My Love Tracker

Prologue

"Bakit hindi nyo sinabi sa amin ni Heather, Papa?" magkahalong pag-aalala at galit ang namayani sa kalooban ni Vladimir habang kausap ang amang hindi mapakaling nagpapalakad-lakad sa veranda habang ang ina'y hindi maintindihan kung sino ang unang dadaluhan sa pagitan nilang mag-ama. 

"Matagal na kaming nakatatanggap ng mga threaths, Vlad. Kami ng Zio Eleazar mo. Hindi kami nababahala dahil mula pa noon ay may mga lihim nang nagbabantay sa inyong mga bodyguards. Idagdag pa ang mga nakakasama nyo araw-araw na mga----" putol na sabi ni  Benedicto sa nag-iisang anak na lalaki dahil galit na sinagot siya ng huli.

"Na nalingat at mga naging pabaya dahil hanggang ngayon ay nawawala ang kakambal ko!" padarag na sigaw ni Vladimir sa ama. Agad na lumapit naman sa kanya si Catalina----ang kanyang ina, at yumakap ng mahigpit para payapain siya. Mahigit tatlong araw nang nawawala ang kakambal nya mula nang sunduin ito sa eskwelahang pinapasukan nila. Hindi siya nakasama pauwi noon dahil um-attend pa silang tatlo ng mga kaibigang sina Raven at Taylor ng swimming class ng hapong iyon.

"Oh, figlio mio, mi stai spezzando il cuore. Per favore. Huminahon ka anak. Isantabi natin ang galit sa panahong ito. Heather is... Heather is... Oh!"  di na napigilang umiyak ni Catalina habang yakap-yakap pa rin ang anak.

Dose anyos pa lamang ang kambal nilang anak na sina Vladimir at Heather, at ang isiping nasa kamay ng mga halang ang kaluluwa ang nag-iisang anak na babae ay halos pangapusan na ng hininga ang ginang.

"Per favore. Calmati, Mamma. Makikita pa natin si Heather, makikita pa natin siya." sabi nya na agad nawala ang galit at nag-aalalang pinayapa ang ina. Sa batang isip nya ay hindi alam kung saan ibabaling ang nararamdaman. Ang ina ay ilang araw na ring balisa at ayaw kumain, ni hindi nya alam kung nakatulog na ba ito ng maayos. At sa nawawalang kakambal na ilang araw na nilang hindi nakikita. 

Lalapit na sana si Benedicto sa kanyang mag-ina nang  bumungad sa pintuan ang bayaw na si Eleazar, kasama ang apat na pamangkin na sina Eric, ang kambal na sina Jake at Jordan at si Taylor na agad lumapit kay Vladimir at Catalina. Kasabay ng mga ito ang mag-inang Esmeralda at si Raven, ang kababata at matalik na kaibigan ng dalawang nyang anak.

"Anong balita, Benedicto?" tanong ni Eleazar nang makalapit na ito sa kanya. Ang ibang bagong dating ay nagsiupo at tahimik na nakinig sa kanila. Inakay naman ni Vladimir ang Ina sa dulong bahagi ng veranda kung saan matatanaw ang magandang tanawin ng nasasakupan ng mga Monteforte. Sumunod sa kanila ang mag-inang Esmeralda at Raven para aluin ang umiiyak pa ring si Catalina. Gagap ang kamay na tinignan ng mama nya ang dalawa na pilit na ngumiti rito para pagaanin ang sitwasyon.

"Okay ka lang?" tanong sa kanya ni Raven, akmang lalapitan siya ng kaibigan nang awatin ito ni Taylor na parang sinasabing hayaan na lang siya. She then gave a hopeless sigh and nodded, pagkatapos ay bumalik ito sa tabi ni Catalina para yakapin ang ina nya.

