ليش يادنيا؟.

part 10

ثاني يوم الصبح قامو كلهم من وقت عشان يجهزون اغراضهم وكل واحد يرجع بيته ف غرفه هند
عليا: ياربييه ماودي اروح
هند: ولاا اناا اوفف
عليا: صدق صدق استانسنا هاليومين
هند: هيهه وايد ولازم وان شاءلله مره ثانيه بنكررها
عليا: هيه هالمره ف بيتنا
هند: ان شاءلله
نزلو كلهم تحت وكان وقتها الساعه ١ ونص
لطيفه وهيه طالعه من المطبخ: ي جماعه الغدا جاهز تغدو وعقب روحو
حمد: صح بنسيرون البيت ماشي غدا وانتو يواعه
راشد التفت لخواته: بتتغدون؟
عليا هزت جتوفها: عادي
مها: هيهه انا يوووععااننههه
راشد: ههههههه انزين يلا
وراحو يتغدون وخلصو غدا وطلعو
قعد حمد عالغنفه: احس تعودنا عليهم
هند فصخت شيلتها وانسدحت ع ريل حمد: هيييهه اففف
تم حمد يلعب ف شعرها ويسولفون ولطيفه تتابع فلم فالتلفزون وسيف كان ع فونه والتوام فوق شوي وانفتح الباب.......

عند نوف كانت قاعده عنده ع المكتب وتخطط وياه
نوف: خلاص اتفقنا؟
......: هيه خلاص ، بس ترا الدفع مسبق ي حياتي
نوف: اوكيهه بس ترا الخطه اباها يوم الثلاثاء
......: شمعنه الثلاثاء؟
نوف بضحكه: لانه رشودي دوامه يوم الثلاثاء طوييلل ف مارح يدري من وقت وب جذي ي محمد راح تتعذب الحب اكثر "وغمزت له"
ضحك محمد: والله انج داهيه
نوف: اعجبك هههههههههههه
محمد بخبث: خلاص اتفقنا ع يوم الثلاثاء والحين توكلي ع الله
طلعت نوف من عنده وتم يفكر "هذا وقتي ي نوف انتقم منج عاللي سويتيه فيني اخخ ي نوف عيل انا تغدرين فيني وتضيعين سنتين من حياتي فالسجن؟؟ "ابستم" هه ومع ذلك ترجع تشتغل معاي غبيه والله غبيه هههههههههههههههههه"

-سالفه محمد مع نوف راحت معاه شقه دعاره وخلته يسكر واشتكت عليهم وانسجن محمد سنتين-

عند ندى الساعه ٤ ونص واخوانها كانو يالسين عالبحر ويسولفون وياكلون ويضحكون
ندى: بنات اسمعوني شوي
ايمان: هلا؟
ندى بتردد: اا ممم
طالعها فهد وابتسم لها يطمنها
ندى: احم في واحد خطبني بس انا متردده ماعرف اوافق ولا لاء اخاف اوافق واخليكم روحكم وانا اللي مربتنكم مابي اخليكم بروحكم
ايمان: ندويي الله يخليجج وافقي خليناا نطلع من هالعيشه الخايسه خلينا نطلع ونشوف الدنيا نفس الناس الله يخليج
امنه: صحح والله وافقي ولاتترددين نحن بنكون بخير ونحن دوم بخير من بعدج لاتحاتين
فاطمه: صدقيني سعادتنا من سعادتج نستانس يوم نشوفج مستانسه ونزعل يوم نشوفج زعلانه ونحن الحين بنستانس يوم بنشوفج عايشه حياه كل حد يحلم فيها
تمت ندى ساكته تفكر ف كلامهم
ايمان: انزين هو قوم شو؟
فهد: اخو ربيعي قوم ال....... مب وايد اغنياء ولا فقاره فلوسهم تسدهم ، وانا سألت عن الريال عاقل وخوش ريال سيده ماعنده حركات المراهقين عمره ٢٧ يشتغل دكتور ف الجامعه اللي فيها ندوي والريال شارنها ويبيها
ايمان: بسس انزين دامه زين ويدل درب ربه وشارنج ويبيج خلاص استخيري و وافقي
امنه: صح ندوي الحين انتي هاالريال الكم يخطبج وترفضين؟
ندى: انزين انزين كلتوني خلوني ارد البيت وبستخير وبشوف
كملو يومهم عادي وعقب ردو البيت

بيت بومايد وهم قاعدين شوي وانفتح الباب كلهم رفعو راسهم يشوفون منو اللي ياي شافو بومايد وام مايد معاهم واحد على طول لبسو شيلهم هند ولطيفه
هند: ماما انزين قولي بنشير فوق مب جيه مدخله علينا الريال
سيف تم يطالع الريال بشك وابتسم له الريال وبانت غمازته سيف يوم شاف الغمازه انصصدمم وشهق بصوت عالي ضحك الريال عليه وراح سيف ركض يحضنه وسط استغراب الجميع
سيف وهو يدمع: يالحيوان ماتستحي ماتخبرنا انك بتيي
الريال: هههههه ياخ سبرايز لا
حمد سمع صوته وانصدم هو الثاني وراح له وبعد سيف وحظنه
حمد: لكك وحششهه ي حمار
الريال: وانتو ماتعرفون ترمسون عدل لازم بالسب؟
بعد حمد عنه والريال تم يطالع هند ومبتسم وهند مستغربه "خيير شهالوقاحه يطالعني جيه مايستحي ها"
الريال: هنودتي مابتين تسلمين علي
انصدمت هند محد يقول لها هنودتي الا هوو "لالالاااااااا مو معقول هذا هو شكله غير مستحييلل"
الريال: هيهه هيهه اناا تعالي هههههههه
هند:..........

-الفليل ان شاءلله راح اكمل-

.