سارة--دخلت الى المنزل وكنت اضحك نرجس:صباح الخير ....سارة:صباح النور نرجس:سمعت صوتكم بالباب خير صاير شي؟؟؟ سارة:لاماكو شي راح اودي التؤام للمدرسةوارجع انتي ضالة بلبيت؟ نرجس:اي ضالة بقي علوش يمي سارة:اوك باي اخذت التؤام للمدرسة وعدت للمنزل كنت اتذكر ماحصل صباحا" وابتسم نرجس:ممكن سؤال سارة:تفضلي نرجس:شكد صالج تشتغلين هنا؟ سارة:شهرين تقريبا" نرجس:شهرين؟؟؟؟معقولة سارة:ليش نرجس:لان كل مربيةنجيبهة متطول اكثر من شهر من ورةالتؤام سارة:ههههه اي كالولي بس اني اختلف خليت التؤام يحبوني صح بالبداية جانو هواي يضوجون مني بس كامو يحبوني نرجس:اوك حلو اني طالعة اذا صار شي اتصلي بية او بوسام ماكو فرق سارة:ماشي... نرجس--جلست بسيارتي افكر بوسام ياترى هل وجد فتاة؟هل دخلت فتاة الى حياته في فترةغيابي؟بالتأكيد لا لو كانت هناك فتاة لعرفت كما انه اخي واعرفه جيدا لايتقرب الى فتاة حتى وان اعجبته مالم يتدخل طرف اخر ويساعده علي ان اتصل باحمد لنتكلم عن هذا الموضوع اتصلت به فأعطاني رفض رميت هاتفي وغضبت لما رفضني هذا الاحمق؟ ايعقل ان يكون مشغولا" مع حبيبته النحيفة ذو عنق الزرافة؟ لايعقل حضرته يتسلى مع حبيبته وانا احترق عليه لم تحزر ياسيد احمد سأفسد متعتك قدت السيارة وتوجهت نحو الشركة احمد--حلت استراحه الغذاء فذهبت مع سوزن كالعادة وبينما كنا نتناول الطعام رن هاتفي انها نرجس تعمدت ان ارفضها لتغضب واحرق قلبها كما حرقت قلبي صباحا اعرف بأنه ستخطر الف فكرة بعقلها وستتسائل لم رفضتها وتغضب ههه نرجس--دخلت الى الشركة وكانت الانظار علي ويشيرون علي بأصبعهم لأني ارتدي الحجاب لم اكترث لهم وتوجهت نحو المكتب الذي يعمل به احمد لم يكن هناك فجلست انتظره بعد دقائق دخل المكتب ويمسك بيد سوزن نظرت اليه ورفعت حاجبي احمد:اووو سلطانةنرجس هنا نورتينا نرجس:شكرا ونظرت الى سوزن باستحقار اكول شو كلما اجي لهنا اشوفكم لو تتباوسون لو مكمكشين واحد بيد الثاني شنو شركةهنا لو ملهة معقولة ميشوفكم رئيس الشركة؟ احمد:احترمي نفسج شنو هالحجي وبعدين حبيبتي ماشبع منهة شسوي يعني لازم كل دقيقة بوسة نرجس:يكاد راسي ان ينفجرمن الغضب لكني تمالكت نفسي ونهضت .اريد احجي وياك بموضوع من بعد اذن هاي ام ركبة احمد:ههههه كلساع مطلعتلهةلقب ساعة معصعصة ساعة ام ركبة سوزن:عن أي شيء تتحدثون ومن تكون هذه هل تعمل معنا؟ احمد:انها صديقتي وتكون اخت وسام سوزن:اوو اهلا بك ِ مددت يدي لأصافحها نرجس:وبكِ ايضا" وصافحتها من بعد اذنك اريد اختطاف حبيبكِ لدقائق سوزن:خذو راحتكم سأذهب لمكتبي احمد:تعالي دخلي جوه نحجي براحتنه نرجس:اوك احمد:اي شنو هذه الموضوع؟ نرجس:الموضوع يتعلق بوسام اعتقد حجيت وياك قبل لاروح كتلك نشوفلة وحدة احمد:اي لكيتهة هالوحدة نرجس:صدك؟؟ الي ابالي هية الي ابالك صح احمد:ليش انتي هم تعرفين طيبة؟؟ نرجس:طيبة منو اني اقصد سارة احمد:سارة؟؟؟ نرجس:اي خوش بنية وحبابة ولو ماعرفهة هواي بس مبين عليهة احمد:لاعيني لا اني لكيت قبلج وعرفتهة علةوسام هم نرجس:منو هاي بلة وين لكيتهة روايني صورتهة وذا معجبتني نختار سارة احمد:اي موهوة بكيفج ماعدي صورتهة تعاي اعرفج عليهة هيةتشتغل ويانه بالشركة نرجس:اوك امشينة نزلنا للطابق السفلي فأشار احمد الى فتاة طويلة ذو شعر احمر كيرلي وجاءت الينا فورا احمد:سلام طيبةشلونج طيبة:هلةبيك زينه اني وانته... احمد:تمام ردت اعرفج علة اخت وسام نرجس طيبة:اووو ياهلة تشرفت بيج نرجس:الي الشرف حبي احمد:تعالي ويانه نشرب قهوة واعرفكم ع بعض طيبة:لاحمودي اعذرني عدي شغل هسة خليهةغير مرة احمد:اوك اخذي راحتج طيبة:مع السلامه نرجس:الله وياج احمد:اي نونو شرايج بيهة ذوقي حلو مو نرجس:ماعجبتني طويلة واني اريد وحدة قزمه مثل سارة احمد:لويش بلة ترديهة قزمه؟ نرجس:علمود يطلعون جهالهم سنافر كيوت😍 احمد:لابلة مالج دخل وسام عاجبته البنية لتدخلين خليهةعلية نرجس:خوماكو شي كتلك معجبتني اريد سارة وبعدين سارة اقرب الة نكدر نجمعهم بسهولة هاي طيبةبعيدة شلون نقربهم احمد:موبالقرب والبعد هية كتلج خليهة علية نرجس:موعلةكيفك اني اخته وادرةبمصلحته احمد:واني صديقة واعرفةكلش زين نرجس:شتعرف بلة؟ احمد:ميحب القزمات نرجس:بس هو راح يحب سارة احمد:واني اكول راح يحب طيبة نرجس:تتراهن؟ احمد:اوك بس علةشنو؟ نرجس:الخسران ينفذ اوامر الفايز لاسبوع كامل احمد: حلو نشوف نرجس:نشوف عند حلول السابعة مساء" وسام--عدت الى منزلي وكنت امشي بصعوبة لان كاحل قدمي يؤلمني لااعرف اذا كانت هذه الفتاة تمتلك قدم انثى ام ديناصور!! نرجس:وسام هاي شبيك تكزل شبيهة رجلك؟ وسام:الكاحل مال رجلي يوجعني سارة--كنت العب مع علوش فسمعت صوت وسام يلةحبيبي علوش اني اروح اجة ابوك علي:خليج شويةبعد سارة:لاحبيبي ميصير هيةهاي ساعات عملي من يجي ابوك اغادر يلة باي باجر نكمل لعب علي:ماشي روحي خرجت من الغرفة فرأيته يتكلم مع نرجس يلةجماعة اني اترخص مع السلامه وكنت ارتدي جاكيتي نرجس:ماشي الله وياج تذكرت كلام احمد ومراهنتي معه علي ان اتصرف بسرعة واقربه من سارة لحضة سارة سارة:هاااا نرجس:ابقي ويانه تعشي ونتعرف ع بعض اكثر هم وسام:خليهةتروح اكيد امهةقلقت عليهة نرجس:لاشنو صغيرة هيةقابل ابقي نتعشةسوةلاترديني سارة:ماشي ماعدي شي هسةاخابر امي واكلهة اتأخر نرجس:اوك اروح للمطبخ اجهز العشةكملي ولحكيني وسام:اني رايح اسبح سارة--استغربت من تصرف نرجس واصرارها لبقائي لكني فرحت لاني سأبقى اكثر مع وسام اتصلت بوالدتي واخبرتها اني سأتاخر ولم تعترض ذهبت للمطبخ لاساعد نرجس بقت تحدثني عن نفسها ودراستها نرجس:انتي ادرسين؟ سارة:اي كلية هندسة مرحلةثانية بس تركت هالسنه علمود اجمع مصاريف الجامعة نرجس:اها زين من شوكت تشتغلين مربية؟ سارة:قبل خمس 3تقريبا جنت اشتغل بين فترة وفترة وبفترة دراستي اعوف هالشغلة نرجس:اوك حلو عجبتيني تحبين تعتمدين ع نفسج سارة:شكرا😊انتي ماكتيلي شنو ادرسين؟ نرجس:خريجةهندسة وجاي اشتغل بشركةالحمد لله بس هالفترة ماخذه اجازةعلمود ارتاح شويةمن السفر --سارة:حلو ربي يوفقج نرجس:التوفيق للجميع حبي يلة تعاي نجهز الاكل وصيحي للاطفال سارة:اوك رتبنة المائدة ودخل احمد نظر الى سارة وتفاجأ احمد:هاي شنو سارةاليوم هنا نرجس:اي عزمتهة عالعشة وغمزت له احمد:اوو فهمت بدت خطط الانسةنرجس نرجس:اسكت لتفضحنه ويلةبدل وتعال عالمائدة احمد:اوك دقايق واجي لحد ياكل انتضروني جلسنا نتاول الطعام وكان الاطفال فرحين لان سارة معهم نرجس:وسام ماكتلي شصار برجلك ليش توجعك؟ وسام:فارة سمرة داست عليهة ونظرت الى سارة التي كانت ستنفجر غضبا" وضحكت سارة:هل ينعتني بالفارةالسمراء؟ ياله من غبي نرجس:مافهمت ليش هو اكو فارة لونهة اسمر؟؟ احمد--كان الطعام يملأ فمي وتكلمت اكو اكو فارة سمرة وفارة بيضة هم ونظرت الى نرجس سارة:اشو ذولة يستهزئون بينة ؟؟؟ نرجس:عوفيهم مضغوطين احمد:ديلة عيني من شنو ننضغط شلون فارات ثنين عاد نرجس:من طولك هسة اشو سوزن اطول منك وسام:هههههههههه كافي يابة خلناكل بسلام بس تلغون موفشلةمن الضيفة سارة:لاعادي اخذو راحتكم نرجس:ياضيفة شتحجي انتة سارة راح تصير جزء من العائلة احمد:شنو راح تزوجيهة نرجس:دنجببب قصدت راح تكون صديقتي سارة:الي الشرف اكو صديقتج حبيبتي نرجس:يكلبي احمد:دكافي لواكه وحبيات لعبتن نفسي نرجس:بابا يالواكه هوة هيج حجي البنات حبيات شبيك انته احمد:اي افتهمت بس تتلوكن ومن تتفرقن تضل وحدةتكص بالثانية واوووي وموووي وشعرهة هيج ولبسهة هيج (واصبح يتموع ويقلد حركات الفتيات بفمهة) وسام:ههههههههه دكافي خرب يومك خل ابلع اللكمه ويزن وملك يضحكون على حركاته سارة:صدك جذب ليش ماخذين هالنظرة عنه احمد:بابا هسة اني ووسام جم سنه صارلنه سوة ابد مافديوم تلوكتلة لو حجيت حبيات كلة اغلط عليه واضربه وهوة ساكت ودفع وسام بقوة وسقط وسام على الارض شفتي هيج نعبر عن حبنه مو مثلجن مايعات وسام:لاياطايح الحض هيج تدفعني يانذل ونهضت اليه ودفعته وسقط على الارض والاطفال يضحكون نهض احمد وهجم على وسام وانبطحو بالارض وبدأو يتقاتلون سارة:يا كومي خنفكهم ذولةسووهة صدك نرجس:ههههه عوفيهم مخابيل هسة يفكون يزن:اني اشجع بابا ملك:واني وية واحمد علي:اني وياهم ثنينهم يزن:باااا باااا بابااااااا يلة حيل بووكسسس نرجس:اقتربت منهم وضربتهم بقدمي بخفه كومو وثول شتكول علينه البنية جهال خوما جهال وسام--نهضت ورأيت سارة تنظر الي ضربت على كتف احمد وقلت سارة ترةجاي نشاقة احنه دومنه هيج لاتاخذيهة بجد سارة--كنت خائفة عليه خفت من ان يضربه بقوة ويؤلمه لكنه طمنني عليه هااا اي شعلية ليش تكولي يلة اني اترخص اشكرج حبيبتي نرجس هواي تونست وياكم حلوة اللمه بوجودكم نرجس:حبيبتي انشاءالله دوم