"Wala pang tumatawag para manghingi ng ransom, Eleazar. Yun lang ang hinihintay ko, namin ni Catalina. Ibibigay ko ang lahat ng yaman ko mailigtas ko lang ang bunso kong anak." mahinahong sabi ni Benedicto bago tumingin kay Vladimir na nakatingin sa walang hanggang lupain ng mga Monteforte. Vlad's eyes inherit his. Bagama't kalmado na ang anak ay makikita pa rin sa mga mata nito ang labis na galit. His flawless liquid blue eyes turned sapphirian in cold fury. At hindi nya masisisi si Vlad, naging kampante siya sa mga nangyari!

"Kung sinunod ko ang kagustuhan ni Catalina na pag-aralin sa Italya ang mga bata'y di sana mangyayari ito!"

"Benedicto, kahit nasaang lupalop pa ang mga bata, kung gugustuhin ng mga halang ang kaluluwang iyon na dukutin sila ay magagawa nila. Ang pagkakadukot na lamang kay Heather ay di na madaling gawin. Sa dami ng mga bodyguards na pinadala mo sa kanilang dalawa, ano pa kaya sa Italy na halos walang pakialam ang mga tao?" sabad ni Esmeralda at tumingin sa dalawang lalaking nakatayo sa gitna ng veranda, pagkatapos ay tumingin naman sa kani-kanilang mga anak na naroon at tahimik na nakikinig sa kanila. 

Kaibigang matalik ng kanyang nasirang asawa sina Benedicto at Eleazar. At sa nakalipas na mga taon ay nariyan ang dalawang pamilya ng mga kaibigan para suportahan sila sa lahat ng aspeto. Kahit di magkakadugo, pamilya ang turing sa mga Park ng dalawang pamilya.

Kalmadong pumasok si Vladimir sa loob ng bahay para utusan ang mga katulong na ikuha ng maiinom ang mga bisita. Sandaling tumingin siya sa Inang tahimik na nakatingin sa kanya at lumapit sa ama nyang si Benedicto.

"Nag-aalala ako sa pag-uwi nila Papa at Mamma, Benedicto. Hindi kakayanin ng dalawang matanda ang nangyaring ito kay Heather." narinig nya pang sabi ng Ina habang inuutusan nya si Nana Renya, ang mayordoma nila, kasama ang dalawa pang katulong nila bago siya lumabas uli sa veranda. Ang tinutukoy ng mama nya ay ang grandparents nila ni Heather, ang Nonno Gustavo at Nonna Luisa nya. 

Tahimik na tumingin sa kanya ang kanyang ama at di malaman ang isasagot. Magsasalita na sana si Eleazar nang biglang humahangos patungo sa kanila si Nana Renya dala-dala ang isang remote control.

"Signore Benedicto, si Heather. Nakita ko ang aking alaga sa telebisyon! Ang alaga ko!" mangiyak-ngiyak na sabi ng matanda na agad na nagpatayo sa mga taong naroon. Dali-dali silang bumaba sa receiving area ng mansyon at agad na nakita ang nakabukas na telebisyon. Isa iyong local news  mula sa isang lumubog na pampasaherong barko. At ang mga sumunod nilang nakita ay ang nagpasinghap sa kanilang lahat na naroon.

Nakarehistro sa screen ang mukha ng kakambal nyang si Heather at walang malay na nakahiga sa isang pampublikong hospital bed!

Ang nagsasalitang matandang lalaki matapos ipakita ang mukha ng kakambal ay nagbigay ng detalye kung saang hospital maaring makita si Heather. Ganun na lang ang gulat nila nang malaman kung nasaan ito.

Davao!

-----------------

Naninibago ako. Parang pumi-perstaym ako magsulat ng story. Hahaha.

Translations:

figlio mio, mi stai spezzando il cuore. Per favore. - My son, you're breaking my heart. Please.

Per favore. Calmati, Mamma. - Please. Calm down, Mama. [double M yung mama nila sa italian]

Nonno and Nonna - Grandfather and Grandmother.

Signore - Sir.

La veranda on multimedia.