سالب &موجب

بارت 10 والاخير

رفل/ لاول مرة ماما تتصل صار تسع سنوات ماسامعه شئ عنه ولاهي تسال… الو ماما شلونج ليش ماتساليين عليه…
ام رفل/ اسمعيني بت ابراهيم خلي ابوج يحولي فلوس للعراق اني اتزوجت وزوجي قشمرني واخذ الاكوا والماكوا خلي يدزلي اليوم لاتري افضحج انتي وهذا صديقج عصام
رفل/ ماما شدتحجين هذا ماضي وخلص من حياتي واني موا باانقرة اني باازمير من اتصل علبابا اكله يدزلج فلوس
ام رفل / اسمعي لج كل الفيديو الي يخصج انتي وعصام عندي اي قبل لايسافر عصام اني اشتريتهن منه وهسه اجه وكتهن ابتز ابوج بيهن اذا ماقبل يدزلي حواله
رفل/ معقوله ماما انت لهدرجه تكرهيني وتردين تاذيني
ام رفل/ اسمعيني اني ابويه مااعرفه بالفلوس شوفي شئ مقابل شئ دزولي الفلوس ادزلكم كل التسجيلات الاصليه لعنوانكم بتركيا عندج مهله يوميين ترجعين الجواب
رفل/ انهاريت ومداصدك ماما تسوي بيه هالشكل اتصلت عالبابا وكلي عوفي الموضوع عليه وانتي ماعليج وانطيته رقم ماما وهو تكفل بالموضوع واني كلش زعلت وطلعت اتمشى عالبحر اريد اشوي اغير جو ..
د. كرار… جنت اتمشى عالبحر وشفت رفل تتمشى ورحت عليه وانتبهت عليه عيونه ورامه من البجي ..رفل انتي جنتي تبجيين
رفل/ 😢بلي
كرار/ ماكوا شئ يستاهل تنزل دموعج عالمودة
رفل/ كرار اني مصدومه ونفسيتي تعبانه
كرار/ اذا البجي يريحج ابجي واطلعي الحزن ..واذا ترديين تحجين اسمعج عادي
رفل/😢😢بجيت ونسبت نفسي وحجيت كلشي لكرار…
كرار/ معقوله رفل انتي جنتي هالشكل…
رفل/ اعرف موضوعي موا سهل بس شسوي فترة مراهقه وغلطت واعترفت بغلطي وقررت اصحح خطئي وابلش اعيد حياتي من جديد… اني اشكرك لان سمعتني ..استاذن منك اخذ،راحتك
د. كرار/ انصدمت من سمعت قصه رفل صراحه ماجنت متوقع هذا الشكل البرئ مخبي بداخله ماضي كله علاقات مشبوة بس هي غلطت واعترفت بغلطه مع ذلك مازعلت منه لان هي جانت صريحه ويايه…
بعد مرور اسبوع . 
رفل / دكتور كرار عدد الاطفال الي استحق اللقاحات كمل عندي . ..
كرار/ اوكي شباب بنات مهمتنا انتهت من بكري نرجع لانقرة جهزوا نفسكم…
رفل / جهزت جنطتي واني جنت طول الاسبوع مشغوله ويا الاطفال وبابا اتصل عليه كدر يحصل التسجيلات من ماما وعرف هن الاصليات وبابا كلهن تلفهن… وماما اخذت مبلغ ضخم من بابا واخيرا اتخلصت من ماضي يلاحكني الحمدلله والشكر ياربي ثاني يوم سافرت لانقرة…
كرار/رجعت لانقرة ومرت ٥ شهور واني ماملتقي ويا رفل واني كنت مشغول بعملي
رفل/ انشغلت بدراستي وبيوم دارتب رسوماتي وشفت اللوحه الي رسمته لدكتور كرار ..وقررت بكري اخذة للدكتور… ثاني الصبح داومت بالكليه كملت مخاظراتي ورحت لدكتور كرار،وكالعادة دائما مشغول من شفته نفس  الاحساس راودني من اول مرة شفته ورسمته ..سلمت عليه وقدمتله اللوحه . وردت اروح .  كمش ايدي وكال . 
دكتور كرار/ رفل تكدريين تتحمليين طبيب اطفال كل وقته مشغول ويحب عمله وماتشوفيه الا مرة وحدة بالاسبوع ..تقبليين تزوجيني
رفل/ بس دكتور اني .
كرار/ كافي رفل هذا ماضي وانتهي واني احبج مثل ماانتي…
بعد مرور شهر
رفل / اني وكرار حاليا مخطوبين واتفقنا نتزوج من اكمل دراستي كرار انسان متحضر وطيوب وكدر يفهمني والي يغلط ويصحح غلطه افضل مايظل مستمر بالغلط ..

..هاي القصه واحداثه تحدث لبنات هواي يتورطن ويا شباب يوعدوهن بالزواج وياخذون الي يردوة ويعوفنهن قصتي موا خياليه هي من واقع الحال حبيت تستفادون من تجارب غيركم… دمتم سالمين