ليش يادنيا؟.

part 9

في نفس البيت بس عند راشد
راشد: شباب رقدتو؟
حمد: هيه راقدين
ضحك راشد: سبحاان الله ، افف انا مافيني رقاد
لف حمد الجهه الثانيه وتلحف: انزل تحت شوف تلفزون واكل
راشد: سواف مابتنزل وياي؟
سيف: لا والله مسطل مافيني
قام راشد ونزل تحت ودخل المطبخ وشافه ظلام توهق مايعرف وين مكان الليتات تم يحوس يحوس يحوس لين دعم الطاوله طلعت صوت
راشد بهمس: اففف شتت
وتم يتلمس الاشياء لين م وصل للثلاجه
راشد: افف اخيراً تو بيفتحها انفتح الليت الصغير وتم واقف ماتحرك وهو يقول بقلبه "يارب وحده من خواتي يارب وحده من خواتي" وسمع صوتها الناعم "سوافي شعندك هني " غمض عينه وهو مبتسم وحس بلمسه ايدها ع جتفه ولف ويه له وهو مازال مبتسم شافته هند وشهقت ويت بتطلع بس مسك ايدها
راشد بترجي: خلج خلج والله مابسوي شي بس برمسج
وقفت هند وهيه متوتره: اا انزين هد ايدي
هد راشد ايدها وهو يحاول يشوف ملامحها اللي ماتبين عدل بسبب الظلام ونور الليت الخفييف
راشد: هنوده اتوقع علايا خبرتج صح؟
هند: هيه بس....
وقاطعها راشد: اوشش انا مابا اسمع شي بس انا برمس وانتي بتسمعيني بدون مقاطعه اوكيه؟
هزت راسها بالموافقه وهيه تترياه يرمس
راشد: اللي بقلبي مب حب اكبر من الحب من كنت صغير وانا اسمع اهالينا يقولون هند ل راشد وراشد ل هند وقتها كنت اضحك ماكنت افهم بسوالف الحب لكن الحين عرفت شو يعني الحب من شفتج اخر مره ف عرس مايد وانا قلبي يدق وماوقف توقعت مجرد انعجاب لاني من زمان مب شايفنج بس تأكد من مشاعري تجاهج يوم ييتي بيتنا قبل لانسافر ألمانيا ووقتها عرفت ان اموت فيج مب بس احبج ، هنوده انا احبج والله اموت فيج واتمنى انج تبادليني نفس الشعور واذا ماتبين هذا شي راجع لج وهذا قرارج وقلبج "وسكت"
تمت هند ساكته م تتكلم ودموعها هيه اللي تتكلم انصدمت ماتوقعت انه يحبها ويبادلها نفس الشعور ، استغرب راشد سكوتها وشافها طولت وهيه منزله راسها نزل لمستواها وشاف دمعوها انصدم من دموعها وتضايق توقع انها ماتبيه ومشو بيطلع من المطبخ بس حس بأيد تمسك قميص لف صوبها وشافها ماسكه قميصه وتمسح دموعها وتحاول توقف صياح وهيه تشهق مسك ويهها راشد ومسح دموعها بعدت عنه شوي واخيرا تكلمت
هند: ماتوقعت بي اليوم اللي اسمع فيه هالكلام توقعت ان بتزوج وانا بعدني ما اعترف لك بحبي "وتمت تشاهق" راشد انا احبك والله وكمن زمان وانا اتريا هاللحظه وهاليوم "وابتسمت وسط دموعها" ماعرف ليش اصيح بس يمكن من الوناسه
ماتحمل راشد شكلها الطفولي وخدودها وخشمها المحمرين من الصياح وشعرها الطووييل وبجامتها الطويله وحضنها تم حاضننها وهو يعرف اللي يسويه غلط وفجأه........

عند عليا فالصاله شافت هند تأخرت عليها دخلت المطبخ وشافت هند وراشد تراجعت وتمت واقفه ورا الباب وتسمعهم وسمعت حديثهم كله وتمت تشوفهم وهيه مبتسمه لييين م شافت راشد قرب بيحضن هند وشهقت على طوول بصوت عالي من الصدمه

عند راشد سمع شهقه يايه من برع بعد عنها على طول والتفت للباب وشاف عليا اخته ضحك وهو يشوفها تتوجه لهم
عليا وهيه توقف يدام هند واونه معصبه: انت ماتستحي تحضنهاا؟؟
ضحك راشد وسحب هند من ورا عليا ويابها صوبه: كييفي حبيبتي
عليا: صدق انك قليل الادب تخيل حد من اخوانها يدخل؟
راشد: اخوانها رقود وخلاص مايهمني شي دامها صارت حبيبتي وقريب زوجتي وام عيالي
انحرجت هند وغطت ويهها بظهر عليا
عليا: زين لك الحين البنت استحت
راشد: فديت المستحين
هند: ااااا انا بسير فوق
وطلعت ركض ع فوق التفتت عليا راشد شافته يشوف المكان اللي طلعت منه هند ومبتسم  راحت له وحضنته
عليا: حبيبي اخوي والله م تتصور كيف كنت مستانسه وانا اشوفكم تعترفون لبعض الله يخليكم لبعض ان شاءلله
ابتسم راشد: ان شاءلله ، ويلا الحين سيري فوق شوفي هالهبله
عليا: ههههههه ان شاءلله
وراحو فوق

فالغرفه دخلت هند وانسدحت على طول وتمت تفكر فيه وهيه مبتسمه "اخخييررا اخيرا يا اليوم اللي انتظره الصراحه موول م توقعت انه يحبي ولا ١٪‏ والله بس جد انصدمت منه "وسكتت وهيه تتذكر كيف حضنها وانحرجت" دخلت عليها عليا ولقتها مبتسمه وسرحانه بندت الليت وانسدحت يمها
عليا: يالعاشقه الولهانه
انتبهت لها هند ولفت صوبها: هاا؟
غمزت لها عليا: ها شو الحضن عسى يازلج؟
ضربتها هند وهيه منحرجه: ججب جبب
ضحكت عليا: ههههههههههههههههههههههههههههههههه
تلحفت هند: نامي نامي
عليا: هههههههه انزين يلا تصبحين ع خير
ورقدو

.