التوأمتان

الحلقة الثانية

الحلقة الثانية

-------------

أثير: أدعى ياخالتى ربنا يهدى اسيل ..

تحية: والله بدعى ليكو أنتو الاتنين من كل قلبى ..ربنا يهدى أسيل وترجع عن الطريق اللى ماشيه فيه..

تحية وهى بتتكلم مرة واحدة سكتت وفضلت تبص لآثير ويحيى بأستغراب..

أثير: مالك ياخالتى بتبصى ليحيى كده ليه..

تحية: أبن مين العيل اللى شايلها على كتفك..

أثير: ده يحيى أخويا ياخالتى..

تحية وهى مش مركزة مع كلام أثير: مكنش العشم يأثيريعنى تتجوزى وتخلفى من غير ماتقوليلى..

أثير: خالتى بالله عليكى ركزى معايا ..أنا متجوزتش خالص..

تحية وهى بتصوت: يالهوى ..يعنى يحيى ابن حرام..يالهوى ..

أثير: يالهوى عليا انا ياخالتى ..أنتى كده هتجبيلى مصيبة..

تحية وهى لسه بتصوت: يامصيبتك ياتحية..

أثير: يامصبتك يأثير..أيه اللى جرالك مرة واحدة ده ياخالتى ماانتى كنت كويسه معايا من دقايق وكنت بتدعى ليا أنا وأسيل..

تحية: أنا كنت بدعى عليكم ..ربنا يريحنى منكم أنتو الاتنين..

أثير: طب وطى صوتك شوية هتفضحينا فى المنطقة..

تحية: ماخلاص احنا أتفضحنا من زمان..

أثير: لآ ياخالتى الحالة اللى أنتى فيها دلوقتى مايسكتش عليها..لو كنت الاول بتنسى مكان الحاجة كنت بقول لنفسى مفيش مشكلة ..بس دلوقتى الوضع أختلف أنتى كده هتلبسينى مصيبة..

تحية: قولى بقى أنتى عايزه تجنينى ..عشان تمشى على حل شعرك..

أثير: بالله عليكى لتهدى شويه ياخالتى..

تحية: هو أنتى شايفنى مجنونه..

أثير: العفو ياخالتى ..أنا مقصدش كده ..طب أيه رأيك تلبسى ونخرج مع بعض نروح مشوار..

تحية مرة واحدة سكتت ورجعت لآرض الواقع تانى: أنتى كنتى بتقولى أيه ياحبيبتى من شويه..

أثير وهى بتحط أيديها على دماغها: أه أه يادماغى..

تحية: سلامة دماغك ياحبيتى.. روحى أفتحى الدرج اللى هناك وخدى قرص للصداع..

أثير: هو أنا كنت بقول أيه ..أه أفتكرت ..ألبسى ياخالتى عشان هنروح مشوار..

تحية: مشوارأيه ياحبيبتى..

أثير: خليها مفاجأة ياخالتى..

فى المستشفى

أثير بتعمل التحاليل والاشعة اللى الدكتور طلبها ..

أثيروتحية فى العيادة مع الدكتور..