التوأمتان

التوأمتان بقلم سلمى محمد الحلقة الثالثة عشر

الحلقة الثالثة عشر

---------------

يشار وهو بيقرب ناحية أثير بيقول: تهورك هو السبب فى حبى ليكى وبموت فى طبعك الحامى ده ..وقرب من أثير لحد مابقيت تقريبا فى حضنه ومسكها جامد عشان متقدرش تهرب و قال: تحبى تبقى مراتى دلوقتى ..تحبى أخلى جوازنا حقيقى بدل ماهو حبر على ورق..

أثيروهى بتحاول تشد نفسها: لآ محبش..

يشار: يبقى تسمعى كلامى وتجهزى نفسك على العشا النهارده وتلبسى أى فستان من اللى موجودين فى الدولاب ..

أثير: أنا خلاص هسمع كلامك ..بس سبنى أمشى..

يشار: مش هتمشى عشان مكانك هيبقى معايا هنا وسمية خلاص نقلت كل الحاجات اللى تخصك فى الاوضة هنا..

أثير بغضب : مش من حقك تعمل كده ..

يشار: ماكنتى حلوه من دقيقه وقلتى هسمع الكلام ..لحقتى تقلبى مرة واحدة وكمان من حقى أعمل أى حاجه أنا عايزها..

أثير بصوت خافت : كسر حقك..

يشار : بتقولى حاجة ياحبيبتى..

أثير: لآ مبقولش حاجة ..تأمر بأى حاجة تانى..

يشار: لو قلت ليكى أنا عايزك دلوقتى هتسمعى الكلام وتقوليلى حاضر وتيجى جرى فى حضنى علطول..

أثير: أنا مش هرد عليك عشان ماغلطش وخرجت بره ..

**عند تحية**

تحية: واحشتينى يأسيل ..قوليلى أنتى عامله أيه ..

أسيل : الحمد لله ياخالتى..

تحية: وأسامة عامل معاكى أيه ..أوعى يكون زعلك فى حاجة..

أسيل وهى بتضحك: هو بردو ياخالتى هيلحق يزعلنى ..ده أحنا لسه فى شهر العسل..

تحية: قوليلى بس لو فكر يزعلك أجى ليكى وأشده من ودانه وأعلمهولك الآدب..

أسيل: تيجى فين ياخالتى ..ده أنا فى أخر الدنيا..

تحية: يعنى هو مش مزعلك..

أسيل : أحلفلك بأيه ياخالتى اللى أنا مش زعلانه ..أنا مبسوطة أوى..

تحية : ديما مبسوطة ياحبيبتى ..

أسيل : فين أثير عشان واحشتنى..

أثير كانت لسه داخله الآوضة

تحية : خدى يأثير أختك عايزه تكلمك..

أثير مسكت التليفون: واحشتينى يابت ..الجواز عامل معاكى أيه..

أسيل: عسل فى عسل وأنتى

أثير: بصل فى بصل..

أسيل: لآ أكيد بتهزرى..

أثير: أه بهزر وأسامة لحق يزهق منك ..ماأنا عرفاكى تزهقى بلد..