت معه و بقينا اصحاب بس بصراحة الا زيه بقوا قليلين دلوتي
جويرية: اشمعنا
كرم: الاول انقذك من الحيوان ده و بعدين جابك المستشفي و كمان هو الا دفع الحساب و كل ده و هو ميعرفكيش
جويرية باستغراب: كمان دفع الحساب
كرم: ايوة
جويرية: غريبة يعني
كرم: مهو عشان كدة بقولك الا زيه قليلين
جويرية: امممم
كرم: ماشي انا هقوم دلوتي عشان ارجع شغلي
جويرية: ماشي ربنا يعينك
كرم: يارب يلا سلام
جويرية: سلام
خرج كرم و رجع شغله
*********************************
علي الجانب التاني كان يوسف بيوصل البنات
ميرنا:يوسف دلوتي ايه الا هيحصل للزفت ده
يوسف بهدوء: المفروض صحبتك هتروح تقول اقولها و بعد كدة هيتعرض علي النيابة
مرام: احسن عشان جويرية ترتاح منه
يوسف: ترتاح منه ليه هو كان بيعمل ايه
ميرنا: كان دايما بيضيقها و بيقولها انه معجب بيها بس طبعا جويرية مكنتش بتديله وش
يوسف: و ليه صحبتك ما قالتش لحد من اهلها
مرام: جويرية من النوع الا بتحبش تضيق حد بمشاكلها او تطلب من حد مساعدة عشان كدة ما قالتش لحد
هز يوسف راسه بمعني ماشي و ركز في الطريق وصلوا عند البيت
ميرنا: انت هتروح القاهرة دلوتي
يوسف: اها
ميرنا: ماشي لا اله الا الله
يوسف: محمد رسول الله يلا اطلعوا
نزلو البنات و يوسف مشي و طلعوا البنات البيت و او ما دخلوا قابلتهم نجوي الا كانت واقفة في البلكونة و شافتهم
نجوي باستغراب: في ايه يا بنات يوسف لسة ما سفرش و انتوا كنتوا معه بتعملوا ايه
ميرنا: هقولك
حكت ميرنا لنجوي كل الا حصل
نجوي بحزن: الحمد الله ان ربنا بعتكم ليها في الوقت المناسب
ميرنا: فعلا الحمد الله
نجوي: يلا ربنا يحفظها لاهلها البنت دي اكتر واحدة في اصحابكم دخلت قلبي من يوم ما شوفتها دمها خفيف و محترمة
ميرنا: معكي حق جويرية بتدخل القلب علي طول
نجوي: يلا الحمد لله ادخلوا غيروا هدومكم وتعالوا عشان تتغدوا
مرام: اوكي
دخلوا البنات غيرو هدومهم و ميرن اتصلت علي جويرية و اطمنت عليها و خلص اليوم ده من غير اي احداث جديدة
*********************************
تاني يوم في بيت جويرية صحيت جويرية من النوم و خرجت و شافت مامتها بتحضر الفطار
جويرية: صباح الخير يا مامتي
ام جويرية: صباح النور يا حبيبتي ايه الا قايمك مش كنت ترتاحي شوية
جويرية: انا الحمد الله بقيت تمام
ام جويرية: ماشي تعالي عشان تفطري
اقطع كلامهم جرس الباب
ام جويرية: خليكي هفتح انا
جويرية: ماشي
راحت ام جويرية فتحت الباب لقت ست في الربعينات
ام جويرية: مين حضرتك
الست:........
بقلم/امنية اشرف
********************************
كدة انتهي البارت
عايزة رايكم فيه و يا تري مين الست دي؟
و عايزة رايكم في شخصية يوسف و جويرية ؟
دامتم سالمين