ألجشمه

الجزء الحادي عشر

❤مساء المحبه💗
.....الجشمه...

صرت أشد
جرح فوكً جرحي
من الله لاينطيج
يلدنيا
اخيط جرح ينفتك ثاني
ارد اكوم على رجلي
ثاريها مكسوره من خلي
اداري يا جرح منهن
جرح حبيب
جرح صديق
جرح ناسي
شوكلها تريدك مجروح
كلها تشمت من بابك مفتوح
كلها تكلك لاتكوم
ضل مكانك مطروح
واكلهم الدنيا علمتني
الجرح مايموت الجرح يقوي

ذياب:طلعنا ولفت المراي على كًمر اريد كلساع ابوك
نظره من هل كًمر وهي ملتهيه ابنتها الزغيره
والجبيره نايمه على رجلها اخ ياكمر جرح بحلكها
اشبيك ذياب جاي تتغير هل عشك دمرك
اي دمرني ماتطيني مجال
ولج احبج يابنت كًلبي
اقراء المعوذه عليج
خاف احسد روحي
لان كاعده يمج

اباوع
غيد تعبانه اول مامشينا نامت لان اليل مانمنا
هاي الحظه هم ادوم والحظ يكًربلي لأن

رفيقت دربي
وحبيبت قلبي
مابين الرفقه
وبين الحب
سعادتي

كًمر الزمن يوكف من اشوفها احاول مااباعلها
لان اضل صافن عليها وعلى كل حركه اسويها
واني اسوق

درت المرايه تعبت زوجتي من شهرين
بس نظرات بينا اخ يا كًمر جرحتيني
مااريدها الا من تريدني
احسها تبعد...... كعدت غيد من النوم

نوم العوافي يارفيقت دربي
كومي
هاي استراحه ومطعم

عين للمحبوبه وعين الرفيجت الدرب فتحت الباب الغيد نزلت وكمر ماكدرت تنزل بنتها بحظنها مديت راسي اخذ بنتها من حضنها وتقربت
من عدها اجى يطيح عكالي واني اسحب بنتها

خلت ايدها على راسي تكضه ضليت اباوعلها
وهي تباوع وتنزل عينها كالت تعبتك شيخ
محتار ابلمستها بنظرتها
نزلت عينها اريد اشوف عيونهااقراها
بلجن بيها ولو جزء اهتمام اخ يلجمشه

لاولا يهمج حسبت
بنياتي هنه وملزوم منهن كالت ربي يعلي بايتك

شلت بنتها اخذتهم للمطعم غيد طول الطريق
اتسولف وي كًمر هاي اول خطوه يارب يتوافقن
ومايتعبني بغيرتهن دخلنا طلبت ريوك بس كًمر
متخردله بلمطعم جٍن اول مره تدخل

يابه كًولي شطلبين كالت بكيفك
غيد كالت شطلب اني جيب الكًمر
طلبنا أكل نزلت بوشيها من اجى العامل
تاكل من جو البوشي غيد تحاجٍيها رفضت

كًمر شيلي شسوين ولج كالت مااعرف استحي
ميخالف شيلي
ها مااكدر متعلمه
ولج شيلي ادمرتي اشبيج تاكلين
من جوه البوشي كمت درت عليها
شلت البوشي هسه بنيتي اكلي
كوه كلت جٍم لكًمه لان زمختها
اشرت الغيد تاخذها تغسل
لان من كد مااستحت تلفت بوشيها
غسلت ايدي اباوع للمرايه علمغسله
اذياب اثكل مو هيج نشفت ايدي
حاسبت المطعم طلعت انطرهن يم السياره
اباوع الكمر من بعيد تمشي على كيف
شايله بنتها
متانيه غيد طلعت باكيت ادخن واني
شوكي الها يزيد كل خطوه اباعلها
من تمشي جن تمشي على كًلبي
كل نفس من جكاره اطلعه
وياحسرة حب
حسرة لهفه
طفيت الجكاره برجلي رحتلها الهوى عالي
وعبايتها وبنتها اتخردلت جيبي زنوب
لا متانيه شيخه غيد
بنت كًلبي اسمعي الحجي مره وحده مني
اخذت بنتها منها روحي للسياره
اني اتاني غيد خايبه دمشي اشبيج