ترياقي

7

بعض البشر ك الاوطان فراقهم غربة
وبعض البشر ك الأرواح فراقهم ممات
وآخرون ك الأمراض فراقهم حياة

في الشركة
بعد ما فرشو المكتب باثاث فخم وانيق بيدل على زوق اصحابو اختارو اللون البني الغامق مع الاسود
مهند قعد في الكرسي وقال ل حسام
- ياسلام على زوقي المكتب تحفة طلعت خطير ي مهند 😉
- حسام هههههه على اساس اخترتو براك 😒لولاي كنت سوتها علينا😂 (مهند بحب اللون الاسود عكس حسام بيكره الأسود لدرجة لو لقى طريقة يشرب القهوة بيضاء ،، للمبالغة بس😂)
- مهند : قاعد ب مزاج وبتهظر قوم عندنا شغل كتير
- حسام : 😦 انت البديت الهزار
- مهند طيب خلينا جادين شوية اولا لازم نعمل إعلان للشركة ونوري الناس شغلنا وتصاميمنا ، انت اعمل الاعلان في الصحف والقنوات وانا خلي لي مواقع التواصل الاجتماعي،
- حسام تمام ظابط ماتنسى برضو عايزين سكرتيرة
- مهند : كويس انك اتذكرت اعمل إعلان ولازم يكون ولد
- حسام لا طبعا انت كدا حتنكدا علينا عايزين نضيف لمسة أنثوية للشركة
- مهند : طيب ي عم الحبيب انت بس لازم تتوفر فيها الشروط دي : تكون جامعية وبتجيد اكتر من لغة وعندها خبرة في شغل السكرتارية
- حسام 😒كدا ماصعبتها لو الشروط دي متوفرة البخليها تشتغل سكرتيرة شنو
- مهند : انت ماعارف حال البلد دي مافي زول بيشتغل في مجالو انت بس اكتب الشروط دي ولو مالقينا بعد داك نقلصها ، اوك
- حسام مية مية👍🏽
- مهند: على فكرة دي اغنية ل شريف الفحيل😉
- حسام ي راجل صدقني ماكنت عارف وضربو في راسو ضربة خفيفة
- مهند اااااخ يدك الناشفة دي تقول مابتاكل
- حسام ب مناسبة الاكل وين السندوتشات وخت يدو في بطنو انا جعت ياخ
- مهند بسم الله متين جردل الخبيز اتهضم
- حسام قول ماشاءالله ماتسحرنا وبعدين انا بسوق السواقة دي حارة والله 😜
- مهند : هههههه هاك السندوتشات صحة وهناء خلي لي معاك والا بشتكيك ل امي
- حسام وهو بياكل بحاول 😉
🍂
🍃
.
.

قوارير فضه لونك ياالضويتي فريقك
شكلك منهضم ناعسه ومناطره بريقك
عودية ملوك في غرور مهاوي شريقك
مزاج كافور وعين السلسبيل من ريقك

مروة شوية شوية قدرت تتخطى الصدمة وترجع ل حياتها العادية بس بقت تخاف تطلع براها وكل مايلقو ليها شغل بترفضو
- نهلة سيبيها ي صفاء ب راحتها مع الأيام حتنسى
- صفاء انا عايزا راحتها قعاد البيت حيخليها تفكر كتير بس الشغل حيشغلها
- فاهماكي لكن اديها فرصة تتأقلم على وضعها
- صفاء طيب انا حمشي ع الشغل الليلة اتاخرتا انتي ما ماشة
- نهلة : حطلع متاخرة عندنا محاضرة واحدة
- طيب يلا ل بعدين ✋🏼
.
.
.
.

في الجامعة
تحت شجرة ظليلة أطلق عليها الطلاب شجرة العشاق💞

- عارفة ي ميرال انا نفسي الأيام تعدي براحة والسنة دي ما تنتهي عشان اكحل عيوني ب شوفتك لما اكون معاكي ما بحس بالزمن كانو الزمن بتوقف عندك...  الغريبة الساعة جمبك تبدو أصغر من دقيقة .... والدقيقة وانتي مافي مرة ماااا بنقدر نطيقها
- ميرال : ماعرفتك ود الأمين مرة واحدة انا كدا راسي حيكبر وحفتري عليك
- بتعمليها اصلا الخواجات ديل ما عندهم ضمان
- 😡 قلت شنو انا ما خواجية انا سودانية ابوي سوداني وجدي سوداني ذنبي شنو انو امي فرنسية ولا مسيحية مافي زول بيختار اهلو واهلي عاجبني ليه كلكم بتعاملوني بالطريقة دي حتى انت ي هوبا 😒 ماكان العشم
- ي بت اهدي مالك فورتي كدا انا بهظر معاكي وبعدين لو امك ما كانت فرنسية ماكنتي ح تكوني بالجمال دا والخلطة العجيبة دي بالذات عيونك القاتلاني بيها دي احلى عيون والله
- ريم : عيوني انا صح 😘
- هوبا : شنو انتي جايا داخلا توووش كدا ماشايفانا مندمجين لازم تعكنني علينا اللحظة الرومانسية دي
- ريم : ايوة انا كدا بموت في فعل الخير
- هوبا : ابو حلتك زاتو
- ريم : حلة ولا جردل😂 قومو خلصوني المحاضرة بدت
- ميرال : امشي ي مرض انا عايزا هوبا في كلمتين
- ريم : قلتي شنو 😏
- ميرال : قلت ليكي ي حلوة 😁حنجي وراكي
- ريم : أيوة كدا 😀 يلا ماتتاخرو باي
✋🏼 ✋🏼
-هوبا : عايزا تقولي شنو
- ميرال : انت عارفني انا بحبك بس اهلك ما موافقين وابوي من غير اهلك ما ح يوافق انا زاتي ما بقبل ب ناس ماعايزني
- هوبا : حبيتي انتي انا ما حتخلى عنك ختي الكلام دا في راسك من غيرك انا بموت واهلي خليهم علي انا بقدر اقنعهم '' انتي ماعندك ثقة فيني
- ميرال : واثقة فيك حبيبو بس الظروف
- هوبا : ماتشيلي هم كل مشكلة وليها حل خلي الموضوع دا علي وماتشغلي بالك بيهو يلا نحصل المحاضرة عشان البروف مايطردنا
- ميرال بابتسامة عريضة 😃 يلا
🍃
.
.
.

صفاء رجعت من الشغل وبعد سلمت عليهم قعدت في السرير جمب كرعين ابوها
- بقيت كيف ي ابوي
- الحمد لله نعم الحال وهو دموعو على خدو... اعفو لي ي بناتي مفروض انا الاصرف عليكم انتو تقعدو وانا اشتغل بدل قعادي كدا بدون فايدة ان شاءالله اموت واريحكم

- استغفر ي ابوي دا كلام شنو كفاية وجودك معانا انا لما اشوفكم بحس الدنيا لسه ب خيرا ربنا مايحرمني منك ومن امي ويطول لينا في عمركم ... انت ماقصرت قدمت لينا كل البتقدر عليهو والمرض ما بيد زول دا امتحان من ربنا ولازم نصبر
- ونعم بالله ي بتي الله يكملك ب عقلك ويعوضك بابن الحلال
- شفت دعوتك دي بالدنيا 😍 (اتقلي شوية😉)
- امها انتي ي صفاء من متين بتقري جرايد
- لقيت فيها إعلان ل شغل قلت يمكن بينفع مع مروة هي وين
- ك العادة في غرفتها الله يهدي سرها
- طيب انا حمشي عليها

صلو على رسول الله