#شروكي_وافتخر
الجزء12
مرت الشهور واني حبي يزيد لرونق وتعلقي بيها اكثر صرت مانام الا على ريحتها وابتعادا عن المشاكل كمت ماروح لاهلها وفراس دائما يجيني للبيت وي حيدر
اليوم قررنا كلنا نروح للزوراء دزيت على فراس وعلى حيدر وعلى الولد اسعد وعلي ومحمود والبقيه اكرم بس شبابيه
تمشينا للزوراء تلاكينا وي الشله تعرف حيدر عليهم بس حيدر مااخذ بساع عليهم مثل فراس
الشباب كلمن شايل بيده دنبك ودف تكول طالعين عرس هو احنا هيج نونس الهوا نمشي وندك بالزوراء صراحه اني اخجل من هالسوالف بس نوبات اسويهن من يصيحولي ماريد اثكل عليهم وصدك شمرولي دف وكعدنا مدك
--------
لك تعال فروسي الزم الطبل
فراس/ يول مااعرف ادك
محمود- شبيك حضي لزمه زين يمه فدوه لشكارك دك عيني دك
فراس- والله كمنت ادك والضحك اشتغل والله ونسه حيدر واكف على صفحه مبتسم
لك تعال حيدوري والله حلو
الزم الدف بالكوه كام يدك
حيدر- ولك عزه بعيني العالم تتفرج والنبي اذا طالب من طلابي شافني تصير فضيحه بالكليه هههههاي وضلينا ندك سولفنا حمزه اكولك ذوله ميعرفون قهر يمكن ولد عشيرتك حمزه- تنهدت ذوله رب القهر هذا محمود الدتشوفه قبل سنه اخو مات تدمر بس هو ميعرف يشكي وهذا اسعد وادلده قبل شهرين توفى بمرض وبالفاتحه بجي مثل النسوان وهسه تشوفه يضحك واكرم خطيه حالته كلش موزينه ويشتغل من الصبح لليل ديطلع عيشه 4بنات بس هم ولا فد يوم شفته شكه ذهب ولد عمي حيدر- كلش ارتاحيناوتونسنا وحمزه جان مسوي جدر دولمه يوم من احلى الايام بحياتي جان ويايه ابني حسن
فراس- من نرجع نروح بيت ابويه داز عليكم تره
حمزه- شكو
فراس- ماكو شي عرف صاير ضيكه خلك مالك دخل اني بضهرك غمزتله
حمزه- اني كلشي ممسوي
رجعنا ورحنا بيت ابو رونق وتسالمنا جانو كاعدين الرياجيل كلهم وي النسوان اني ماحبذ هاللمات عدنا النسوان وحد عن الرياجيل وحتى هواي جانو عدي اصدقاء مو شراكوه كواضمه عبيد كلهم نفس الذبه بس همه سبورت اني عليه بمرتي كاعده بصفي
عمي- حمزاوي يابه ليش مدتجي لهنا
حمزه- نصيت لا عمي العفو مو قصدي شي
عمي- اريد كل شهر وي النسبان تجي وماريد اي احد يتطاول على احد زين كلمن تعمل باخلاقها
حمزه- صار عمي باوعت لرافت ورشاد ودرت وجهي يله يابه نرفع الزحمه يله رونق نروح
رونق- اي متحضره طلعنا وجان فراس كلش متونس
مها- مرت الايام نجحت من الرابع حروح للخامس ولحد هسه كلما يجي اتصنت على صوته لحد مااغفه مرته كلش حبابه صار عدهم امير ولد يخبل واخويه صارله 5اشهر متزوج وعايشه مرتاحه كلش وي رونق اساعدها وتساعدني
حمزه- رونق بس بس
رونق- ها عيني
حمزه- حبيبي داينيني مليون حتى تصير 4
رونق- ليش محتاج
حمزه- والله مو الي لولد صديقي
رونق- ها اي هسه
صفنت تذكرت حجايه امي واسيل اخاف صدك بعد ميرجعها هو فلوس الدين بعد 5شهور تتوفى تجي تتذاين علمود صديقك هذا شون حجي حجيت وي روحي هالاسبوع انلمينا كلنا ببيت ابويه
ورافت مقصر بالحجي وحمزه يبتسم ويدير وجهه
رافت- ادري متستحون تمشون وتدكون طبل بالزوراء بله حمزه وجماعته ماعليهم عتب بس انتو العقال
حمزه- ليش شبيهم حمزه وجماعته مخابيل
رشاد- حشه المخابيل ههههههه
حمزه- باوعت لامها ولرونق حسيت روحي دااتفتفت من جوه وكفت وطلعت بالحديقه
رونق- حبيبي ديشاقون والله
حمزه- رونق روحي رحمه للعباس روحي اني راجع للبيت
رونق- حمزه شكال ابويه
حمزه- خربب--- استغفر الله لتطلعيني من طوري
فراس- وين حمزاوي
حمزه- فراس عوفني صدك تعال هاك هاي المليون ادري بيك محتاج علمود عمليه مرتك
فراس - لا حبيبي عدي والله
حمزه- فراس اخذها ومن يصير عدك طيني توك مجددالمحل وكومه فلوس ذاب
فراس- حضنته ولك انت اخويه الماجبتيالي امي
تعال فوت لخاطر خوتنا
حمزه- ولك مابيه انغث
فراس- لخاطري
حمزه- لخاطرك حرجع افوت
دخلت شافتني رونق ابتسمت غمزتلي
كاعدين كلنا وحتى عمي
ام رونق- اكولك فراس شنجيبلك هديه مال سلامه مرتك
فراس- سلامتج يوم كلشي ماريد لتكلفين روحج
امي- يمه شكلف روحي هي كلها فلوس ابوك قابل من عدي ابوك ولا فد يوم اخذ مني فلوس مو كل شهر داينيني من راتبج وفد مليون لصاحبي
رونق- باوعت لامي تخبلت لو ادري مماكله نعل وحاجيه
حمزه- باوعت لرونق خزرتها طلعت بعد مكدرت ضاق نفسي من رخصتكم طلعت فراس لحكني لك وييين
فراس عوفنييي ركعت الباب وطلعت ركض رحت للمعارض بعت السياره ورجعت فلوس الدين وفلوس رونق خليتها ماروح وارجعها ماريد اشوفها
فراس- دخلت