ننجمع سوة بما انه صرنه صديقات ونظرت الى احمد احمد:اخخخ اموت على نظراتج الشريرة(قلتها بداخلي) سارة:ماشي حبيبتي يلة باي قبلت الاطفال وخرجت في صباح اليوم التالي--- وسام:لك احمد كووووووم احمد--كنت اغط في نوم عميق فسمعت صوت وسام فوق رأسي هاا شكووو من الصباحيات وسام:ردت اكلك ع شغلة قبل لتكعد نرجس احمد--نهضت وكنت ادعك عيني ها شنو وسام:اليوم نسوي الحلفة بمناسبة رجوع نرجس احمد:اوك الحلويات والكيك علية اني اجيبهن من اجي من الشغل وانته رتب البيت وجهزة وسام:ماشي احمد:يلةولي خل ارجع انام وسام:صارت السبعة شتنام بعد راح اجهز الريوك احمد:اوك شوي واجي وسام--ايقضت الاطفال ونرجس وجلسنا نتناول الطعام وكنت افكر بخطة لاجعل نرجس تخرج من البيت لأتكمن من تزيينه ---وسام:نرجس شنو بعد مترحين للشركة ؟ نرجس:السبوع الجاي اروح، اخذت اجازة ارتاح بيهة واشبع منكم وسام: صالج شهرين ماخذة اجازة انوب خذتي اجازة لسبوع ترةميصير هيج خاف تنطردين وبعدين احنه موجودين يمج وشبعي منة بليل قابل طايرين نرجس:اي والله هم صدك وسام:روحي اليوم لشركة وشوفي شنو فاتج احسن مما كاعدةبلبيت بدون شغل وعمل نرجس:خوش فكرة لعد رايحة هسة يلة مع السلامه وسام:وين كملي ريوكج نرجس:شبعت ارتديت معطفي لاخرج فناداني احمد وين انشاءالله من الصبح نرجس:رايحةللشركة احمد:هاا رجعتي؟ نرجس:اي انتظريني اوصلج نرجس:ميحتاج اروح بسيارتي انتة روح اتريك احمد:اوك الله وياج وسام:سمعوني زين علي والتؤام اليوم راح نسوي حفلة لعمتكم نرجس لان رجعت من السفر ماريد تخبروهة بشي ماشي يزن:ياااييي حفلة ملك:ماشي بابا اني اساعدكم شنو اسوي؟ وسام:متسون شي اني واحمد نهتم بكلشي انتو اهتمو بواجباتكم امتحاناتكم قربت وشوف احمد لازم تجي قبل لترجع نرجس شغلهة ينتهي ب9 انتة ب8كون هنا ومجهز كلشي احمد:اوك اوك اجي بال8وليهمك يلة هسة اني طالع مع السلامه وسام:الله وياك سارة:صباح الخير الجميع:صباح النور سارة:يلة يزن ملك خل نروح يزن وملك:اوك وسام:علوش بقي يمي اليوم خذت اجازة سارة:ماشي اوصلت التؤام للمدرسةوعدت للمنزل سارة:وسام خل ارجع للبيت بما ان انت ماخذ اجازةاليوم وسام:لأ سارة:ليش لا وسام:راح نسوي حفلة لنرجس بمناسبةرجعوهة واريدج وياي تساعديني بتزيين البيت سارة:ماشي وسام:امشينه علوش نروح نشري بالون وزينه توجهت نحو الباب لاخرج فنظرت الى سارة مراح تجين ويانه؟؟ سارة:هااا؟؟ اوك جاية وسام--وصلنا للمتجر الذي يبيع ادوات الزينه اشترينا الكثير من الاشياء وبقى البالون احترت أي لون سأخذ؟ سارة:اني اكول تاخذ وردي لان البنات يحبن الوردي وسام:نرجس متحب الوردي تحب الازرك اختي واعرفه سارة:حتلو يبقةاللون الوردي اللون المفضل لكل البنات علي:اشترو وردي وازرق وفضوهة وسام:هم خوش فكرة يلة تعالو ناخذ الحساب اعطيت الاغراض للمحاسب وقال لي عن السعر ---اعطيته المبلغ وكنا على وشك الخروج لكنه ناداني وسام:نعم هل نسيت شيئا" المحاسب:اريد ان اعطي هذه الهدية لك ولزوجتك لانكم اشتريتم الكثير من الاشياء وسام--بقيت انظر اليه باستغراب المحاسب:لاتنظر هكذا انها قوانين المتجر من يشتري كثيرا يربح هدية خذها انت وزوحتك سارة--يالهي الكل يضن اني زوجته 😍وهذا يفرحني وسام-اخذت الهديةوصعدنا بالسيارة سارة:ماراح تفتحهة؟ وسام:فتحيهةانتي سارة:فتحت العلبة فرأيت قلب كبير زجاجي احمر الون داخله يوجد عريس وعروس يرقصون وتتساقط عليهم قلوب صغيرةحمراء وااااااووو يجننن وسام:اخذي اذا عجبج سارة:ميصير اخذه الي وحدي هذه هديةالنه ثنينه خلينه نحطة ببيتك وسام:اوك ...سارة:خلي نجيب التؤام بطريقنه صارت ال12 وسام:ماشي .....احضرنا التؤام من المدرسة وصلنا الى المنزل وقمنا بتعليق الزينه والبالونات ورتبنا سارة:صار البيت يخبل وسام:اي اكول سارة سارة:ها كول وسام:راح تحضرين الحفلة بهالملابس؟ سارة:(بعصبية) ليش شبيهن ملابسي؟ وسام:مابيهن شي اعصابج بس مومناسبات لحفلة سارة:اي اكيد اغيرهن وسام:اوك يلةعلوش تعال خل نحضر ملابسنه علي:ماشي بابا سارة--ذهبت للحمام وكنت غاضبة نظرت لنفسي بالمرأة الا تعجبه ملابسي؟ هل انا قبيحة ولااعجبه نظرت الى ملابسي قليلا" كنت ارتدي بنطال فضفاض وقميص ازرق وفوقه جاكيت انها ملابسي المعتادة بنطال وقميص وجاكيت لا ارتاح الا بهذا النوع من الملابس لكن معه حق لايمكنني حضور الحفله بهذه الملابس علي الذهاب للمنزل وتغير ملابسي بسرعة خرجت من الحمام قلت لهم اني ساعود لمنزلي وأتي عند السابعةمساء" لم يمانع وسام .... عدت للمنزل قبلت والدتي وصعدت لغرفتي فتحت خزانتي واخرجت جميع الملابس ماهذا؟كل ملابسي عبارة عن بنطال وقميص لااملك فستان حفلات😭 لأنه لم يسبق لي ان حضرت حفله😢 جلست على سريري ونظرت للساعة انها الساعة ال6 لم يتبقى الكثير من الوقت لبدء الحفلةوانا لاعرف ماارتديه الى الان وبدأت بالبكاء فدخلت والدتي سميحة:هاي شصاير بالغرفة ليش مطشرةملابسج؟ سارة:راح يسون حفلة ببيت وسام وماعندي شي البسة😭 سميحة:هههههه مخبلة لهذه السبب تبجين اقتربت منها ومسحت دموعها كومي هسةنشتري احلة فستان سارة:ماشي مسحت دموعي ونهضت ذهبت مع والدتي لنتسوق ونشتري فستان بقينا نبحث كثيرا" رأيت العديد من الفساتين لكنها لم تعجبني الا ان عثرت على فستان ابهرني تصميمه وبساطته.كان فستان بسيط وقصير ذو لون بنفسي باهت.اشتريت معه حذاء بنفسجي ذو كعب عالي وبعض الاكسسوارات البسيطة.....وبعد ان انتيهنا عدت للمنزل غيرت ملابسي بسرعة ووضعت بعض من مساحيق التجميل وفتحت شعري وضعت العطر ارتديت حذاءي اخذت جاكيتي قبلت والدتي وشكرتها وخرجت من منزلي طلبت تكسي وقلت له ان يتوجه لمنزل وسام ......
Oops! This image does not follow our content guidelines. To continue publishing, please remove it or upload a different image.
